- Тойгъан джерге джети къайт.
- Шекер бла туз – бир болмаз, ушамагъан – юй болмаз.
- Эринчекни эр алмаз, эр алса да, кёл салмаз, кёл салса да, кёб бармаз!
- Джукъу тёшек сайламайды.
- Тёрдеги кюлсе, эшикдеги ышарыр.
- Мухарны эси – ашарыкъда.
- Ойнай-ойнай кёз чыгъар.
- Сабий болмагъан джерде, мёлек болмаз.
- Ким бла джюрюсенг, аны кёзю бла кёрюнюрсе.
- Акъыллы айтыр эди, акъылсыз къоймайды.
- Мадар болса, къадар болур.
- Таула не мийик болсала да, аууш табылыр.
- Чёбню кёлтюрсенг, тюбюнден сёз чыгъар.
- Келгинчи, къонакъ уялыр, келгенден сора, къонакъбай уялыр.
- Къарын къуру болса, джюрек уру болур.
- Малны кют, джерни тюрт.
- Тилчи тилден къаныкъмаз.
- Ёлген аслан – сау чычхан.
- Тюкюрюк баш джармаз, налат кёз чыгъармаз!
- Кюлме джашха – келир башха.
- Джырына кёре эжиую.
- Адамны артындан къара сабан сюрме.
- Кёзюнде тереги болгъан, чёбю болгъаннга кюле эди.
- Къонакъ болсанг, ийнакъ бол.
- «Ёгюз, джаргъа джууукъ барма, меннге джюк боллукъса», - дегенди эшек.
- Къарны аманнга къазан такъдырма, къолу аманнга от джакъдырма.
- Тамчы таш тешер.
- Сескекли кесин билдирир.
- Ариу сёз аурууунгу алыр.
- Ата – билек, ана – джюрек!
- Ат да турмайды бир териде.
- Ана къолу ачытмаз.
- Кёз – сюйген джерде, къол – ауругъан джерде.
- Бойнуму джети джерден кессенг да, мен ол ишни этеллик тюлме.
- Ётюрюкден тюбю джокъ, кёлтюрюрге джиби джокъ.
- Суу кетер, таш къалыр.
- Мураты болгъанны джюрек тебюую башхады.
- Джыланны къуйругъундан басарынг келсе, аны башы болгъанын унутма.
- Сормай – алма, чакъырылмай – барма.
- Къонагъы джокъну – шоху джокъ.
- Къарт болгъан джерде, берекет болур, сабий болгъан джерде, оюн болур.
- Кёкдеги болмаса, джердегин кёрмейди.
- Адамны джюреги нени кёрюрге сюйсе, кёзю да аны кёрюрге ёч болады.
- Уясында не кёрсе, учханында аны этер.
- Джарлыны тону джаз битер.
- Алтыннга тот къонмаз.
- Джумушакъ сёз къаты таякъны сындырыр.
- Бюгюн дуния кибик, тамбла ахыратды.
- Аман къатын алгъан, арыр, иги къатын алгъан джарыр.
- Гитче джилтин уллу элни джандырыр.
Джылы хапарла...
29.07.2010 16:47:18
:smt001
|
||||
|
|
|||
Читают тему (гостей: 1)