- Азыкъ аз болса, эртде орун сал.
- Акъыл бла адеб эгизледиле.
- Кёб ант этген, кёб ётюрюк айтыр.
- Башсыз урчукъ тюзюне айланмаз.
- Баш болса, бёрк табылыр.
- Къатын къылыкъсыз, эр тынчлыкъсыз.
- Ханы къызы буюгъа-буюгъа киштик болду.
- Ёлюр джаннга, ёкюл джокъ.
- Билим ат болуб да чабар, къуш болуб да учар.
- Адеб джокъда, намыс джокъ.
- Ана – юйню кюн джарыгъы.
- Агъач халкъгъа алтынды, иссиликге салкъынды.
- Чарсда алчыны эл кёреди.
- Джашда акъыл джокъ, къартда къарыу джокъ.
- Агъач – джерни чырайы, кийим – эрни чырайы.
- Рысхы – насыбха къор.
- Келинни – келгинчи, бёркню кийгинчи кёр.
- Ёзденликни джайгъан – джокълукъ.
- Джарлыны эшигин махтагъан джабар.
- Хата – гитчеден.
- Ишни аллы бла къууанма да, арты бла къууан.
- Айранны сюйген, ийнек тутар.
- Тойгъан джерге джети къайт.
- Кийимни бичсенг, кенг бич, тар этген къыйын тюлдю.
- Садакъачыны джаны – къапчыгъында.
- Абынмазлыкъ аякъ джокъ, джангылмазлыкъ джаякъ джокъ.
- Эл ауузу – элек, анга ийнаннган – халек.
- Сакъалы текени да бар, мыйыгъы киштикни да бар.
- Билген билмегенни юретген адетди.
- Аманнга игилик этсенг, юйюнге сау бармазса.
- Акъыллы башны – тили къысха.
- Сабийликде юретмесенг, уллу болса – тюзелмез.
- Иги болса, тамадама – махтау, аман болса, меннге – айыб.
- Адеби болмагъан къыз – тузсуз хант.
- Джырчы джырчыгъа – къарнаш.
- Къызбайны юйюне дери сюрсенг, батыр болур.
- Адамны бетине къарама, адетине къара.
- Байлыкъдан саулукъ ашхыды.
- Экеулен сёлеше тура эселе, орталарына барыб кирме.
- Къайтырыкъ эшигинги, къаты уруб чыкъма.
- Адамны артындан къара сабан сюрме.
- Босагъа таш юйге кирмей эди, тыбыр таш эшикге чыкъмай эди.
- Эки элинги тыйсанг, джети элде махталырса.
- Хар сёзню орну барды.
- Атлыны ашхысы, ат тизгининден билинир
- Хаухну атма, ёнгкючню сатма.
- