- Кюн кёрмеген, кюн кёрсе, кюндюз чыракъ джандырыр.
- Аманны тукъумуна къарама, игини тукъумун сорма.
- Ат басханны джер билед.
- Ашына кёре табагъы, балына кёре къалагъы.
- Эртде тургъан бла эртде юйленнген сокъуранмаз.
- Окъугъанны бети джарыкъ.
- Эм уллу байлыкъ – джан саулукъ.
- Кёлсюзден сёзсюз тууар.
- Суу да къайтады чыкъгъан джерине.
- Нафысынгы айтханын этме, намысынгы айтханын эт.
- Кийиминг бла танылма, адамлыкъ бла таныл.
- Байлыкъ болгъан джерде, тынчлыкъ джокъду.
- Аш кетер да бет къалыр.
- Джашны джигитлиги сорулур, къызны джигерлиги сорулур.
- Таукел къуру къалмаз.
- Адам сёзюнден белгили.
- Адам къаллай бир ишленмесе, аллай бир кесин уллу кёреди.
- Ашын ашагъанынгы, башын да сыйла.
- Миллетни бойну – базыкъ, аны бла кюрешген – джазыкъ.
- Мухардан ач ычхынмаз.
- Хоншуну тауугъу къаз кёрюнюр, келини къыз кёрюнюр.
- «Ма», - дегенни билмесенг, «бер», - дегенни билмезсе.
- Намыс болмагъан джерде, насыб болмаз.
- Ишин билген, аны сыйын чыгъарады.
- Этни бети бла шорпасы.
- Къыз чыгъаргъан – къызыл къымжа.
- Туз, гырджын аша, тюзлюк бла джаша.
- Таукелге нюр джауар.
- Мухар, кеси тойса да, кёзю тоймаз.
- Бетинги сатма, малынгы сат.
- Кийим тукъум сордурур.
- Аджашхан тёгерек айланыр.
- Татлы сёз – балдан татлы.
- Аман киши кеси юйюнде – къонакъ.
- Ана кёлю – балада, бала кёлю – талада.
- Эки къатын алгъанны къулагъы тынгнгаймаз.
- Киштикге къанат битсе, чыпчыкъ къалмаз эди.
- Аз сёлеш, кёб ишле.
- Чёбню кёлтюрсенг, тюбюнден сёз чыгъар.
- Хар зат кесини орнуна иги.
- Бойнуму джети джерден кессенг да, мен ол ишни этеллик тюлме.
- Окъуу – билимни ачхычы, окъуу – дунияны бачхычы.
- Тил бла келеди джыр да.
- Джиби бир къат джетмей эди да, эки къат тарта эди.
- Ётюрюкню къуйругъу – бир тутум.
- Ашхы болсанг, атынг чыгъар, аман болсанг, джанынг чыгъар.
- Ана къолу ачытмаз.
- Ашхы – джыяр, аман – джояр.
- Чомартны къолун джокълукъ байлар.
- Сибиртки да сыйлы болду, кюрек да кюнлю болду.
ходжа хапарла
28.05.2008 16:36:26
|
|
|
|
03.06.2008 14:39:03
tenebek
Экибиз да бир китабны окъуй болурбузму дейме!!! |
|
|
|
03.03.2010 22:31:23
*ариулаб бу бёлюмге келтирдим*
|
|
|
|
04.03.2010 04:23:20
Насра Ходжа,сез бергененгда!?
-о,къой-къой,эркишини не сезю,не башы... |
|
|
|
Читают тему (гостей: 1)