Акъыллы башны – тили къысха.
Харам къарнашдан, халал тенг ашхы.
Ауузу бла къуш тута айланады.
Ойнай билмеген, оюн бузар.
Тау башында, тау болмаз, джангыз терек, бау болмаз.
Арба аугъандан сора, джол кёргюзтюучю кёб болур.
Ата Джуртуму башы болмасам да, босагъасында ташы болайым.
Къызгъанчдан ычхыныр, мухардан ычхынмаз.
Джашынгы кесинг юретмесенг, джашау юретир.
Тай асырагъан, атха минер.
Ишлемеген – тишлемез.
Ёлмесенг да, къарт дамы болмазса?
Нёгер болсанг, тенг бол, тенг болмасанг, кенг бол.
Эрине къаргъыш этген къатын, эрнин къабар.
Душманны тышы – акъ, ичи – къара.
Аман киши кеси юйюнде – къонакъ.
Билгенни къолу къарны джандырыр.
Миллетни бойну – базыкъ, аны бла кюрешген – джазыкъ.
Окъдан джара эртде-кеч болса да бителир, сёз джара, ёмюрге къалыр.
Ат да турмайды бир териде.
Ариу сёзде ауруу джокъ.
Окъ къызбайны джокълайды.
Атынг аманнга чыкъгъандан эсе, джанынг тамагъынгдан чыкъсын.
Чыбыкълыкъда бюгюлмеген, къазыкълыкъда бюгюлмей эди.
Байма, деб да, къууанма, джарлыма, деб да, джылама.
Аманнга алтын чыдамаз.
Малны кют, джерни тюрт.
Босагъа таш юйге кирмей эди, тыбыр таш эшикге чыкъмай эди.
Гугурук къычырмаса да, тангны атары къалмаз.
Ёгюзню мюйюзлери ауурлукъ этмейдиле.
Джырчы джырчыгъа – къарнаш.
Кенгеш болса, уруш болмаз.
Орундукъ тюбюнде атылсам да, орта джиликме, де да айлан.
Ауругъан – джашаудан умутчу.
Аманны къуугъан, аманлыкъ табар.
Таукел адам тау тешер.
Хансыз джомакъ болмаз.
Окъугъан – асыу, окъумагъан – джарсыу.
Уруну арты – къуру.
Къаллай салам берсенг, аллай джууаб алырса.
Къартха ушагъан джаш – акъыллы, джашха ушагъан къарт – тели.
Тили узунну, намысы – къысха.
Эл тойса, тоймагъан, эл къойса, къоймагъан.
Чакъырылгъанны аты, чакъырылмагъанны багъасы болур.
Тик ёргени, тик энгишгеси да болады.
Тилчиден кери бол.
Къыз келсе, джумуш эте келеди, къатын келсе, ушакъ эте келеди.
Таш бла ургъанны, аш бла ур.
Накъырда – кертини келечиси.
Алтыннга тот къонмаз.
