- Халкъгъа джарагъан, джарлы къалмаз.
- Чакъырылмагъан къонакъ тёрге атламаз.
- Эки къатын алгъанны къулагъы тынгнгаймаз.
- Тил – миллетни джаны.
- Байны къызы баймакъ болса да, юйде къалмаз!
- Уруну арты – къуру.
- Сескекли кесин билдирир.
- Кенгеш болса, уруш болмаз.
- Чакъырылмагъан джерге барма, чакъырылгъан джерден къалма.
- Ёлген аслан – сау чычхан.
- Ариу сёз – къылычдан джити.
- Тенгни тенглиги джашай барсанг билинир.
- Арбаз сайлама да, хоншу сайла.
- Мадар болса, къадар болур.
- Агъач халкъгъа алтынды, иссиликге салкъынды.
- Джыгъылгъанны сырты джерден тоймаз.
- Туз, гырджын аша, тюзлюк бла джаша.
- Башсыз урчукъ тюзюне айланмаз.
- Ким бла джюрюсенг, аны кёзю бла кёрюнюрсе.
- Джырчы ёлсе, джыры къалыр.
- Ишлемеген – тишлемез.
- Малны кют, джерни тюрт.
- Чомартны къолу берекет.
- Харам къарнашдан, халал тенг ашхы.
- Эл тойса, тоймагъан, эл къойса, къоймагъан.
- Кюлме джашха – келир башха.
- Къызны минг тилер, бир алыр.
- Ач къарынны, токъ билмез
- Окъуу – билимни ачхычы, окъуу – дунияны бачхычы.
- Хаухну атма, ёнгкючню сатма.
- Джюрекге ариу – кёзге да ариу.
- Аман киши кеси юйюнде – къонакъ.
- Ашхы – джыяр, аман – джояр.
- Къууут – джелге, берне – бошха.
- От кюйдюрген, сау болса да, тот кюйдюрген, сау болмаз.
- Суу кетер, таш къалыр.
- Аджаллыгъа окъсуз шкок атылыр.
- Чакъырылмай келген къонакъ сыйланмай кетер.
- Бетинги сатма, малынгы сат.
- Окъ къызбайны джокълайды.
- Бозаны арты дауур болур.
- Таукел адам тау тешер.
- Ишлегенде эринме, ишде чолакъ кёрюнме.
- Гыдай эчки суугъа къараб, мюйюзле кёрмесе, джашма алкъын, дегенди.
- Кийимни бир кюнню аясанг, минг кюннге джарар.
- Адамны бетине къарама, адетине къара.
- Джарлы эскисин джамаса, къууаныр.
- Айтхан сёзюне табылгъан.
- Ёнгкюч къууана барыр, джылай келир.
- Бермеген къол, алмайды.
КЪАРНАШ КЪАЛАМЛА / KARDESH KALEMLER
12.03.2011 05:59:59
Тюркде чыкъгъан бу журналны мартдагъы номери толусу бла къарачай-малкъар адабиятха аталгъанды. Бу дергини-журналны таулу китабын чыгъарыргъа къарачайлыла Уфук Таукъул бла Уфук Тузман уллу къыйын салгъандыла. Ала да, башха къарнашларыбыз да бизни халкъны кесин, культурасын да бютеу тюрк дуниягъа белгили этер ючюн кюрешгенлери ючюн, бек сау болсунла, кючлерине кюч къошулсун.
Журналны кёб турмай, http://taulit.as-alan.com/start/ электрон кютюпханеде окъургъа боллукъсуз. |
|
|
|
12.03.2011 21:32:50
fonblond
Ас-салам! Сау бол. Сорууларынга бираздан толу джууаб этерме. Соруулары болгъанла бар эселе, сора берсинле, алагъа да билгеними айтырма. |
|
|
|
12.03.2011 21:38:38
Sаbr , сау болугъуз! Сакъларыкъма бек!
