- Хантына кёре тузу, юйюне кёре къызы.
- Рысхы – насыбха къор.
- Джолда аягъынга сакъ бол, ушакъда тилинге сакъ бол.
- Къонакъ хазыр болгъанлыкъгъа, къонакъбай хазыр тюлдю.
- Арбаз сайлама да, хоншу сайла.
- Ёзденликни джайгъан – джокълукъ.
- Джарашыу сюйген – джалынчакъ.
- Башсыз урчукъ тюзюне айланмаз.
- Тюзлюк тас болмайды.
- Уллу сёзде уят джокъ.
- Къралынгы – душмандан, башынгы от бла суудан сакъла.
- Ишленмеклик адамлыкъды.
- Иги адамны бир сёзю эки болмаз.
- Орну джокъну – сыйы джокъ.
- Ата Джуртча джер болмаз, туугъан элча эл болмаз.
- Тил джюрекге джол ишлейди.
- Адамны джюреги нени кёрюрге сюйсе, кёзю да аны кёрюрге ёч болады.
- Малны кют, джерни тюрт.
- Къартха ушагъан джаш – акъыллы, джашха ушагъан къарт – тели.
- Халкъны джырын джырласанг, халкъ санга эжиу этер.
- Ач бёрюге мекям джокъ.
- От кюйдюрген, сау болса да, тот кюйдюрген, сау болмаз.
- Къыйынлы джети элге оноу этер.
- Джарлы эскисин джамаса, къууаныр.
- Джарлыны эшигин махтагъан джабар.
- Аш хазыр болса, иш харам болур.
- Сангырау къулакъ эл бузар.
- Чабакъ башындан чирийди.
- Юйюнгден чыкъдынг – кюнюнгден чыкъдынг.
- Асхат ашлыкъ сата, юйдегиси ачдан къата.
- Джылар джаш, атасыны сакъалы бла ойнар.
- Бермеген къол, алмайды.
- Джетген къыз джерли эшекни танымаз.
- Билим ат болуб да чабар, къуш болуб да учар.
- Кютгени беш эчки, сызгъыргъаны уа, джерни джарады.
- Ауузу бла къуш тута айланады.
- Къызгъанчдан ычхыныр, мухардан ычхынмаз.
- Эки къатын алгъанны къулагъы тынгнгаймаз.
- Ашыкъгъан cуу, тенгизге джетмез.
- Ач – эснер, ат – кишнер.
- Кийимни бичсенг, кенг бич, тар этген къыйын тюлдю.
- Кёбню кёрген – кёб билир.
- Джумушакъ терекни къурт ашар.
- Ашарыкъда сайлагъаннга – чий гырджын.
- Дууулдаса – бал чибин, къонса – къара чибин.
- Абынмазлыкъ аякъ джокъ, джангылмазлыкъ джаякъ джокъ.
- Ата джурт – алтын бешик.
- Сабийни джумушха джибер да, ызындан бар.
- Акъылсызны джууукъгъа алма, акъыллыны кенгнге салма.
- Ойнай-ойнай кёз чыгъар.
Джылы хапарла...
29.07.2010 16:47:18
:smt001
|
||||
|
|
|||
Читают тему (гостей: 1)