Аманнга да, игиге да оноусуз къатышма.
Ойнаб айтсанг да, эслеб айт.
Ойнай билмеген, уруб къачар.
Акъдан къара болмаз.
Ата джурт – алтын бешик.
Эл элде бирер малынг болгъандан эсе, бирер тенгинг болсун.
Тёгюлген тюгел джыйылмайды.
Джаш къарыу бла кючлю, къарт акъыл бла кючлю.
Таукел адам тау тешер.
Тил – кесген бычакъ, сёз – атылгъан окъ.
Айтханы чапыракъдан ётмеген.
Башланнган иш битер, къымылдагъан тиш тюшер.
Ариу сёз – джаннга азыкъ, аман сёз – башха къазыкъ.
Суугъа – чабакъ, къаягъа – ыргъакъ.
Татлы сёз – балдан татлы.
Берекет берсин деген джерде, берекет болур.
«Ёгюз, джаргъа джууукъ барма, меннге джюк боллукъса», - дегенди эшек.
Ётюрюкню къуйругъу – бир тутум.
Таукелге нюр джауар.
Рысхысына кёре, джаш ёсер, къышлыгъына кёре, мал ёсер.
Аз сёлешген, къайгъысыз турур.
Хантына кёре тузу, юйюне кёре къызы.
Джарлыны тону джаз битер.
Аш иеси бла татлыды.
Кёл ашады да, кеси ашады.
Чабакъ башындан чирийди.
Босагъа таш юйге кирмей эди, тыбыр таш эшикге чыкъмай эди.
Ашатыргъа иш – ашхы, ишлетирге аш – ашхы.
Акъыллы айтыр эди, акъылсыз къоймайды.
Кёзю сокъурдан – къоркъма, кёлю сокъурдан – къоркъ.
Окъ къызбайны джокълайды.
Къуллукъчума, деб махтанма, къуллукъ – хаух джамчыды!
Ашлыкъны арба юйге келтирир, чана базаргъа элтир.
Тамбла алтындан бюгюн багъыр ашхы.
Арпа, будай – ащды, алтын, кюмюш а – ташды.
Джетген къыз джерли эшекни танымаз.
Аманны къуугъан, аманлыкъ табар.
Ауузу бла къуш тута айланады.
Тойну къарнашы – харс, джырны къарнашы – эжиу.
Эркишиге тары кебек танг кёрюнюр.
Акъыллы эркиши атын махтар, акъылсыз эркиши къатынын махтар.
Джарлы джети элни сёзюн этер.
Ашын ашагъанынгы, башын да сыйла.
Джаралыны джастыгъында сау ёлюр.
Сабий болмагъан джерде, мёлек болмаз.
Аджал соруб келмез, келсе, къайтыб кетмез.
Мураты болгъанны джюрек тебюую башхады.
Ач къалгъандан, кеч къалгъан къолай.
Чёбню кёлтюрсенг, тюбюнден сёз чыгъар.
Къыз келсе, джумуш эте келеди, къатын келсе, ушакъ эте келеди.
