Сёз сёзню айтдырыр.
Тамчы таш тешер.
Ёлген эшек бёрюден къоркъмайды.
Гугурук къычырмаса да, тангны атары къалмаз.
Билим насыб берир, билим джолну керир.
Къарт бла баш аша, джаш бла аякъ аша.
Алма терегинден кери кетмез.
Джангыз терек къынгыр ёсер.
Ишлегенде эринме, ишде чолакъ кёрюнме.
Уллу суу бла уллу ауруудан башынгы сакъла.
Зарда марда джокъ.
Накъырданы арты керти болур.
Къуллукъчума, деб махтанма, къуллукъ – хаух джамчыды!
Ойнай билмеген, уруб къачар.
Къумурсхала джыйылсала, пилни да джыгъадыла.
Адамны джюреги нени кёрюрге сюйсе, кёзю да аны кёрюрге ёч болады.
Къулакъдан эсе, кёзге ышан.
Тойгъан джерге джети къайт.
Билим – акъылны чырагъы.
Бозанг болмагъан джерге, къалагъынгы сукъма.
Чакъырылмай келген къонакъ сыйланмай кетер.
Ачлыкъда тары гырджын халыуадан татлы.
Къралынгы – душмандан, башынгы от бла суудан сакъла.
Биреу къой излей, биреу той излей.
Бети къызарыучу адамны, джюреги харам болмаз.
Аджашханны ызындагъы кёреди, джангылгъанны джанындагъы биледи.
Къая джолда джортма, ачыкъ сёзден къоркъма.
Байлыкъдан саулукъ ашхыды.
Таукел къуру къалмаз.
Къуру гыбыт бек дыгъырдар.
Ашхы атаны – джашы ашхы, ашхы ананы – къызы ашхы.
Рысхы джалгъанды: келген да этер, кетген да этер.
Джюз элде джюз ёгюзюм болгъандан эсе, джюз джууугъум болсун.
Тойчу джашха къарама, къойчу джашха къара.
Къошда джокъгъа – юлюш джокъ.
Хаухну атма, ёнгкючню сатма.
Джаным-тиним – окъуу, билим.
Ишленмеген джаш – джюгенсиз ат, ишленмеген къыз – тузсуз хант.
Чакъырылмагъан джерге барма, чакъырылгъан джерден къалма.
Къолу уллу – асыу, аягъы уллу – джарсыу.
Ауругъаннга – кийик саулукъ, джетген къызгъа – чилле джаулукъ.
Келинни – келгинчи, бёркню кийгинчи кёр.
Мал ёлсе, сюек къалыр, адам ёлсе, иши къалыр.
Тойгъа барсанг, тоюб бар, эски тонунгу къоюб бар.
Келлик заман – къартлыкъ келтирир, кетген заман – джашлыкъ ёлтюрюр.
Ашхы – джыяр, аман – джояр.
Айтылгъан буйрукъ, сёгюлмез
Ашаса, ашамаса да, бёрюню ауузу – къан.
Адам сёзюнден белгили.
Эки элинги тыйсанг, джети элде махталырса.
