- Къартха ушагъан джаш – акъыллы, джашха ушагъан къарт – тели.
- Джашынгы кесинг юретмесенг, джашау юретир.
- Телини эшигин, махтау джабар.
- Шайтан алдады, тюзлюк къаргъады.
- Къатын къылыкъсыз, эр тынчлыкъсыз.
- Къарнынг бла ёч алма.
- Зар адам ашынгы ашар, кесинги сатар.
- Тиширыусуз юй – отсуз от джагъа.
- Ашын ашагъанынгы, башын да сыйла.
- Чоюнну башы ачыкъ болса, итге уят керекди.
- Чакъырылмагъан къонакъ тёрге атламаз.
- Хар сёзню орну барды.
- Кёзю сокъурдан – къоркъма, кёлю сокъурдан – къоркъ.
- Эте билген, этген этеди, эте билмеген, юретген этеди!
- Хата – гитчеден.
- Эринчекни аурууу – кёб.
- Уллу атлама – абынырса, уллу къабма – къарылырса.
- Джолда аягъынга сакъ бол, ушакъда тилинге сакъ бол.
- Адамны артындан къара сабан сюрме.
- Нёгерсизни джолу узун.
- Арпа, будай – ащды, алтын, кюмюш а – ташды.
- Суугъа – чабакъ, къаягъа – ыргъакъ.
- Ата Джуртча джер болмаз, туугъан элча эл болмаз.
- Хантына кёре тузу, юйюне кёре къызы.
- Кёкдеги болмаса, джердегин кёрмейди.
- Башсыз урчукъ тюзюне айланмаз.
- Экеу тутушса, биреу джыгъылыр.
- Оюмсуз атлагъан, аджалсыз ёлюр.
- Сангырау къулакъ эл бузар.
- Айтхан сёзюне табылгъан.
- Ач отунчуну ачыуу – бурнунда.
- Акъыллы башны – тили къысха.
- Джеринден айырылгъан – джети джылар, джуртундан айырылгъан – ёлгюнчю джылар.
- Ауругъанны сау билмез, ач къарынны токъ билмез.
- Айраннга суу къош, телиге джол бош.
- Джахил болса анасы, не билликди баласы?
- Кюн кёрмеген, кюн кёрсе, кюндюз чыракъ джандырыр.
- Адамны бетине къарама, адетине къара.
- Кесине оноу эте билмеген, халкъына да эте билмез.
- Урунуу – насыбны анасы.
- Тау башында, тау болмаз, джангыз терек, бау болмаз.
- Акъыл сабырлыкъ берир.
- Орну джокъну – сыйы джокъ.
- Айыбны суу бла джууалмазса.
- Къолу уллу – асыу, аягъы уллу – джарсыу.
- Ишлерге уял да, ашаргъа табма.
- Эллинг бла джау болсанг да, юйюнг бла джау болма.
- Аууз сакълагъан – джан сакълар.
- Иги болса, тамадама – махтау, аман болса, меннге – айыб.
- Къайгъыны сюйген, къайгъы табар.
КЪАРНАШ КЪАЛАМЛА / KARDESH KALEMLER
12.03.2011 05:59:59
Тюркде чыкъгъан бу журналны мартдагъы номери толусу бла къарачай-малкъар адабиятха аталгъанды. Бу дергини-журналны таулу китабын чыгъарыргъа къарачайлыла Уфук Таукъул бла Уфук Тузман уллу къыйын салгъандыла. Ала да, башха къарнашларыбыз да бизни халкъны кесин, культурасын да бютеу тюрк дуниягъа белгили этер ючюн кюрешгенлери ючюн, бек сау болсунла, кючлерине кюч къошулсун.
Журналны кёб турмай, http://taulit.as-alan.com/start/ электрон кютюпханеде окъургъа боллукъсуз. |
|
|
|
12.03.2011 21:32:50
fonblond
Ас-салам! Сау бол. Сорууларынга бираздан толу джууаб этерме. Соруулары болгъанла бар эселе, сора берсинле, алагъа да билгеними айтырма. |
|
|
|
12.03.2011 21:38:38
Sаbr , сау болугъуз! Сакъларыкъма бек!
