- Чыкълы кюнде чыкъмагъан, чыкъса къуру кирмеген.
- Ханы къызы буюгъа-буюгъа киштик болду.
- Ариу сёзде ауруу джокъ.
- Акъыллы айтыр эди, акъылсыз къоймайды.
- Къартны бурнун сюрт да, оноугъа тут.
- Тёзгеннге, джабылгъан эшик ачылыр.
- Башда акъыл болмаса, эки аякъгъа кюч джетер.
- Таула не мийик болсала да, аууш табылыр.
- Чомарт бергенин айтмаз.
- Алтыда кюлмеген, алтмышда кюлмез.
- Ойнай-ойнай кёз чыгъар.
- Юйюнгден чыкъдынг – кюнюнгден чыкъдынг.
- Зар адамны насыбы болмаз.
- Аман киши кеси юйюнде – къонакъ.
- Душманны тышы – акъ, ичи – къара.
- Иги адамны бир сёзю эки болмаз.
- Адамны сыфатына къарама, сёзюне къара.
- Ашарыкъда сайлагъаннга – чий гырджын.
- Адебсиз адам – джюгенсиз ат.
- Ач келгенни – тойдур, кеч келгенни – къондур.
- Аманнга игилик этсенг, юйюнге сау бармазса.
- Чыбыкълыкъда бюгюлмеген, къазыкълыкъда бюгюлмей эди.
- Суугъа – таянма, джаугъа – ийнанма.
- Тыш элде солтан болгъандан эсе, кесинги элде олтан болгъан игиди!
- Нарт сёз къарт болмаз.
- Къазанда болса, чолпугъа чыгъар.
- Чакъырылмагъан къонакъ къачан кетерин сормаз.
- Чабакъгъа акъыл, табагъа тюшсе келеди.
- Джолунга кёре – джюрюшюнг, джагъанга кёре – юлюшюнг.
- Ат басханны джер билед.
- Адам сёзге тынгыла, акъыл сёзню ангыла.
- Ариуну – ауруу кёб.
- Сютден ауузу кюйген, суугъа юфгюре эди.
- Сагъышы джокъ – джукъучу, акъылы джокъ – къаугъачы.
- Тойгъан антын унутур.
- Биреуню къыйынлыгъы бла кесинге джол ишлеме.
- Кёбню кёрген – кёб билир.
- Джюрек кёзден алгъа кёрюр.
- Этни бети бла шорпасы.
- Суу ичген шауданынга тюкюрме.
- Ач уят къоймаз.
- Ата – билек, ана – джюрек!
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Элге къуллукъ этмеген, элге ие болмаз.
- Мал ёлсе, сюек къалыр, адам ёлсе, иши къалыр.
- Чакъырылмагъан къонакъ – орунсуз.
- Эр сокъур болсун, къатын тилсиз болсун.
- Эркишини аманы тиширыуну джылатыр.
- Акъдан къара болмаз.
- Келинин тута билмеген, къул этер, къызын тута билмеген, тул этер.
Джылы хапарла...
29.07.2010 16:47:18
:smt001
|
||||
|
|
|||
Читают тему (гостей: 1)