Войти на сайт
29 Марта  2024 года

 

  • Соргъан айыб тюлдю, билмеген айыбды.
  • Джаралыны джастыгъында сау ёлюр.
  • Гитче джилтин уллу элни джандырыр.
  • Ауурну тюбю бла, дженгилни башы бла джюрюген.
  • Кимни – тили, тиши онглу, кимни – къолу, иши онглу.
  • Башы ишлегенни, ауузу да ишлер.
  • Акъыллы – эл иеси, тели – эл баласы.
  • Дуния малгъа сатылма, кесингден телиге къатылма.
  • Билим насыб берир, билим джолну керир.
  • Ёлюр джаннга, ёкюл джокъ.
  • Ойнай-ойнай кёз чыгъар.
  • Хар адамгъа кеси миннген тау кибик.
  • Айранын берсенг, челегин да къызгъанма.
  • Аман хансны – урлугъу кёб.
  • Баланы адам этген анады.
  • Узун джолну барсанг, бюгюн келирсе, къысха джолну барсанг, тамбла келирсе.
  • Дуния мал дунияда къалады.
  • Къарны аманнга къазан такъдырма, къолу аманнга от джакъдырма.
  • Тин – байлыгъынг, терен саулугъунг.
  • Адам туугъан джеринде, ит тойгъан джеринде.
  • Этни бети бла шорпасы.
  • Болджал ишни бёрю ашар.
  • Юйюнгден чыкъдынг – кюнюнгден чыкъдынг.
  • Чакъырылгъанны аты, чакъырылмагъанны багъасы болур.
  • Сютден ауузу кюйген, суугъа юфгюре эди.
  • Бичгенде ашыкъма, тикгенде ашыкъ.
  • Сакъалы текени да бар, мыйыгъы киштикни да бар.
  • Къая джолда джортма, ачыкъ сёзден къоркъма.
  • Тёрде – темир таякълы, къаяда – чыпчыкъ аякълы.
  • Нарт сёз – тилни бети.
  • Илму – джашауну джолу.
  • Мухарны эси – ашарыкъда.
  • Борчунг бар эсе, хурджунунга ойлаб узал.
  • Намыс сатылыб алынмайды.
  • Кеси юйюмде мен да ханма.
  • Бети къызарыучу адамны, джюреги харам болмаз.
  • Аджаллыгъа окъсуз шкок атылыр.
  • Нафысынгы айтханын этме, намысынгы айтханын эт.
  • Урама да – ёледи, сатама да – келеди.
  • Чомартха Тейри да борчлуду.
  • Махтаннган къыз, тойда джукълар.
  • Къонакъ хазыр болгъанлыкъгъа, къонакъбай хазыр тюлдю.
  • Таукел адам тау тешер.
  • Ашхы адам – халкъ байлыгъы, ашхы джер – джашау байлыгъы.
  • Экиндини кеч къылсанг, чабыб джетер ашхам.
  • Къуллукъчума, деб махтанма, къуллукъ – хаух джамчыды!
  • Ашхы тенг джолгъа салыр, аман тенг джолдан тайдырыр.
  • Билимли ёлмез, билимсиз кёрмез.
  • Джети тилни билген джети кишиди.
  • Этни да ашады, бетни да ашады.

 

Страницы: 1
RSS
Джылы хапарла...
 
[color=brown:ada9c62ded][b:ada9c62ded]Сенсиз[/color:ada9c62ded] Тёгерекни бир тукъум, бир тюрлю шошлукъ басханды. Джашауну тюрлю-тюрлю бетли этиучю оюла тас болгъандыла. Кёк да чууакъ тюл, ханс да джашил тюл, кюн да джылтыраучусуча джылтырамайды. Джайны чиллесинде санымы сууукъ къалтырауукъ кючлегенди. Джашауума магъана бердириучю сезимлерим, къырау ургъанча, мууал болгъандыла. Кёзлерими, джюрегими да, анча джылны толтуруб тургъан сыфатынгы, тыяргъа мадар табмай къалдым. Энди уа бош болгъан оруну хатерсиз сууукъ аяз тарайды. Анча джылны кесиме таянчакъ этиб, базыб тургъан сюймеклик ёлдю. Сынгар кёлеккемди джер юсюнде джюрюген. Энди анга джан кириб, джашаугъа учундургъан джидтин къайтырмы къайдам...[/b:ada9c62ded]
 
