- Оюмсуз атлагъан, аджалсыз ёлюр.
- Таугъа чыгъаллыкъ эсенг, тюзде къалма.
- Ёгюзню мюйюзлери ауурлукъ этмейдиле.
- Сыфатында болмагъаны, суратында болмаз.
- Айран ичген – къутулду, джугъусун джалагъан – тутулду.
- Ётюрюкню къуйругъу – бир тутум.
- Босагъа таш юйге кирмей эди, тыбыр таш эшикге чыкъмай эди.
- Сютден ауузу кюйген, суугъа юфгюре эди.
- Ариу сёз джыланны орнундан чыгъарыр.
- Байны оноуу, джарлыгъа джарамаз.
- Эки элинги тыйсанг, джети элде махталырса.
- Ким бла джюрюсенг, аны кёзю бла кёрюнюрсе.
- Гугук кесини атын айтыб къычыргъанча, мен, мен деб нек тураса?
- Тилчи бир сагъатха айлыкъ хата этер.
- Итли къонакъ джарашмаз.
- Чакъырылмагъан къонакъ тёрге атламаз.
- Бети – къучакълар, джюреги – бычакълар.
- Аллахдан тилесенг, кёб тиле.
- Ётюрюкню башын керти кесер.
- Тойчу джашха къарама, къойчу джашха къара.
- Джарлыны тону джаз битер.
- Таула не мийик болсала да, аууш табылыр.
- Джарлыны эшигин махтагъан джабар.
- Туз, гырджын аша, тюзлюк бла джаша.
- Къаллай салам берсенг, аллай джууаб алырса.
- Тенги кёбню джау алмаз, акъылы кёбню дау алмаз.
- Кесинге джетмегенни, кёб сёлешме.
- Сютню башын джалагъан къутулур, тюбюн ичген тутулур.
- Билим къая тешер.
- Игини сыйлагъан адетди.
- Айраннга суу къош, телиге джол бош.
- Къатын байлыкъны сюер, эр саулукъну сюер.
- Джылар джаш, атасыны сакъалы бла ойнар.
- Ариу – кёзге, акъыл – джюрекге.
- Ач уят къоймаз.
- Чомартха Тейри да борчлуду.
- Ач – эснер, ат – кишнер.
- Эркишини аманы тиширыуну джылатыр.
- Эрине къаргъыш этген къатын, эрнин къабар.
- Узун джолну барсанг, бюгюн келирсе, къысха джолну барсанг, тамбла келирсе.
- Сёз – кюмюш, джыр – алтын.
- Арыгъан къош чамчы болур.
- Ата – билек, ана – джюрек!
- Кёзден кетген, кёлден да кетеди.
- Джауумдан сора, кюн кюйдюрюр, ётюрюкден сора, айыб кюйдюрюр.
- Къатыны харакетли болса, эри къымсыз болур.
- Окъугъан озар, окъумагъан тозар.
- Тулпарлыкъ, билекден тюл – джюрекден.
- Чыкълы кюнде чыкъмагъан, чыкъса къуру кирмеген.
- Хар сёзню орну барды.
КЪАРНАШ КЪАЛАМЛА / KARDESH KALEMLER
12.03.2011 05:59:59
Тюркде чыкъгъан бу журналны мартдагъы номери толусу бла къарачай-малкъар адабиятха аталгъанды. Бу дергини-журналны таулу китабын чыгъарыргъа къарачайлыла Уфук Таукъул бла Уфук Тузман уллу къыйын салгъандыла. Ала да, башха къарнашларыбыз да бизни халкъны кесин, культурасын да бютеу тюрк дуниягъа белгили этер ючюн кюрешгенлери ючюн, бек сау болсунла, кючлерине кюч къошулсун.
Журналны кёб турмай, http://taulit.as-alan.com/start/ электрон кютюпханеде окъургъа боллукъсуз. |
|
|
|
12.03.2011 21:32:50
fonblond
Ас-салам! Сау бол. Сорууларынга бираздан толу джууаб этерме. Соруулары болгъанла бар эселе, сора берсинле, алагъа да билгеними айтырма. |
|
|
|
12.03.2011 21:38:38
Sаbr , сау болугъуз! Сакъларыкъма бек!
