- Тенгни тенглиги джашай барсанг билинир.
- Чомартха хар кюн да байрамды.
- Тойгъанлыкъ къойгъа джарашады.
- Къайгъы тюбю – тенгиз.
- Ач да бол, токъ да бол – намысынга бек бол.
- Кесине гебен этелмеген, биреуге черен эте эди.
- Ачлыкъ отха секиртир.
- Окъуу – билимни ачхычы, окъуу – дунияны бачхычы.
- Айтханы чапыракъдан ётмеген.
- Таукел къуру къалмаз.
- Аман адам элни бир-бирине джау этер.
- Мал тутхан – май джалар.
- Ачлыкъда тары гырджын халыуадан татлы.
- Келгинчи, къонакъ уялыр, келгенден сора, къонакъбай уялыр.
- Тик ёргени, тик энгишгеси да болады.
- Кёл ашады да, кеси ашады.
- Биреуню эскиси биреуге джангы болмайды.
- Тойгъан джерден туугъан джер игиди.
- Джумушакъ терекни къурт ашар.
- Къозулугъунда тоймагъан, къойлугъунда тоймаз.
- Хоншуну тауугъу къаз кёрюнюр, келини къыз кёрюнюр.
- Къызны минг тилер, бир алыр.
- Сабийликде юретмесенг, уллу болса – тюзелмез.
- Ашхы атаны – джашы ашхы, ашхы ананы – къызы ашхы.
- Акъыл бла адеб эгизледиле.
- Айтылгъан буйрукъ, сёгюлмез
- Къулакъдан эсе, кёзге ышан.
- Таукел тауну аудурур.
- Аллахдан тилесенг, кёб тиле.
- Ашаса, ашамаса да, бёрюню ауузу – къан.
- Этек чакъмакълары баш джаргъан, сёлешген сёзлери таш джаргъан.
- Тюз сёз баргъан сууну тыяр.
- Бир абыннган – минг сюрюнюр.
- Къонагъы джокъну – шоху джокъ.
- Гитче джилтин уллу элни джандырыр.
- Иги бла джюрюсенг, джетерсе муратынга, аман бла джюрюсенг, къалырса уятха.
- Мухардан ач ычхынмаз.
- Аманны къуугъан, аманлыкъ табар.
- Келинин тута билмеген, къул этер, къызын тута билмеген, тул этер.
- Агъач халкъгъа алтынды, иссиликге салкъынды.
- Сабий болмагъан джерде, мёлек болмаз.
- Булут кёкге джарашыу, уят бетге джарашыу.
- Аманны тукъумуна къарама, игини тукъумун сорма.
- Ишге юренсин къоллары, халкъ бла болсун джоллары.
- Эки къатын алгъан – эки ташны ортасына башын салгъан.
- Кюл тюбюндеги от кёрюнмейди.
- Адамны сабийин сюйген джюреги, бычакъча, джитиди.
- Ата Джуртча джер болмаз, туугъан элча эл болмаз.
- Кийим тукъум сордурур.
- Къазанда болса, чолпугъа чыгъар.
Джылы хапарла...
29.07.2010 16:47:18
:smt001
|
||||
|
|
|||
Читают тему (гостей: 1)