[color=brown:4e288c9f52][b:4e288c9f52]Джылыу излей[/b:4e288c9f52] Сууукъ. Юйде да, джюрекде да, джылыу табалмай, кюнню бир таякъчыгъын кёралсам деб, балконнга чыкъдым, алай а? Мамукъча ариу, кирсиз тубан да, элни башында къая ранлагъа кириб, чулгъана-чулгъана, кесин таулагъа ышый, джылыу излей эди.[/color:4e288c9f52]
 
[color=brown:4f5e60276f][b:4f5e60276f]Ариу сёзле, орунсуз сёзле[/b:4f5e60276f] Ариу сёзле, мийик сёзле, айтылыргъа тыйыншлы болмагъанлай, айтылгъан сёзле, орунсуз сёзле ? кесигизни ишигизни этдигиз ? эсими тубаннга ийдигиз, джалан джюрекни кёлюне тийдигиз.[/color:4f5e60276f] /[b:4f5e60276f]Къубадийланы Лейла[/b:4f5e60276f]/
 
[color=brown:3e026a9756][b:3e026a9756]Ашхы умутла бла джашатхан сюймеклик[/b:3e026a9756][/color:3e026a9756] [color=brown:3e026a9756]Экиси бир-бирлерине тюбешмез заманларында тюбешдиле. Бюгюннге дери кеслерини джашау джолларын бир-бирсиз сюре келгенлеге не зат чурум болду алай тюбеширча? Алай а, не келсин, Айшатны эки ариу уллу къара кёзюнден атылыб чыкъгъан ?садакъ окъла? келиб джюрегине къалай ачы джара салгъанларын ангыламай къалды Азнаур. Айшат бла къууанчлары джаз башыны ариулугъуна ушады да, экиси да тёгерекни ай да, кюн да, джулдузла да бирча джарытхан бир башха дуниягъа тюшюб къалгъанча болдула. Бу халгъа мутхуз тюрсюн берген хар озгъан такъыйкъаны аланы бир-биринден айрыргъа ашыкъгъаны эди? Заман озду. Джылны сейир чагъы ? къач табигъатха ие болду. Тереклени чапыракълары тюрлю-тюрлю бояулу сууланы ичиб, джанкъылыч тюрсюн алдыла. Тереклени бутакъларындан ычхыныб, башларына эркинлик табхан чапыракъла, бир кесекни хауада уча келиб, джерге тёшеледиле. Шиндикде олтуруб, алагъа къараб тургъан Айшатны къулагъына, чапыракъла, кёл эте, бир затла шыбырдагъанча эшитиледи. Ала бла ушакъ этерге излегенин ангылаб, Айшат, тёгерегине сескекли къараб, кишини кёрмегенинде, бир кесек кесин басады. Алай болса да, башын кючлеб тургъан ауур сагъышладан къутулалмайды. Анны бу болумдан чыгъарлыкъ сынгар да Азнаурну ауазы эди. Ол ауазны былайда эшитмезлигин ангыласа да, джюреги: ?эшитирикме, эшитирикме?, деб ангысын дженгерге кюрешеди. Джаны дыгалас этиб тебресе, кесине не джерде, не кёкде орун табмай, къолуна къаламны алыучу Айшат, бюгюн анны болушуруна да ийнанмайды. Болмагъанында, сумкасындан бек сюйген джазыучусу акъылман Батчаланы Муссаны китабын чыгъарыб окъуб башлады: ?Санга бара турлукъма мен Турнала бла, аяз бла, булут бла. Къач келгенлей, кём-кёк кёкде Акъ турнала учсала, кёкге къараб, Турналаны санай тур, Къарачайдан джазгъы джелле урсала, Джелге туруб, чачларынгы тарай тур! Бизден учуб, акъ булутла Басхан таба аусала, Сен алагъа баш кёлтюрюб къарай тур! Бара-барыб, джангур болуб, джаусала. Къачыб кетмей, бир кесекни алай тур!... Джюреги, къуршоулагъан темир тузакъдан бир кесек бошланнганча болуб, Айшат эс джыйгъанында: ?Мама, мама, кел юйге барайыкъ?, - деб джашчыгъы юсюне ёрге сюелиб тура эди.[/color:3e026a9756] [b:3e026a9756]/Къубадийланы Лейла/[/b:3e026a9756]
 
