- Билим къая тешер.
- Джеринден айырылгъан – джети джылар, джуртундан айырылгъан – ёлгюнчю джылар.
- Джарлы эскисин джамаса, къууаныр.
- Ёгюзню мюйюзлери ауурлукъ этмейдиле.
- Магъанасыз сёз – тауушсуз сыбызгъы.
- Чакъырылмагъан къонакъ тёрге атламаз.
- Джангызны оту джарыкъ джанмаз!
- Халкъгъа джарагъан, джарлы къалмаз.
- Орундукъ тюбюнде атылсам да, орта джиликме, де да айлан.
- Биреуге аманлыкъ этиб, кесинге игилик табмазса.
- Келгинчи, къонакъ уялыр, келгенден сора, къонакъбай уялыр.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Тойгъан джерге джети къайт.
- Эски джаугъа ышанма.
- Бети къызарыучу адамны, джюреги харам болмаз.
- Джырына кёре эжиую.
- Акъыл неден да кючлюдю.
- Ашхылыкъ джерде джатмайды, аманлыкъ суугъа батмайды.
- Суу да къайтады чыкъгъан джерине.
- Аман адам этегингден тутса, кес да къач.
- Малны кют, джерни тюрт.
- Адеб базарда сатылмаз.
- Айтылгъан сёз ызына къайтмаз.
- Элиб деген, элге болушур.
- Этек чакъмакълары баш джаргъан, сёлешген сёзлери таш джаргъан.
- Алтыннга тот къонмаз.
- Адамны адамлыгъы къыйынлыкъда айгъакъланады.
- Эл тойса, тоймагъан, эл къойса, къоймагъан.
- Къарны аманнга къазан такъдырма, къолу аманнга от джакъдырма.
- Билмезни кёзю кёрмез, этмезни къулагъы эшитмез.
- Тели турса – той бузар.
- Чоюнну башы ачыкъ болса, итге уят керекди.
- Тил джюрекге джол ишлейди.
- Айныгъанлы алты кюн, тогъайгъанлы тогъуз кюн.
- Билим насыб берир, билим джолну керир.
- Ышармагъан – кюлмез, кюлмеген – къууанчны билмез.
- Иши джокъну, сыйы джокъ.
- Чабар ат – джетген къыз.
- Гырджын – тепсини тамадасы.
- Оюмсуз атлагъан, аджалсыз ёлюр.
- Эрни эр этерик да, къара джер этерик да, тиширыуду.
- Дуния аламаты сен эсенг да, игиме деб айтма.
- Чомарт джарлы болмаз.
- Аш иеси бла татлыды.
- Къралынгы – душмандан, башынгы от бла суудан сакъла.
- Джашлыкъ этмеген, башлыкъ этмез.
- Тёрдеги кюлсе, эшикдеги ышарыр.
- Окъугъан – асыу, окъумагъан – джарсыу.
- Ариу сёз аурууунгу алыр.
- Телини эшигин, махтау джабар.
ходжа хапарла
 |
|
|
|
|
|
tenebek
Экибиз да бир китабны окъуй болурбузму дейме!!!  |
|
|
|
|
|
*ариулаб бу бёлюмге келтирдим*
|
|
|
|
|
|
Насра Ходжа,сез бергененгда!?
-о,къой-къой,эркишини не сезю,не башы... |
|
|
|
|
Читают тему (гостей: 1)