- Экиндини кеч къылсанг, чабыб джетер ашхам.
- Баргъанынга кёре болур келгенинг.
- Ишлегенден, къарагъан уста.
- Джыланны къуйругъундан басарынг келсе, аны башы болгъанын унутма.
- Арбаз къынгырды да, ийнек сауалмайма.
- Тёрени джагъы джокъ.
- Ёлген аслан – сау чычхан.
- Оюмсуз атлагъан, аджалсыз ёлюр.
- Къарнынг бла ёч алма.
- Билими азны – ауузунда кирит.
- Джашынгы кесинг юретмесенг, джашау юретир.
- Тилде сюек болмаса да, сюек сындырыр.
- Тёгюлген тюгел джыйылмайды.
- Билимсиз иш бармаз.
- Телини эшигин, махтау джабар.
- Тешик этген тынчды, аны джамагъан къыйынды.
- Ойнай билмеген, уруб къачар.
- Эркишини аманы тиширыуну джылатыр.
- Ачны эсинде – аш.
- Тюзлюк тас болмайды.
- Абынмазлыкъ аякъ джокъ, джангылмазлыкъ джаякъ джокъ.
- Тёзген – тёш ашар!
- Дуния мал дунияда къалады.
- Таукел къуру къалмаз.
- Къарнынг ауруса, ауузунгу тый
- Чакъырылмагъан къонакъ къачан кетерин сормаз.
- Джуртун къоругъан озар.
- Ишленмеклик адамлыкъды.
- Ауругъан – джашаудан умутчу.
- Хантына кёре тузу, юйюне кёре къызы.
- Алим болгъандан эсе, адам болгъан къыйынды.
- Тамбла алтындан бюгюн багъыр ашхы.
- Чомартха Тейри да борчлуду.
- Ашатыргъа иш – ашхы, ишлетирге аш – ашхы.
- Акъыл неден да кючлюдю.
- Минг тенг да азды, бир джау да кёбдю.
- Ёзденликни джайгъан – джокълукъ.
- Къонагъы джокъну – шоху джокъ.
- Агъач – джерни чырайы, кийим – эрни чырайы.
- Кёбден умут этиб, аздан къуру къалма.
- Тенги кёбню джау алмаз, акъылы кёбню дау алмаз.
- Джылкъыдан – ат чыгъар, тукъумдан – джаш чыгъар.
- Джауумдан сора, кюн кюйдюрюр, ётюрюкден сора, айыб кюйдюрюр.
- Баш болса, бёрк табылыр.
- Сескекли кесин билдирир.
- Аджаллыгъа окъсуз шкок атылыр.
- Элни кючю – эмеген.
- Мал кёб болса, джууукъ кёб болур.
- Окъ къызбайны джокълайды.
- Кёрмегеннге кебек – танг, битмегеннге сакъал – танг.
Джылы хапарла...
29.07.2010 16:47:18
:smt001
|
||||
|
|
|||
Читают тему (гостей: 1)