[color=brown:72a64f3a49][b:72a64f3a49]Сюймеклик джыламукъла[/b:72a64f3a49] Къалай сейирди джашау: адам бир гитче затчыкъдан эм насыблы, неда эм насыбсыз болургъа болады. Мен да алайма. Сен, ышара меннге къараб, ойнай - кюле сёлешсенг, мен ол кюн эм насыблы адамма, кече да тынчлыкълы джукълайма. Алай а... Билемисе, бир-бир кёзюуде джюрегими къалай къыйнайса? Асыры къыйналгъандан не кече джукъу, не кюндюз тынчлыкъ табалмайма. Ма бюгюн да алайма. Ким биледи, не бла джанынга тийген болурма, не бла къыйнагъанма... Къалай ачыулу боласа сен бир-бирледе. Нек? Неди сени джанынга татыб, меннге къыйыкъ сёлешдирген? Некди джашау былай хатерсиз? Мен сени кемсиз сюеме. Бирични кёрген кюнюмден бери джюрегим сени блады. Сен а мени тюз тенгча кёресе, ачыулансанг, джюрегими къйнайса. Этме алай. Билемисе, сен меннге бюгюн тик джууаб бергенингде, мени къалай джыларым келген эди. Сени къатынгдан кетгенимден, джылагъан да этдим. Тенг къызым, эслеб, эрлай ангылады, алай а джукъ да айталмады. Биледи ол мени джюрек ауруууму, ангылайды, алай а длжукъ бла болушалмай тынгылайды. Мен а джылайма... Сюмеклигими исси джыламукълары бетими кюйдюре, энишге саркъадыла. Терезеден къарайма. Кёз аллымда сен сюелесе. Ол ариу къара къашларынгы ачыулу тюйюб, тнглеринге хыны къарайса.Бир-бирде акъырын кюлесе, алай а къара кёзледен ачыу чачылмайды, кетмейди. Неди сени джанынгы къыйнагъан? Неди ачыулу этген? Джаным, алтыным, айт меннге. Ийнан, ангыларыкъма, кечерикме. Джюрегими быллай бир эзме... Ма энтда сен ышардынг. Мен да джылай тургъанлай ышарама. Джаным, къыйналгъанывмы бир кёр... Огъай, огъай, мен сеннге джыламукъларымы кёргюзюрюк тюлме. Кёз аллымдан тас болдунг. Энтда джылайма. Алай а... сен орамтын келе тураса. Бизге келе болурмуса? Огъай, кетдинг ётюб... Энтда джылайма. Къвйт... Къайт ызынга, кёр джюрек джылаууму, бер джюрек джылыуунгу. Къайт. Энди джыларыкъ тюлме.[/color:72a64f3a49] /Хубийланы Фатима/
 
[b:c2d3fffc4f][color=brown:c2d3fffc4f]Къайгъы тюлдю, аурууду[/b:c2d3fffc4f] 1. Аман халим, къуджур халим ? ийнанмаучулугъум. Не эссе да сюймеклик дегеннге да алай эдим. Тенгча кёрюб, багъалатыб тургъан адамым ол сёзню айтса хакъ кёлюнден, экинчи анны атын сагъынмай джашай эдим. Алай а исси кюнню бузла да эрийдиле. Сени ийнакъ къарамынгдан мени джюрегиме да огъур джылыу уруб, кесим да ол сезимге бёлендим. Кюнлерими сени юсюнгден сагъышла бла, кечелерими сен болгъан тюшле бла ётдюре, алай джашаб башладым. Къуджур халим узакъ кетди. Ёхтем къушнукъуча ётгюр джюрек. Джюджекникича ингил тыпырдайды сени бир къарамынгдан. Нек эсе да сеннге кемсиз ийнаныб, насыбымы сеннге ышандым. Сюйген джюрек сангырау, сокъур болады, дегенлери кертимиди, ётюрюкмюдю? Билмейме. Сени ючюн разыма джюрегими алай сангыраулугъуна. Джюрегинги ачхан кюнню мен эм насыблы кюннге санарыкъма. Керти сюймеклик болгъанын билдиргенинг ючюн, ол сезимни ангылай билирге юретгенинг ючюн, ма бу насыблы ургъан джюрек ючюн ? сау бол! 2. Джюрегим алыныб кетер да, деб къоркъама бир-бирде. Экибиз айырылгъанлы кёб болмаса да, тансыкълыкъ кемирген джюрек кесине орун табмайды. Сени атынгы къайтара, сыфатынгы кёз аллымда тута, тюшюмде тансыкълай, алай ётдюрдюм бу озгъан кюнлени. Ауазынг къулагъыма къараб кишини кёрмесем, уллу джарсыу тюшгенча асхына? къалай къыйынды былай джашагъан. Чыпчыкъ болуб шорбатынга къонуб, эртден сайын джырым бла сени уятхай эдим. Тау джелчик болб аллынг бла оза тургъа эдим. Не да болгъа эди да, бюгюн быллай бир термилмеге эдим тансыкълыкъдан. Сен а мени унутуб къойгъанча кёрюнеди кёзюме. Ахыр тюбешиуюбюз тюшеди эсиме. Къарамынг мыдах эди ол кюн. Энди къачан тюбербиз къайдам. Бюгюн. Тамбла, айдан, джылдан? Къачан тюбесек д бир затха ишексизме мен: кмсиз сюйген джюрек сени ёмюрде унутурукъ тюлдю. Ол сени хаман да саъларыкъды. Ол джюрекни сюерге. Ийнаныргъа сен юретдинг. Джюрек а устазын унутмайды. Джюрек тансыкълыкъда термилиб джашайды. Ийнанады, сакълайды? 3. Тынгысыз джюрекни къайгъысы кёбге барыучанды. Юреннген эдим. Алай а бу къайгъы тюлдю, аурууду. Асыр дженгил джугъуб, энди уа сау болургъа унамагъан къыйын аурууду. Тынгысыз джюрек а юренмеген кёре эдим аллай ауруугъаю арадан талай заман озса да, тынгы табаргъа, сорушургъа унамайды. Бу ауруудан тазаланыргъа юренмезча кёрюнеди. Эшта, сюймеклик ёмюрлюкге адамны юсюнде къала болур?[/color:c2d3fffc4f] /Хубийланы Фатима/
 
