- Къонакъ хазыр болгъанлыкъгъа, къонакъбай хазыр тюлдю.
- Тилчиден кери бол.
- Зар адамны насыбы болмаз.
- Сабыр джетер муратха, сабырсыз къалыр уятха.
- Кёбню кёрген – кёб билир.
- Акъдан къара болмаз.
- Тёрде – темир таякълы, къаяда – чыпчыкъ аякълы.
- Джуртун къоругъан озар.
- Адамны аманы адамны бети бла ойнар.
- Чомартны къолу берекет.
- Сабий кёргенин унутмаз.
- Адамны адамлыгъы къыйынлыкъда айгъакъланады.
- Аманны тукъумуна къарама, игини тукъумун сорма.
- Тин – байлыгъынг, терен саулугъунг.
- Аман адамны тепсинге олтуртсанг, къызынгы тилер.
- Намысы джокъну – дуниясы джокъ.
- Кёб ант этген, кёб ётюрюк айтыр.
- Кёбден умут этиб, аздан къуру къалма.
- Адамгъа аман кюн соруб келмейди.
- Ауурну тюбю бла, дженгилни башы бла джюрюген.
- Адамны артындан къара сабан сюрме.
- Эки къатын алгъан – эки ташны ортасына башын салгъан.
- Келгинчи, къонакъ уялыр, келгенден сора, къонакъбай уялыр.
- Аш кетер да бет къалыр.
- Игиге айтсанг – билир, аманнга айтсанг – кюлюр.
- Джукъу тёшек сайламайды.
- Чомарт бергенин айтмаз.
- Хар адамгъа кеси миннген тау кибик.
- Адам туугъан джеринде, ит тойгъан джеринде.
- Кёбге таш атма.
- Джюз элде джюз ёгюзюм болгъандан эсе, джюз джууугъум болсун.
- Мураты болгъанны джюрек тебюую башхады.
- Хантына кёре тузу, юйюне кёре къызы.
- Къралынгы – душмандан, башынгы от бла суудан сакъла.
- Окъугъанны бети джарыкъ.
- Уллу сёлешме да, уллу къаб.
- Къар – келтирди, суу – элтди.
- Абынмазлыкъ аякъ джокъ, джангылмазлыкъ джаякъ джокъ.
- Накъырда – кертини келечиси.
- Ишни ахырын ойламай, аллын башлама.
- Алма терегинден кери кетмез.
- Аджашханны ызындагъы кёреди, джангылгъанны джанындагъы биледи.
- Ата Джуртча джер болмаз, туугъан элча эл болмаз.
- Бек анасы джыламаз.
- Ишлегенде эринме, ишде чолакъ кёрюнме.
- Чалманны аллы къалай башланса, арты да алай барады.
- Джаралыны джастыгъында сау ёлюр.
- Джан саулукъ бермей, сан саулукъ бермезсе.
- Башланнган иш битер, къымылдагъан тиш тюшер.
- Акъыл аздырмаз, билим тоздурмаз.
ходжа хапарла
28.05.2008 16:36:26
|
|
|
|
03.06.2008 14:39:03
tenebek
Экибиз да бир китабны окъуй болурбузму дейме!!! |
|
|
|
03.03.2010 22:31:23
*ариулаб бу бёлюмге келтирдим*
|
|
|
|
04.03.2010 04:23:20
Насра Ходжа,сез бергененгда!?
-о,къой-къой,эркишини не сезю,не башы... |
|
|
|
Читают тему (гостей: 1)