- Телиге от эт десенг, юйюнге от салыр.
- Гитче джилтин уллу элни джандырыр.
- Этек чакъмакълары баш джаргъан, сёлешген сёзлери таш джаргъан.
- Джарлы эскисин джамаса, къууаныр.
- Тил джюрекге джол ишлейди.
- Джыланны къуйругъундан басарынг келсе, аны башы болгъанын унутма.
- Биреуню тёрюнден, кесинги эшик артынг игиди.
- Кёзню ачылгъаны – иги, ауузну джабылгъаны – иги.
- Джерни букъусу кёкге къонмаз.
- Аз айтсам, кёб ангылагъыз.
- Къоркъакъны кёзю экили кёрюр.
- Бёрю да ач къалмасын, эчки да ашалмасын.
- Къолунгдан къуймакъ ашатсанг да, атаны борчундан къутулмазса.
- Окъуу – билимни ачхычы, окъуу – дунияны бачхычы.
- Чомарт джарлы болмаз.
- Этим кетсе да, сюегим къалыр.
- Бастасын ашагъан, хантусун да ичер.
- Илму – джашауну джолу.
- Гугук кесини атын айтыб къычыргъанча, мен, мен деб нек тураса?
- Намысы джокъну – дуниясы джокъ.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Нёгерсизни джолу узун.
- Таш бла ургъанны, аш бла ур.
- Чабакъ башындан чирийди.
- Джаз бир кюнню джатсанг, къыш талай кюнню абынырса.
- Ышармагъан – кюлмез, кюлмеген – къууанчны билмез.
- Къыз келсе, джумуш эте келеди, къатын келсе, ушакъ эте келеди.
- Байдан умут эте, джарлыдан ёгюз багъасы къорады.
- Ачны эсинде – аш.
- Билими азны – ауузунда кирит.
- Атлыны ашхысы, ат тизгининден билинир
- Эринчекни аурууу – кёб.
- Билим къая тешер.
- Аман адам этегингден тутса, кес да къач.
- Къууут – джелге, берне – бошха.
- Эркишини аманы тиширыуну джылатыр.
- Къыз тиширыу кеси юйюнде да къонакъды.
- Айтхан – тынч, этген – къыйын.
- Джырчы ёлсе, джыры къалыр.
- Келгинчи, къонакъ уялыр, келгенден сора, къонакъбай уялыр.
- Билеги кючлю, бирни джыгъар, билими кючлю, мингни джыгъар.
- Татлы тилде – сёз ариу, чемер къолда – иш ариу.
- Байны оноуу, джарлыгъа джарамаз.
- Хатерли къул болур.
- Бойнуму джети джерден кессенг да, мен ол ишни этеллик тюлме.
- Адебни адебсизден юрен.
- Кёрмегеннге кебек – танг, битмегеннге сакъал – танг.
- Акъыл сабырлыкъ берир.
- Кюлме джашха – келир башха.
- Эл ауузу – элек, анга ийнаннган – халек.
[ Закрыто ] БИР БЕК КЕРЕКДИ !!! Мадары болгъан бир болушугъуз )))))!!!Мен да джарарма бир кюн бир...
Читают тему (гостей: 1)