Къоркъакъны кёзю экили кёрюр.
Билмезни кёзю кёрмез, этмезни къулагъы эшитмез.
Байма, деб да, къууанма, джарлыма, деб да, джылама.
Акъыл аздырмаз, билим тоздурмаз.
Чомартны къолун джокълукъ байлар.
Къыз келсе, джумуш эте келеди, къатын келсе, ушакъ эте келеди.
Чакъырылмагъан къонакъ къачан кетерин сормаз.
Окъумагъан сокъурду, сокъур ташха абыныр!
Эллинг бла джау болсанг да, юйюнг бла джау болма.
Хаухну атма, ёнгкючню сатма.
Хазыр ашха – терен къашыкъ.
Тенгинг джокъ эсе – изле, бар эсе – сакъла!
Къралынгы – душмандан, башынгы от бла суудан сакъла.
Харам къарнашдан, халал тенг ашхы.
Терек ауса, отунчу – кёб.
Ач уят къоймаз.
Бек ашыкъгъан меннге джетсин, дегенди аракъы.
Оюмсуз атлагъан, аджалсыз ёлюр.
Къартны бурнун сюрт да, оноугъа тут.
Айран тёгюлсе, джугъусу къалыр.
Адеби болмагъан къыз – тузсуз хант.
Аз сёлеш, кёб ишле.
Къаллай салам берсенг, аллай джууаб алырса.
Биреуге аманлыкъ этиб, кесинге игилик табмазса.
Сёлеш деб шай берген, тохта деб, сом берген.
Алтыда кюлмеген, алтмышда кюлмез.
Аш берме да, къаш бер.
Ата джурт – алтын бешик.
Элиб деген, элге болушур.
Киштикге къанат битсе, чыпчыкъ къалмаз эди.
Къонакъ аз олтурур, кёб сынар.
Экеу тутушса, биреу джыгъылыр.
Насыблы элин сюер, насыбсыз кесин сюер.
Адам боллукъ, атламындан белгили болур.
Аманнга да, игиге да оноусуз къатышма.
Ата Джуртуму башы болмасам да, босагъасында ташы болайым.
Азыкълы ат арымаз, къатыны аман джарымаз.
Джеринден айырылгъан – джети джылар, джуртундан айырылгъан – ёлгюнчю джылар.
Арбаз сайлама да, хоншу сайла.
Джолунга кёре – джюрюшюнг, джагъанга кёре – юлюшюнг.
Биреу къой излей, биреу той излей.
Абынмазлыкъ аякъ джокъ, джангылмазлыкъ джаякъ джокъ.
Таула не мийик болсала да, аууш табылыр.
Къан бла кирген, джан бла чыгъар.
Мухардан ач ычхынмаз.
Мухар, кеси тойса да, кёзю тоймаз.
Алим болгъандан эсе, адам болгъан къыйынды.
Байны къызы баймакъ болса да, юйде къалмаз!
Алгъанда – джууукъ, бергенде – джау.
Къатын байлыкъны сюер, эр саулукъну сюер.
