- Адеб базарда сатылмаз.
- Чомарт бергенин айтмаз.
- Булут кёкге джарашыу, уят бетге джарашыу.
- Къар – келтирди, суу – элтди.
- Чакъырылмагъан къонакъ тёрге атламаз.
- Къазанчы аман болса, къазаны къайнамаз.
- Тулпарлыкъ, билекден тюл – джюрекден.
- Татлы тилде – сёз ариу, чемер къолда – иш ариу.
- Билмейме деген – бир сёз
- Къонагъынгы артмагъын алма да, алгъышын ал.
- Ишлегенде эринме, ишде чолакъ кёрюнме.
- Алим болгъандан эсе, адам болгъан къыйынды.
- Хатерли къул болур.
- Эки ойлашыб, бир сёлешген.
- Джолунга кёре – джюрюшюнг, джагъанга кёре – юлюшюнг.
- Сагъышы джокъ – джукъучу, акъылы джокъ – къаугъачы.
- Ойнай билмеген, оюн бузар.
- Байлыкъ келсе, акъыл кетер.
- Эркиши – от, тиширыу – суу.
- Ушамагъан – джукъмаз.
- Рысхы – сют юсюнде кёмюк кибикди.
- Башы ишлегенни, ауузу да ишлер.
- Адамны аманы адамны бети бла ойнар.
- Сагъыш – къартлыкъгъа сюйюмчю.
- Тюкюрюк баш джармаз, налат кёз чыгъармаз!
- Джаз бир кюнню джатсанг, къыш талай кюнню абынырса.
- Туз, гырджын аша, тюзлюк бла джаша.
- Ичимден чыкъды хата, къайры барайым сата?
- Сабыр джетер муратха, сабырсыз къалыр уятха.
- Ачны эсинде – аш.
- Ач, тоймам, дейди, тойгъан, ач болмам, дейди.
- Тилчиден кери бол.
- Мал ёлсе, сюек къалыр, адам ёлсе, иши къалыр.
- Тойчу джашха къарама, къойчу джашха къара.
- Аз сёлешген, къайгъысыз турур.
- Джарлы джети элни сёзюн этер.
- Акъыллы башны – тили къысха.
- Кюн кёрмеген, кюн кёрсе, кюндюз чыракъ джандырыр.
- Нёгерсизни джолу узун.
- Адам къаллай бир ишленмесе, аллай бир кесин уллу кёреди.
- Тау башында, тау болмаз, джангыз терек, бау болмаз.
- Этим кетсе да, сюегим къалыр.
- Биреуню къыйынлыгъы бла кесинге джол ишлеме.
- Эрни эр этерик да, къара джер этерик да, тиширыуду.
- Айран ичген – къутулду, джугъусун джалагъан – тутулду.
- Ашхы – джыяр, аман – джояр.
- Ата – билек, ана – джюрек!
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Махтаннган къыз, тойда джукълар.
- Аш берме да, къаш бер.
КЪАРНАШ КЪАЛАМЛА / KARDESH KALEMLER
12.03.2011 05:59:59
Тюркде чыкъгъан бу журналны мартдагъы номери толусу бла къарачай-малкъар адабиятха аталгъанды. Бу дергини-журналны таулу китабын чыгъарыргъа къарачайлыла Уфук Таукъул бла Уфук Тузман уллу къыйын салгъандыла. Ала да, башха къарнашларыбыз да бизни халкъны кесин, культурасын да бютеу тюрк дуниягъа белгили этер ючюн кюрешгенлери ючюн, бек сау болсунла, кючлерине кюч къошулсун.
Журналны кёб турмай, http://taulit.as-alan.com/start/ электрон кютюпханеде окъургъа боллукъсуз. |
|
|
|
12.03.2011 21:32:50
fonblond
Ас-салам! Сау бол. Сорууларынга бираздан толу джууаб этерме. Соруулары болгъанла бар эселе, сора берсинле, алагъа да билгеними айтырма. |
|
|
|
12.03.2011 21:38:38
Sаbr , сау болугъуз! Сакъларыкъма бек!