[b:da309e9518][color=brown:da309e9518]Ах, ол мени бир сюе эди![/color:da309e9518] [/b:da309e9518] [b:da309e9518] Ий, субхан Аллах, ол мени бир сюе эди! Ол меннге бир термиле эди. Былай кёзюме къараса, кёзлеринден тёгюлген нюр, "дюр" деб джаныб, шынкъартха бурулуб, мен да аны ортасына тюшюбмю къалама деб, алай болуучан эдим. Ол кёзге кёрюннген зат болса, Минги Таудан мийик, Къара тенгизден кенг, джазгъы чууакъ кёкден терен, джер джюзюнден уллу бир зат болур эди. Аны кёз къарам, адам аякъ, адам ангы ёлчелеелмез эди. Ах, ол бир сюе эди мени! Былай меннге къарагъанлай, сыфаты башха тюрлю бола эди. Бир тюрлю бир чырайлы, сюймекликча, чексиз ариу бола эди. Аны эси меннге кетген кёзюуде, къараб, къарамындан тоймаз эдинг, мен да, сейрсиниб, анга къараб туруучан эдим. Алтын нюр тёкген кёзле, асыл сёзлени шыбырдагъан эринле, къууанч сезим къанатлагъа ушатхан къашла кимни да ариу этмей къоярламы! Ах, ол бир сюе биле эди мени! "Зайнеб!" деб атымы айтса, санларым къыйлыб, тобукъларым тутмаймы башладыла деб, аллай халгъа тюше эдим. "Зайнеб" десе, ауузунда тили, май болуб, эриб къалыргъамы башлады хадауусну деб, сагъайыучан эдим. Ах, "Зайнеб" деб, бош айтыбмы къоя эди! Атымы хар харифи бирер сейир магъана бере эди: "Зауугъумса, ийнагъымса, насыбымса, эшит, бил", - дей эди атымы къайтара. Эшите эдим, алай а къулагъымдан джюрегиме тюшюре билелмей эдим. "Мукъладисча, кесинге тартаса", деучен эди. Ах, ол бир сёзле биле эди, анда бир кёзле бар эдиле! Ах, ол эки кёзю! Ала кёзле тюл эдиле, сюймеклик ичлерине сыйынмагъан, тюбсюз кёлле эдиле. Кеси уа меннге: "Кёзлеринги теренине кёмюлюрюм келеди", - деучен эди. "Къараб тургъанлайыма, тансыгъымы алалмайма", - дей эди. Анда бир кёзле бар эдиле! Джай болуучанды аллай кёк: терен, чууакъ, къарасанг, къараб тоймагъан, узалсанг... Ах, узалыб а, къалай джетелген?!.. Ол да меннге джетелмей эди. Джюрегиме ётелмей эди. Ах, ол мени бир сюе эди. "Сени кёзлеринг бла къарарым келеди дуниягъа" - дей эди. Сюйген джюреги сезмей эди ансы, мени кёзлерим ол сагъатда къарау сокъур эдиле. "Сени менден бир тахсанг барды" - дей эди ол меннге. "Тахсаны сезсенг, аны билиринг келеди", дей эди. Мени джюрегими бир тахсасы кёб сезим тенгизге ушата эди. Мени сабий джюрегими уа, дуниягъа кёзюн джангы ачхан кюнлюк гокка хансчыкъныча, сезимлери джарыкъ, оюмсуз, ингил эдиле. Тахсасы уа... Кеси кесин ангыламагъаны болур эди. Ах, ол мени бир сюе эди... Къанатлы болуб учар эди, мен анга "хо" десем. Джер этегине ётер эди, "мени ары элт", десем. Сюйюмчю джулдузну келтирир эди, "аны меннге бер", десем. Чокъуракъ суу болуб тёгюлюр эди, "суусабма", десем. Эм насыблы болур эди, "сюеме, кел", десем. Келирин ашыгъыб сакъласам да, келсе, келдинг, демей эдим, хаман да келиб турлукъду деб, акъылым алай эди... Бир кюн а, келмеди да къалды. Экинчи, ючюнчю, тёртюнчю кюн да...келмеди. Сакъладым. Сакъладым. Сакъладым... Эки джыйырма джыл ётса да, ма бюгюн да сакълайма... Нек? Билмейме... Ий, Аллах, сизге аны несин айтама?! Хы. Сейирсиниб. Аны ол сюе билгенине сейирсиниб. Субхан аллах, ол мени бир сюйюу эте эди! Ма бюгюн да унуталмайма аны.[/b:da309e9518] /Байрамукъланы Фатима/
 
