Алим болгъандан эсе, адам болгъан къыйынды.
Аз сёлешген, къайгъысыз турур.
Кийиминг бла танылма, адамлыкъ бла таныл.
Эркиши – от, тиширыу – суу.
Джылкъыдан – ат чыгъар, тукъумдан – джаш чыгъар.
Чомарт къонакъ юй иесин сыйлар.
Ашхы – джыяр, аман – джояр.
Къызбайны юйюне дери сюрсенг, батыр болур.
Ёпкелегенни ашы татлы болады.
Татлы сёз – балдан татлы.
Аман киши кеси юйюнде – къонакъ.
Джогъун бар этген, барын бал этген.
Кесине оноу эте билмеген, халкъына да эте билмез.
Къарт бла баш аша, джаш бла аякъ аша.
Тулпарлыкъ, билекден тюл – джюрекден.
Джаш болсун, къыз болсун, акъылы, саны тюз болсун.
Мал тутхан – май джалар.
Ёнгкюч къууана барыр, джылай келир.
Кесинг сынамагъан затны, адамгъа буюрма.
Арбаз сайлама да, хоншу сайла.
Тюз сёз баргъан сууну тыяр.
Мураты болгъанны джюрек тебюую башхады.
Эм ашхы къайын ана мамукъ бла башынгы тешер.
Ач уят къоймаз.
Намыс сатылыб алынмайды.
Насыблы элин сюер, насыбсыз кесин сюер.
Джыланны къуйругъундан басарынг келсе, аны башы болгъанын унутма.
Ашхы сёз таш тешер.
Джарлы эскисин джамаса, къууаныр.
Арпа, будай – ащды, алтын, кюмюш а – ташды.
Ишни аллы бла къууанма да, арты бла къууан.
Уллу сёлешме да, уллу къаб.
Аурууну келиую тынч, кетиую – къыйын.
Огъурлуну сёзю – суу, огъурсузну сёзю – уу.
Сёз – кюмюш, джыр – алтын.
Ариу сёз – джаннга азыкъ, аман сёз – башха къазыкъ.
Арыгъан къош чамчы болур.
Ачлыкъда тары гырджын халыуадан татлы.
Аджашхан тёгерек айланыр.
Сабийни джумушха джибер да, ызындан бар.
Терек ауса, отунчу – кёб.
Билеги кючлю, бирни джыгъар, билими кючлю, мингни джыгъар.
Уллу суу бла уллу ауруудан башынгы сакъла.
Джашлыкъ этмеген, башлыкъ этмез.
Къарны аманнга къазан такъдырма, къолу аманнга от джакъдырма.
Джаралыны джастыгъында сау ёлюр.
Керек ташны ауурлугъу джокъ.
Иги адамны бир сёзю эки болмаз.
Сёз садакъдан кючлюдю.
Джашынгы кесинг юретмесенг, джашау юретир.
