- Эшекни не къадар тюйсенг да, ат болмаз.
- Айтхан – тынч, этген – къыйын.
- Сабийликде юретмесенг, уллу болса – тюзелмез.
- Джашынгы кесинг юретмесенг, джашау юретир.
- Тёгюлген тюгел джыйылмайды.
- Сыфатында болмагъаны, суратында болмаз.
- Мал ёлсе, сюек къалыр, адам ёлсе, иши къалыр.
- Кёб джат да, бек чаб.
- Къатыны харакетли болса, эри къымсыз болур.
- Ашын ашагъанынгы, башын да сыйла.
- Ойнай билмеген, оюн бузар.
- Мал тутхан – май джалар.
- Тили узунну, намысы – къысха.
- Чарсда алчыны эл кёреди.
- Арыгъан къош чамчы болур.
- Ариу сёзде ауруу джокъ.
- Ата Джуртуму башы болмасам да, босагъасында ташы болайым.
- Эте билген, этген этеди, эте билмеген, юретген этеди!
- Джюрекден джюрекге джол барды.
- Бети – къучакълар, джюреги – бычакълар.
- Баланы адам этген анады.
- Билмезни кёзю кёрмез, этмезни къулагъы эшитмез.
- Ариу сёз аурууунгу алыр.
- Аджашхан тёгерек айланыр.
- Сибиртки да сыйлы болду, кюрек да кюнлю болду.
- Борчунг бар эсе, хурджунунга ойлаб узал.
- Элде адам къалмаса, ит тахтагъа минер.
- Кимни – тили, тиши онглу, кимни – къолу, иши онглу.
- Рысхы – сют юсюнде кёмюк кибикди.
- Аш хазыр болса, иш харам болур.
- Ёлюр джаннга, ёкюл джокъ.
- Бичгенде ашыкъма, тикгенде ашыкъ.
- Ариу сёз – джаннга азыкъ, аман сёз – башха къазыкъ.
- Къонакъны къачан кетерин сорма, къачан келлигин сор.
- Аш кетер да бет къалыр.
- Джангыз терек къынгыр ёсер.
- Айранын берсенг, челегин да къызгъанма.
- Байлыкъ адамны сокъур этер.
- Окъдан джара эртде-кеч болса да бителир, сёз джара, ёмюрге къалыр.
- Ат да турмайды бир териде.
- Билимли ёлмез, билимсиз кёрмез.
- Ашхы – джыяр, аман – джояр.
- Эки итни арасына сюек атма, эки адамны арасында сёз чыгъарма.
- Урунуу – насыбны анасы.
- Джауумдан сора, кюн кюйдюрюр, ётюрюкден сора, айыб кюйдюрюр.
- Эллинг бла джау болсанг да, юйюнг бла джау болма.
- Бастасын ашагъан, хантусун да ичер.
- Къаллай салам берсенг, аллай джууаб алырса.
- Баш болса, бёрк табылыр.
- Ашарыкъда сайлагъаннга – чий гырджын.
[ Закрыто ] БИР БЕК КЕРЕКДИ !!! Мадары болгъан бир болушугъуз )))))!!!Мен да джарарма бир кюн бир...
Читают тему (гостей: 1)