|
|
|
|
12.03.2011 22:15:32
bazamat1976
Айыб этме, "маджарыргъа" деген сёзню ангылаялмадым. |
|
|
|
13.03.2011 01:15:28
ТАБАРГЪА
|
|
|
|
13.03.2011 03:22:44
bazamat1976
"1993-1998 джыллада къарачай тилде чыгъармалары 10 том болуб чыкъгъандыла; 1992-1996 джыллада чыгъармалары орус тилге кёчюрюлюб, 3 том болуб басмаланнгандыла; Сабр, къайда мажарыргъа боллукъду айтылгъан 13 томну???" Оллахий, энди бу китабланы табхан къыйын боллукъ болур. 2003 джыл тышына кете башлагъанымда, барысын да - Къарачай шахарда Университетге, школлагъа чачыб кетген эдим. "Юйге игилик" газетни, "Ас-Алан" журналны да менде болгъан номерлерин алай этген эдим. Ол китабланы электрон вариантларына къарайма десенг, былайда къараргъа боллукъса: http://taulit.as-alan.com/start/?page_id=37#bilal "Ас-Алан" журналны электрон вариантларын сакълаялмагъаныма бек къыйналама. Анда адам окъур затла кёб эдиле. Къарачайда 1989-2003 джыллада бола тургъан ишле "Юйге Игилик" газет бла "Ас-Алан" журналда кюзгюдеча кёрюнедиле. Этнополитика джаны бла джукъ джазаргъа излеген - алада кёб материал табаргъа боллукъ эди. "Юйге Игилик" газетни кёб номерин былайда окъургъа боллукъду: http://as-alan.com/index/ "Ас-Алан" журналны электрон номерлери "Эльбрусоидде" болургъа боллукъдула - сакъланнган эселе. Аланы табыб манга ийген - бек уллу иш этерик эди. |
|
|
|
13.03.2011 19:06:14
fonblond
Экинчи сорууунга джууаб. 2.Норвегияда хазна къарачайлы джокъду. 1970-чи джыллдан бери мында джашагъан бир къарачай тиширыу барды ? Зоя Граннес (Боташланы Зоя). Аны юсюнден былайлада окъургъа боллукъду: Зоя Граннес - Норвегияда биринчи таулу тиширыу http://www.elbrusoid.org/phorum/index.php?action=v thread&forum=22&topic=13090 неда: http://www.kamatur.org/makaleler/genel/150-norvega da-b-tavlu-tuv Башха таныгъанларым джокъду. Орта Азиядан къачыб келген эки юйдегиге болушургъа кюрешген эдим. Европаны бир къралында джашайдыла. Европада къарачайлыла аздыла, бир-бири бла уллу байламлы да тюлдюле. Германияда бир джыйылыу болгъан эди былтыр ? мен баралмагъан эдим. Андан сора джукъ болуб билмейме. Сёз башланнганы бла бир айтырым: тыш къралда окъургъа, ишлерге излегенле, ол къралланы келечи юйлерине барыб, сёлеширге керекдиле. Посольстволада къаллай усталыкълары болгъан адамла кереклиси айтылады, джазылады. Тюз келиб къалыб, не ишлерге, не окъургъа мадар джокъду. Башха не айтайым? Соруула болсала, джууаб эте барырма. |
|
|
|
14.03.2011 01:06:08
http://taulit.as-alan.com/start/?page_id=37#bilal
Былайда "Кардеш калемлер/Къарнаш къаламла" дергини-журналны къарачай-малкъар адабиятха аталгъан ёзел номерин окъургъа боллукъсуз. Джазыучуланы суратлары, чыгъарма юзюклери да, тарихибизден хапарла бардыла. "Кардеш калемлер" дунияны 37 джеринде джайылады, тиражы 5000 экз. |
|
|
|
14.03.2011 18:19:38
Sаbr , сау бол! Хар айтаханынга да форумда адет бла +1)
ашыгъыш киргенме, энтда бир къыйнарыкъма) сорууларым энтда барды) |
|
|
|
15.03.2011 01:59:54
http://www.kardeskalemler.com/
Журналны бу номерин тау адабиятыбызгъа атаб, къарачай-малкъар халкъыбызны бютеу дуниягъа танытыр джанындан кюрешген Уфук Таукъул бла Уфук Тузманнга Аллах кюч, саулукъ, узакъ ёмюр берсин. Тюркиеде Халкъыбызгъа сагъыш этген ахлуларыбызны барына да къууанч, насыб джашау берсин Аллах. |
||||
|
|
|||
Читают тему (гостей: 1)