[color=brown:531a2ded69][b:531a2ded69]Мени къанатыммы барды?[/b:531a2ded69][/color:531a2ded69] [b:531a2ded69] Къайры эсе да мен ашыгъыш барама. Джол къорамайды, чабышхан да этеме. Амма, не кюрешсем да, аллымда рахат баргъан адамланы ызларындан джетелмейме. Аланы ызларындан алай нек ашыгъама? Меннге ала бла барыргъа керек эсе, нек джетелмейме чабыб да? Мени джол нёгерлерим ала тюл эселе, джюрегим нек билдирмейди? Мен анга сезимли, тёзюмлю, деб тургъанлыкъгъа, ол джукъ да билмей болурму? Джюрегим тюл эсе, ызларындан джет деб, мени сюрген неди да? Къалай болады алай, ашыкъмагъанлай, дженгил баргъан, чаба тургъанлай, джол къораталмагъан? Меннге кёрюннгенча болмай, ала чабыб болурламы? Бара тургъан кёзюуюмде, аны чурумун ангылай эдим, энди унутханма. Учхун болуб, ол эсимден кетиб къалгъанды. Ол мени эсиме джазылмагъаныны бир магъанасы болурму? Ол эсимде къалса, джюрегиме джюк болуб, алгъа барыргъа къоймай, хаман артха тартыбмы турлукъ эди? Алгъа баргъан неди? Джер тёгерек эсе, аллыма барама деб тургъанлай, кетген джеринге къайтыб келмеймисе? Аллынга баргъан деген, тамблагъа баргъан, деген эсе, артына баргъан тюненегеми къайтады? Аллына баргъан алгъа баргъанмыды, ол игиликге ? ашхлыкъгъамы элтеди? Эки адам бир джолгъа, бир кюн чыкъсала да, барлыкъ джерлери бир бола тургъанлай, бирини джолу ? узун, бириники къысха нек кёрюнеди да, нек болады алай? Къайсы джол бла барыргъа керекди? Менича, менден алгъа джолгъа чыкъгъанланы ызларынданмы огъесе кесинг сокъмакъ салыб, кийик сууукъ джер бла барлыкъ эсенг да, энчи джол айырыргъамы керекди? Адам аякъларым бла джюрюйме, къайры да аякъларым элтелле, деб тургъанлыкъгъа, муратына келтирген ала болмазламы? Неди да? - Эсинг, акъылынг аягъынг басхан джерден ары чыгъалмай эселе, джашауунг мугурду, - деди меннге терекге къонуб тургъан чыпчыкъчыкъ. - Да мени, сенича, къанатларым джокъду. Адам джолну не аякълары бла, не аякъларына болушлукъгъа деб, къолу бла ишлеген затла бла къоратады: арба бла, машина бла? - Билмейсе, билмейсе! - Айхай да, суугъа тюшсе, суу бала, кёкге чыкъса, кёк бала, джерге тюшсе, джер бала болуучу дууадакъча, аллай насыб берилмегенди адамгъа. Майна, сен да, терек бутакъ ? бешигинг, хауа толкъун ? нёгеринг, кёкде ? зауукъ, джерде азыкъ табаса! Мен а, не? - Адам улу, эм сейирлик ? сени къанатынг? - Къанатым!? Адам къанат? Джангыз къанат кёкге кимни чыгъаралыр! Аны ючюнмю учмайдыла адамла? - Учадыла адамла! Учхан къой, джууукъ кёкге чыкъгъан къой, джулдузлагъа, тау тёппелеге къонадыла, Ай бла ушакъ къурадыла. Кёзню къысыб ачханча бир заманнга, саулай джерни аулаб, алай къайтадыла. - Ол таурухду, мен таурухну сюймейме, - Ашыкъмайын баргъанланы ызларындан аны ючюн джетелмединг? чабышыб да, - деди меннге тура сёзлю, cары тёшлю къанатлычыкъ? [/b:531a2ded69] /Байрамукъланы Фатима/
 
