- Намысы болмагъанны, сыйы болмаз.
- Сютню башын джалагъан къутулур, тюбюн ичген тутулур.
- Эки элинги тыйсанг, джети элде махталырса.
- Эринчекни аурууу – кёб.
- Ашхы сёз таш тешер.
- Эр абынмай, эл танымаз.
- Ашаса, ашамаса да, бёрюню ауузу – къан.
- Аман къатын сабий табса, бий болур…
- Бир онгсуз адам адет чыгъарды, деб эштирик тюлсе.
- Тыш элде солтан болгъандан эсе, кесинги элде олтан болгъан игиди!
- Халкъгъа джарагъан, джарлы къалмаз.
- Бичгенде ашыкъма, тикгенде ашыкъ.
- Сууда джау джокъ, кёб сёзде магъана джокъ.
- Эл элде бирер малынг болгъандан эсе, бирер тенгинг болсун.
- Къаллай салам берсенг, аллай джууаб алырса.
- Алма терегинден кери кетмез.
- Аман адамны тепсинге олтуртсанг, къызынгы тилер.
- Рысхы – сют юсюнде кёмюк кибикди.
- Эте билген, этген этеди, эте билмеген, юретген этеди!
- Джангызны оту джарыкъ джанмаз!
- Къыз тиширыу кеси юйюнде да къонакъды.
- Мухардан ач ычхынмаз.
- Аджашхан тёгерек айланыр.
- Джогъун бар этген, барын бал этген.
- Ёлмесенг да, къарт дамы болмазса?
- Мал тутхан – май джалар.
- Билим ат болуб да чабар, къуш болуб да учар.
- От кюйдюрген, сау болса да, тот кюйдюрген, сау болмаз.
- Хазыр ашха – терен къашыкъ.
- Тойгъан джерден туугъан джер игиди.
- Уруну арты – къуру.
- Адеб этмеген, адеб кёрмез.
- Аджашханны ызындагъы кёреди, джангылгъанны джанындагъы биледи.
- Тёрени джагъы джокъ.
- Ашатыргъа иш – ашхы, ишлетирге аш – ашхы.
- Айтхан сёзюне табылгъан.
- Кёбню кёрген – кёб билир.
- Къарнынг тойгъунчу аша да, белинг талгъынчы ишле.
- Ата Джуртча джер болмаз, туугъан элча эл болмаз.
- Хар адамгъа кеси миннген тау кибик.
- Къарнынг ауруса, ауузунгу тый
- Баргъанынга кёре болур келгенинг.
- Эрине къаргъыш этген къатын, эрнин къабар.
- Ашха уста, юйюнде болсун
- Уясында не кёрсе, учханында аны этер.
- Юйюнгден чыкъдынг – кюнюнгден чыкъдынг.
- Кесинге джетмегенни, кёб сёлешме.
- Бозаны арты дауур болур.
- Кийим тукъум сордурур.
- Ишлегенде эринме, ишде чолакъ кёрюнме.
[ Закрыто ] БИР БЕК КЕРЕКДИ !!! Мадары болгъан бир болушугъуз )))))!!!Мен да джарарма бир кюн бир...
Читают тему (гостей: 1)