- Къызын тута билмеген, тул этер, джашын тута билмеген, къул этер.
- Аманнга алтын чыдамаз.
- Адамны аманы адамны бети бла ойнар.
- Адам сёзюнден белгили.
- Айыбны суу бла джууалмазса.
- Тил – миллетни джаны.
- Билмезни кёзю кёрмез, этмезни къулагъы эшитмез.
- Джумушакъ терекни къурт ашар.
- Сёз – кюмюш, джыр – алтын.
- Адеб базарда сатылмаз.
- Кюлме джашха – келир башха.
- Эр сокъур болсун, къатын тилсиз болсун.
- Чыбыкълыкъда бюгюлмеген, къазыкълыкъда бюгюлмей эди.
- Тёрени джагъы джокъ.
- Аманны эки битли тону болур, бирин сеннге кийдирир, бирин кеси киер.
- Ашарыкъда сайлагъаннга – чий гырджын.
- Аманнга да, игиге да оноусуз къатышма.
- Джарлыны эшигин махтагъан джабар.
- Окъуусуз билим – джокъ, билимсиз кюнюнг – джокъ.
- Рысхы джалгъанды: келген да этер, кетген да этер.
- Халкъны джырын джырласанг, халкъ санга эжиу этер.
- Ашыкъгъан cуу, тенгизге джетмез.
- Билим къая тешер.
- Къозулугъунда тоймагъан, къойлугъунда тоймаз.
- Чомарт къонакъ юй иесин сыйлар.
- Джырчы ёлсе, джыры къалыр.
- Тиширыусуз юй – отсуз от джагъа.
- Джаралыны джастыгъында сау ёлюр.
- Тойгъандан сора, ашны сёкме.
- Агъач – джерни чырайы, кийим – эрни чырайы.
- Дженгил джетерикме деб, узун джолну къоюб, къысхасын барма.
- Таукел адам тау тешер.
- Игиге айтсанг – билир, аманнга айтсанг – кюлюр.
- Таукел тауну аудурур.
- Кийим тукъум сордурур.
- Эрни эр этерик да, къара джер этерик да, тиширыуду.
- Ишин билген, аны сыйын чыгъарады.
- Чомартха Тейри да борчлуду.
- Мал тутхан – май джалар.
- Нёгерсизни джолу узун.
- Сютден ауузу кюйген, суугъа юфгюре эди.
- Дуния аламаты сен эсенг да, игиме деб айтма.
- Къызбайны юйюне дери сюрсенг, батыр болур.
- Къайтырыкъ эшигинги, къаты уруб чыкъма.
- Окъуу – билимни ачхычы, окъуу – дунияны бачхычы.
- Адамны артындан къара сабан сюрме.
- Адебсиз адам – джюгенсиз ат.
- Джиби бир къат джетмей эди да, эки къат тарта эди.
- Накъырданы арты керти болур.
- Элиб деген, элге болушур.
КЪАРНАШ КЪАЛАМЛА / KARDESH KALEMLER
12.03.2011 05:59:59
Тюркде чыкъгъан бу журналны мартдагъы номери толусу бла къарачай-малкъар адабиятха аталгъанды. Бу дергини-журналны таулу китабын чыгъарыргъа къарачайлыла Уфук Таукъул бла Уфук Тузман уллу къыйын салгъандыла. Ала да, башха къарнашларыбыз да бизни халкъны кесин, культурасын да бютеу тюрк дуниягъа белгили этер ючюн кюрешгенлери ючюн, бек сау болсунла, кючлерине кюч къошулсун.
Журналны кёб турмай, http://taulit.as-alan.com/start/ электрон кютюпханеде окъургъа боллукъсуз. |
|
|
|
12.03.2011 21:32:50
fonblond
Ас-салам! Сау бол. Сорууларынга бираздан толу джууаб этерме. Соруулары болгъанла бар эселе, сора берсинле, алагъа да билгеними айтырма. |
|
|
|
12.03.2011 21:38:38
Sаbr , сау болугъуз! Сакъларыкъма бек!