|
|
|
|
12.03.2011 22:15:32
bazamat1976
Айыб этме, "маджарыргъа" деген сёзню ангылаялмадым. |
|
|
|
13.03.2011 01:15:28
ТАБАРГЪА
|
|
|
|
13.03.2011 03:22:44
bazamat1976
"1993-1998 джыллада къарачай тилде чыгъармалары 10 том болуб чыкъгъандыла; 1992-1996 джыллада чыгъармалары орус тилге кёчюрюлюб, 3 том болуб басмаланнгандыла; Сабр, къайда мажарыргъа боллукъду айтылгъан 13 томну???" Оллахий, энди бу китабланы табхан къыйын боллукъ болур. 2003 джыл тышына кете башлагъанымда, барысын да - Къарачай шахарда Университетге, школлагъа чачыб кетген эдим. "Юйге игилик" газетни, "Ас-Алан" журналны да менде болгъан номерлерин алай этген эдим. Ол китабланы электрон вариантларына къарайма десенг, былайда къараргъа боллукъса: http://taulit.as-alan.com/start/?page_id=37#bilal "Ас-Алан" журналны электрон вариантларын сакълаялмагъаныма бек къыйналама. Анда адам окъур затла кёб эдиле. Къарачайда 1989-2003 джыллада бола тургъан ишле "Юйге Игилик" газет бла "Ас-Алан" журналда кюзгюдеча кёрюнедиле. Этнополитика джаны бла джукъ джазаргъа излеген - алада кёб материал табаргъа боллукъ эди. "Юйге Игилик" газетни кёб номерин былайда окъургъа боллукъду: http://as-alan.com/index/ "Ас-Алан" журналны электрон номерлери "Эльбрусоидде" болургъа боллукъдула - сакъланнган эселе. Аланы табыб манга ийген - бек уллу иш этерик эди. |
|
|
|
13.03.2011 19:06:14
fonblond
Экинчи сорууунга джууаб. 2.Норвегияда хазна къарачайлы джокъду. 1970-чи джыллдан бери мында джашагъан бир къарачай тиширыу барды ? Зоя Граннес (Боташланы Зоя). Аны юсюнден былайлада окъургъа боллукъду: Зоя Граннес - Норвегияда биринчи таулу тиширыу http://www.elbrusoid.org/phorum/index.php?action=v thread&forum=22&topic=13090 неда: http://www.kamatur.org/makaleler/genel/150-norvega da-b-tavlu-tuv Башха таныгъанларым джокъду. Орта Азиядан къачыб келген эки юйдегиге болушургъа кюрешген эдим. Европаны бир къралында джашайдыла. Европада къарачайлыла аздыла, бир-бири бла уллу байламлы да тюлдюле. Германияда бир джыйылыу болгъан эди былтыр ? мен баралмагъан эдим. Андан сора джукъ болуб билмейме. Сёз башланнганы бла бир айтырым: тыш къралда окъургъа, ишлерге излегенле, ол къралланы келечи юйлерине барыб, сёлеширге керекдиле. Посольстволада къаллай усталыкълары болгъан адамла кереклиси айтылады, джазылады. Тюз келиб къалыб, не ишлерге, не окъургъа мадар джокъду. Башха не айтайым? Соруула болсала, джууаб эте барырма. |
|
|
|
14.03.2011 01:06:08
http://taulit.as-alan.com/start/?page_id=37#bilal
Былайда "Кардеш калемлер/Къарнаш къаламла" дергини-журналны къарачай-малкъар адабиятха аталгъан ёзел номерин окъургъа боллукъсуз. Джазыучуланы суратлары, чыгъарма юзюклери да, тарихибизден хапарла бардыла. "Кардеш калемлер" дунияны 37 джеринде джайылады, тиражы 5000 экз. |
|
|
|
14.03.2011 18:19:38
Sаbr , сау бол! Хар айтаханынга да форумда адет бла +1)
ашыгъыш киргенме, энтда бир къыйнарыкъма) сорууларым энтда барды) |
|
|
|
15.03.2011 01:59:54
http://www.kardeskalemler.com/
Журналны бу номерин тау адабиятыбызгъа атаб, къарачай-малкъар халкъыбызны бютеу дуниягъа танытыр джанындан кюрешген Уфук Таукъул бла Уфук Тузманнга Аллах кюч, саулукъ, узакъ ёмюр берсин. Тюркиеде Халкъыбызгъа сагъыш этген ахлуларыбызны барына да къууанч, насыб джашау берсин Аллах. |
||||
|
|
|||
Читают тему (гостей: 1)