- Ишлемеген – тишлемез.
- Гыдай эчки суугъа къараб, мюйюзле кёрмесе, джашма алкъын, дегенди.
- Акъыл сабырлыкъ берир.
- Аш берме да, къаш бер.
- Башынга джетмегенни сорма.
- Узун джолну барсанг, бюгюн келирсе, къысха джолну барсанг, тамбла келирсе.
- Алма терегинден кери кетмез.
- Юре билмеген ит, къонакъ келтирир.
- Ётген ёмюр – акъгъан суу.
- Аман къатын алгъан, арыр, иги къатын алгъан джарыр.
- Аджашхан тёгерек айланыр.
- Сёз – кюмюш, джыр – алтын.
- Булут кёкге джарашыу, уят бетге джарашыу.
- Ёлюк кебинсиз къалмаз.
- Башы ишлегенни, ауузу да ишлер.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Тенги кёбню джау алмаз, акъылы кёбню дау алмаз.
- Айтылгъан сёз ызына къайтмаз.
- Чакъырылмай келген къонакъ сыйланмай кетер.
- Башы джабылгъан челекге, кир тюшмез.
- Суу кетер, таш къалыр.
- Керти сёзге тёре джокъ.
- Джаным-тиним – окъуу, билим.
- Ашхы тенг джолгъа салыр, аман тенг джолдан тайдырыр.
- Ач – эснер, ат – кишнер.
- Ачыу алгъа келсе, акъыл артха къалады.
- Ариу сёз джыланны орнундан чыгъарыр.
- Къызын тута билмеген, тул этер, джашын тута билмеген, къул этер.
- Башсыз урчукъ тюзюне айланмаз.
- Аман адам элни бир-бирине джау этер.
- Тулпарлыкъ, билекден тюл – джюрекден.
- Билеги кючлю, бирни джыгъар, билими кючлю, мингни джыгъар.
- Ата Джуртча джер болмаз, туугъан элча эл болмаз.
- Суугъа – чабакъ, къаягъа – ыргъакъ.
- Кёлю джокъну – джолу джокъ.
- Элиб деген, элге болушур.
- Биреуню эскиси биреуге джангы болмайды.
- Чалманны аллы къалай башланса, арты да алай барады.
- Ашхы – джыяр, аман – джояр.
- Тёрени джагъы джокъ.
- Айыбны суу бла джууалмазса.
- Гырджын – тепсини тамадасы.
- Ариу – кёзге, акъыл – джюрекге.
- Байма, деб да, къууанма, джарлыма, деб да, джылама.
- Джылар джаш, атасыны сакъалы бла ойнар.
- Кенгеш болса, уруш болмаз.
- Тойгъа барсанг, тоюб бар, эски тонунгу къоюб бар.
- Аджал соруб келмез, келсе, къайтыб кетмез.
- Къарнынг къанлынга кийирир.
- Кютгени беш эчки, сызгъыргъаны уа, джерни джарады.
Джылы хапарла...
29.07.2010 16:47:18
:smt001
|
||||
|
|
|||
Читают тему (гостей: 1)