[b:339ed41df4][color=darkred:339ed41df4]АТАМЫ ТЕРЕГИ [/color:339ed41df4] Къыш не сууукъ болса да, не кёб созулса да, аны ызындан джаз келмей мадары джокъду - алай ишленнгенди табигъат. Аслан джашагъан джерге да келди энтда джаз, терекле чагъа башладыла. Аслан, атасы юретгенча, тереклени къуу бутакъларын кесе келиб. юйню артында башха ёсген юч кертме терекге джетди. Ол, ортада терекни быйыл чагьар джапысы болмагъанын эслеб, ингирде анасына сорду: - Анам, юй артында юч уллу кертме терекни ортасындагъы къуу болгьан болур дейме, кесиб атармы эдим, бош джер алдырмай? Анасыны бети тюрлениб, мыдах болгъанын эследи. Бир кесек туруб, анасы айтды: - Джашчыкъ, терекни бир кесек турмагьа къоярмы эдинг? Чакъмаса, къачда, не да келир джаз кесер эдинг... Андан бери Аслан ол терекге кюн сайын къарайды. Эки ыйыкъ кетди, алай а терек чагъарча кёрюнмейди. Къалгъан терекле чакъгъандыла. Аслан анасыны ол кюн мыдахлыгъын унуталмайды, аны алай нек мыдах болгъанын да ангыламайды. Бир кюн, анасы базаргъа кетиб тургъанлай, Аслан юйден чыгъа барыб, терекни чагъа башлагьанын кёрдю. Анасыны ке-лирин ашыгъыб сакълай турду. Кюнорта бола, анасы орамны аягъындан кёрюнгенлей, чабыб аллына барды. - Анам, анам, кертме, терек чагъыб башлагъанды, - деб гитче сабийча къычырды. Анасыны кёзлеринде джыламукъла ойнадыла. - Анам, шо бир айт, сен ол терекге аллай бир нек сагьаяса, андан сора да кёбдюле да тереклерибиз? - деди Аслан - Джашчыкъ, къалай айтыб ангылатайым мен сеннге?.. Ма быйыл сени онджети джылынг толду. Сен туугъан джылны джазында орнатхан эди атанг ол юч терекни бирин сеннге, бирин кесине, бирин да меннге атаб. Ол чакъмай къалгьан атангы терегиди... - Сора эндиге дери меннге аны нек айтмай тургьанса, атам ёлгенли да болду талай заман? - Къарт атанг бла къарт ананг билиб къоярла, деб уяла эдик экибиз да. Сен да айтыб иймезсе. Кертме терек бир кесек замандан акъ чакъды, бия-гъынлай уллу кертмеле бишгендиле энтда аны юсюнде. - Анам, билемисе ненча джыл джашайды кертме терек? -дейди Аслан. - Огь'ай. - Мен китабда окъугъанма - джюз джылдан артыкъны, иги къарасанг. Энди Аслан, тереклерине суу сала тебресе, ол кертмеге айырыб кёл ашайды.[/b:339ed41df4]
 
:smt001
Страницы: 1
Читают тему (гостей: 1)

 

Написать нам