|
|
|
|
12.03.2011 22:15:32
bazamat1976
Айыб этме, "маджарыргъа" деген сёзню ангылаялмадым. |
|
|
|
13.03.2011 01:15:28
ТАБАРГЪА
|
|
|
|
13.03.2011 03:22:44
bazamat1976
"1993-1998 джыллада къарачай тилде чыгъармалары 10 том болуб чыкъгъандыла; 1992-1996 джыллада чыгъармалары орус тилге кёчюрюлюб, 3 том болуб басмаланнгандыла; Сабр, къайда мажарыргъа боллукъду айтылгъан 13 томну???" Оллахий, энди бу китабланы табхан къыйын боллукъ болур. 2003 джыл тышына кете башлагъанымда, барысын да - Къарачай шахарда Университетге, школлагъа чачыб кетген эдим. "Юйге игилик" газетни, "Ас-Алан" журналны да менде болгъан номерлерин алай этген эдим. Ол китабланы электрон вариантларына къарайма десенг, былайда къараргъа боллукъса: http://taulit.as-alan.com/start/?page_id=37#bilal "Ас-Алан" журналны электрон вариантларын сакълаялмагъаныма бек къыйналама. Анда адам окъур затла кёб эдиле. Къарачайда 1989-2003 джыллада бола тургъан ишле "Юйге Игилик" газет бла "Ас-Алан" журналда кюзгюдеча кёрюнедиле. Этнополитика джаны бла джукъ джазаргъа излеген - алада кёб материал табаргъа боллукъ эди. "Юйге Игилик" газетни кёб номерин былайда окъургъа боллукъду: http://as-alan.com/index/ "Ас-Алан" журналны электрон номерлери "Эльбрусоидде" болургъа боллукъдула - сакъланнган эселе. Аланы табыб манга ийген - бек уллу иш этерик эди. |
|
|
|
13.03.2011 19:06:14
fonblond
Экинчи сорууунга джууаб. 2.Норвегияда хазна къарачайлы джокъду. 1970-чи джыллдан бери мында джашагъан бир къарачай тиширыу барды ? Зоя Граннес (Боташланы Зоя). Аны юсюнден былайлада окъургъа боллукъду: Зоя Граннес - Норвегияда биринчи таулу тиширыу http://www.elbrusoid.org/phorum/index.php?action=v thread&forum=22&topic=13090 неда: http://www.kamatur.org/makaleler/genel/150-norvega da-b-tavlu-tuv Башха таныгъанларым джокъду. Орта Азиядан къачыб келген эки юйдегиге болушургъа кюрешген эдим. Европаны бир къралында джашайдыла. Европада къарачайлыла аздыла, бир-бири бла уллу байламлы да тюлдюле. Германияда бир джыйылыу болгъан эди былтыр ? мен баралмагъан эдим. Андан сора джукъ болуб билмейме. Сёз башланнганы бла бир айтырым: тыш къралда окъургъа, ишлерге излегенле, ол къралланы келечи юйлерине барыб, сёлеширге керекдиле. Посольстволада къаллай усталыкълары болгъан адамла кереклиси айтылады, джазылады. Тюз келиб къалыб, не ишлерге, не окъургъа мадар джокъду. Башха не айтайым? Соруула болсала, джууаб эте барырма. |
|
|
|
14.03.2011 01:06:08
http://taulit.as-alan.com/start/?page_id=37#bilal
Былайда "Кардеш калемлер/Къарнаш къаламла" дергини-журналны къарачай-малкъар адабиятха аталгъан ёзел номерин окъургъа боллукъсуз. Джазыучуланы суратлары, чыгъарма юзюклери да, тарихибизден хапарла бардыла. "Кардеш калемлер" дунияны 37 джеринде джайылады, тиражы 5000 экз. |
|
|
|
14.03.2011 18:19:38
Sаbr , сау бол! Хар айтаханынга да форумда адет бла +1)
ашыгъыш киргенме, энтда бир къыйнарыкъма) сорууларым энтда барды) |
|
|
|
15.03.2011 01:59:54
http://www.kardeskalemler.com/
Журналны бу номерин тау адабиятыбызгъа атаб, къарачай-малкъар халкъыбызны бютеу дуниягъа танытыр джанындан кюрешген Уфук Таукъул бла Уфук Тузманнга Аллах кюч, саулукъ, узакъ ёмюр берсин. Тюркиеде Халкъыбызгъа сагъыш этген ахлуларыбызны барына да къууанч, насыб джашау берсин Аллах. |
||||
|
|
|||
Читают тему (гостей: 1)