|
|
|
|
12.03.2011 22:15:32
bazamat1976
Айыб этме, "маджарыргъа" деген сёзню ангылаялмадым. |
|
|
|
13.03.2011 01:15:28
ТАБАРГЪА
|
|
|
|
13.03.2011 03:22:44
bazamat1976
"1993-1998 джыллада къарачай тилде чыгъармалары 10 том болуб чыкъгъандыла; 1992-1996 джыллада чыгъармалары орус тилге кёчюрюлюб, 3 том болуб басмаланнгандыла; Сабр, къайда мажарыргъа боллукъду айтылгъан 13 томну???" Оллахий, энди бу китабланы табхан къыйын боллукъ болур. 2003 джыл тышына кете башлагъанымда, барысын да - Къарачай шахарда Университетге, школлагъа чачыб кетген эдим. "Юйге игилик" газетни, "Ас-Алан" журналны да менде болгъан номерлерин алай этген эдим. Ол китабланы электрон вариантларына къарайма десенг, былайда къараргъа боллукъса: http://taulit.as-alan.com/start/?page_id=37#bilal "Ас-Алан" журналны электрон вариантларын сакълаялмагъаныма бек къыйналама. Анда адам окъур затла кёб эдиле. Къарачайда 1989-2003 джыллада бола тургъан ишле "Юйге Игилик" газет бла "Ас-Алан" журналда кюзгюдеча кёрюнедиле. Этнополитика джаны бла джукъ джазаргъа излеген - алада кёб материал табаргъа боллукъ эди. "Юйге Игилик" газетни кёб номерин былайда окъургъа боллукъду: http://as-alan.com/index/ "Ас-Алан" журналны электрон номерлери "Эльбрусоидде" болургъа боллукъдула - сакъланнган эселе. Аланы табыб манга ийген - бек уллу иш этерик эди. |
|
|
|
13.03.2011 19:06:14
fonblond
Экинчи сорууунга джууаб. 2.Норвегияда хазна къарачайлы джокъду. 1970-чи джыллдан бери мында джашагъан бир къарачай тиширыу барды ? Зоя Граннес (Боташланы Зоя). Аны юсюнден былайлада окъургъа боллукъду: Зоя Граннес - Норвегияда биринчи таулу тиширыу http://www.elbrusoid.org/phorum/index.php?action=v thread&forum=22&topic=13090 неда: http://www.kamatur.org/makaleler/genel/150-norvega da-b-tavlu-tuv Башха таныгъанларым джокъду. Орта Азиядан къачыб келген эки юйдегиге болушургъа кюрешген эдим. Европаны бир къралында джашайдыла. Европада къарачайлыла аздыла, бир-бири бла уллу байламлы да тюлдюле. Германияда бир джыйылыу болгъан эди былтыр ? мен баралмагъан эдим. Андан сора джукъ болуб билмейме. Сёз башланнганы бла бир айтырым: тыш къралда окъургъа, ишлерге излегенле, ол къралланы келечи юйлерине барыб, сёлеширге керекдиле. Посольстволада къаллай усталыкълары болгъан адамла кереклиси айтылады, джазылады. Тюз келиб къалыб, не ишлерге, не окъургъа мадар джокъду. Башха не айтайым? Соруула болсала, джууаб эте барырма. |
|
|
|
14.03.2011 01:06:08
http://taulit.as-alan.com/start/?page_id=37#bilal
Былайда "Кардеш калемлер/Къарнаш къаламла" дергини-журналны къарачай-малкъар адабиятха аталгъан ёзел номерин окъургъа боллукъсуз. Джазыучуланы суратлары, чыгъарма юзюклери да, тарихибизден хапарла бардыла. "Кардеш калемлер" дунияны 37 джеринде джайылады, тиражы 5000 экз. |
|
|
|
14.03.2011 18:19:38
Sаbr , сау бол! Хар айтаханынга да форумда адет бла +1)
ашыгъыш киргенме, энтда бир къыйнарыкъма) сорууларым энтда барды) |
|
|
|
15.03.2011 01:59:54
http://www.kardeskalemler.com/
Журналны бу номерин тау адабиятыбызгъа атаб, къарачай-малкъар халкъыбызны бютеу дуниягъа танытыр джанындан кюрешген Уфук Таукъул бла Уфук Тузманнга Аллах кюч, саулукъ, узакъ ёмюр берсин. Тюркиеде Халкъыбызгъа сагъыш этген ахлуларыбызны барына да къууанч, насыб джашау берсин Аллах. |
||||
|
|
|||
Читают тему (гостей: 1)