- Ач да бол, токъ да бол – намысынга бек бол.
- Бек анасы джыламаз.
- Акъдан къара болмаз.
- Ач къарынны, токъ билмез
- Бал – татлы, балдан да бала – татлы.
- Артына баргъанны, къатына барма.
- Юреннген ауруу къалмаз.
- Байдан умут эте, джарлыдан ёгюз багъасы къорады.
- Аман адамны тепсинге олтуртсанг, къызынгы тилер.
- Айныгъанлы алты кюн, тогъайгъанлы тогъуз кюн.
- Ёлген аслан – сау чычхан.
- Къонакъ аз олтурур, кёб сынар.
- Джаш болсун, къыз болсун, акъылы, саны тюз болсун.
- Татлы тилде – сёз ариу, чемер къолда – иш ариу.
- Къызны минг тилер, бир алыр.
- Чомарт бергенин айтмаз.
- Кёбге таш атма.
- Ата – билек, ана – джюрек!
- Айтханы чапыракъдан ётмеген.
- Атадан ёксюз – бир ёксюз, анадан ёксюз – эки ёксюз.
- Джахил болса анасы, не билликди баласы?
- Джукъу тёшек сайламайды.
- Аллахдан тилесенг, кёб тиле.
- Аманны тукъумуна къарама, игини тукъумун сорма.
- Джарашыу сюйген – джалынчакъ.
- Кёл ашады да, кеси ашады.
- Башсыз урчукъ тюзюне айланмаз.
- Билимли ёлмез, билимсиз кёрмез.
- Юйюнгден чыкъдынг – кюнюнгден чыкъдынг.
- Тилчи бир сагъатха айлыкъ хата этер.
- Къошда джокъгъа – юлюш джокъ.
- Кимни – тили, тиши онглу, кимни – къолу, иши онглу.
- Тамырсыз терекге таянма – джыгъылырса.
- Уллу сёзде уят джокъ.
- Иги – алгъыш этер, аман – къаргъыш этер.
- Ариу сёз аурууунгу алыр.
- Къулакъдан эсе, кёзге ышан.
- Эринчекге кюн узун.
- Бёрю да ач къалмасын, эчки да ашалмасын.
- Ач къалгъандан, кеч къалгъан къолай.
- Ат да турмайды бир териде.
- Айырылгъанланы айю ашар, бёлюннгенлени бёрю ашар.
- Эте билген, этген этеди, эте билмеген, юретген этеди!
- Хантына кёре тузу, юйюне кёре къызы.
- Эли джокъну – кёлю джокъ.
- Таш ата билмеген, башына урур.
- Къолу уллу – асыу, аягъы уллу – джарсыу.
- Къарт бла баш аша, джаш бла аякъ аша.
- Суугъа – чабакъ, къаягъа – ыргъакъ.
- Ауругъаннга – кийик саулукъ, джетген къызгъа – чилле джаулукъ.
[ Закрыто ] БИР БЕК КЕРЕКДИ !!! Мадары болгъан бир болушугъуз )))))!!!Мен да джарарма бир кюн бир...
Читают тему (гостей: 1)