|
|
|
|
12.03.2011 22:15:32
bazamat1976
Айыб этме, "маджарыргъа" деген сёзню ангылаялмадым. |
|
|
|
13.03.2011 01:15:28
ТАБАРГЪА
|
|
|
|
13.03.2011 03:22:44
bazamat1976
"1993-1998 джыллада къарачай тилде чыгъармалары 10 том болуб чыкъгъандыла; 1992-1996 джыллада чыгъармалары орус тилге кёчюрюлюб, 3 том болуб басмаланнгандыла; Сабр, къайда мажарыргъа боллукъду айтылгъан 13 томну???" Оллахий, энди бу китабланы табхан къыйын боллукъ болур. 2003 джыл тышына кете башлагъанымда, барысын да - Къарачай шахарда Университетге, школлагъа чачыб кетген эдим. "Юйге игилик" газетни, "Ас-Алан" журналны да менде болгъан номерлерин алай этген эдим. Ол китабланы электрон вариантларына къарайма десенг, былайда къараргъа боллукъса: http://taulit.as-alan.com/start/?page_id=37#bilal "Ас-Алан" журналны электрон вариантларын сакълаялмагъаныма бек къыйналама. Анда адам окъур затла кёб эдиле. Къарачайда 1989-2003 джыллада бола тургъан ишле "Юйге Игилик" газет бла "Ас-Алан" журналда кюзгюдеча кёрюнедиле. Этнополитика джаны бла джукъ джазаргъа излеген - алада кёб материал табаргъа боллукъ эди. "Юйге Игилик" газетни кёб номерин былайда окъургъа боллукъду: http://as-alan.com/index/ "Ас-Алан" журналны электрон номерлери "Эльбрусоидде" болургъа боллукъдула - сакъланнган эселе. Аланы табыб манга ийген - бек уллу иш этерик эди. |
|
|
|
13.03.2011 19:06:14
fonblond
Экинчи сорууунга джууаб. 2.Норвегияда хазна къарачайлы джокъду. 1970-чи джыллдан бери мында джашагъан бир къарачай тиширыу барды ? Зоя Граннес (Боташланы Зоя). Аны юсюнден былайлада окъургъа боллукъду: Зоя Граннес - Норвегияда биринчи таулу тиширыу http://www.elbrusoid.org/phorum/index.php?action=v thread&forum=22&topic=13090 неда: http://www.kamatur.org/makaleler/genel/150-norvega da-b-tavlu-tuv Башха таныгъанларым джокъду. Орта Азиядан къачыб келген эки юйдегиге болушургъа кюрешген эдим. Европаны бир къралында джашайдыла. Европада къарачайлыла аздыла, бир-бири бла уллу байламлы да тюлдюле. Германияда бир джыйылыу болгъан эди былтыр ? мен баралмагъан эдим. Андан сора джукъ болуб билмейме. Сёз башланнганы бла бир айтырым: тыш къралда окъургъа, ишлерге излегенле, ол къралланы келечи юйлерине барыб, сёлеширге керекдиле. Посольстволада къаллай усталыкълары болгъан адамла кереклиси айтылады, джазылады. Тюз келиб къалыб, не ишлерге, не окъургъа мадар джокъду. Башха не айтайым? Соруула болсала, джууаб эте барырма. |
|
|
|
14.03.2011 01:06:08
http://taulit.as-alan.com/start/?page_id=37#bilal
Былайда "Кардеш калемлер/Къарнаш къаламла" дергини-журналны къарачай-малкъар адабиятха аталгъан ёзел номерин окъургъа боллукъсуз. Джазыучуланы суратлары, чыгъарма юзюклери да, тарихибизден хапарла бардыла. "Кардеш калемлер" дунияны 37 джеринде джайылады, тиражы 5000 экз. |
|
|
|
14.03.2011 18:19:38
Sаbr , сау бол! Хар айтаханынга да форумда адет бла +1)
ашыгъыш киргенме, энтда бир къыйнарыкъма) сорууларым энтда барды) |
|
|
|
15.03.2011 01:59:54
http://www.kardeskalemler.com/
Журналны бу номерин тау адабиятыбызгъа атаб, къарачай-малкъар халкъыбызны бютеу дуниягъа танытыр джанындан кюрешген Уфук Таукъул бла Уфук Тузманнга Аллах кюч, саулукъ, узакъ ёмюр берсин. Тюркиеде Халкъыбызгъа сагъыш этген ахлуларыбызны барына да къууанч, насыб джашау берсин Аллах. |
||||
|
|
|||
Читают тему (гостей: 1)