Тик ёргени, тик энгишгеси да болады.
Джеринден айырылгъан – джети джылар, джуртундан айырылгъан – ёлгюнчю джылар.
Джаным-тиним – окъуу, билим.
Юре билмеген ит, къонакъ келтирир.
Джети тилни билген джети кишиди.
Эки итни арасына сюек атма, эки адамны арасында сёз чыгъарма.
Джюрекге ариу – кёзге да ариу.
Ашарыкъда сайлагъаннга – чий гырджын.
Сескекли кесин билдирир.
Орну джокъну – сыйы джокъ.
Кёбню кёрген – кёб билир.
Эр абынмай, эл танымаз.
Бети къызарыучу адамны, джюреги харам болмаз.
Онгсузну – джакъла, тенгликни – сакъла.
Адамны адамлыгъы къыйынлыкъда айгъакъланады.
Сыфатында болмагъаны, суратында болмаз.
Чакъырылмагъан къонакъ – орунсуз.
Къолунгдан къуймакъ ашатсанг да, атаны борчундан къутулмазса.
Олтуруб кёрюнмей эди да, ёрге туруб кёрюне эди.
Орундукъ тюбюнде атылсам да, орта джиликме, де да айлан.
Адам къаллай бир ишленмесе, аллай бир кесин уллу кёреди.
Азыкъ аз болса, эртде орун сал.
Миллетни бойну – базыкъ, аны бла кюрешген – джазыкъ.
Байны оноуу, джарлыгъа джарамаз.
Дуния мал дунияда къалады.
Чабакъгъа акъыл, табагъа тюшсе келеди.
Хаухну атма, ёнгкючню сатма.
«Ма», - дегенни билмесенг, «бер», - дегенни билмезсе.
Окъуусуз билим – джокъ, билимсиз кюнюнг – джокъ.
Кёлсюзден сёзсюз тууар.
Ач бёрюге мекям джокъ.
Ичимден чыкъды хата, къайры барайым сата?
Къызны минг тилер, бир алыр.
Тулпарлыкъ, билекден тюл – джюрекден.
Хантына кёре тузу, юйюне кёре къызы.
Джигер – джаннга къыйынлыкъ.
Дууулдаса – бал чибин, къонса – къара чибин.
Мадар болса, къадар болур.
Окъуу – билимни ачхычы, окъуу – дунияны бачхычы.
Айраннга суу къош, телиге джол бош.
Ашхылыкъ джерде джатмайды, аманлыкъ суугъа батмайды.
Джюрекден джюрекге джол барды.
Айтылгъан сёз ызына къайтмаз.
Уясында не кёрсе, учханында аны этер.
Ёзденликни джайгъан – джокълукъ.
Биреуге кёлтюрген таягъынг, кесинги башынга урур.
Соргъан айыб тюлдю, билмеген айыбды.
Ойнай билмеген, уруб къачар.
Къалгъан ишге къар джауар.
Бермеген къол, алмайды.
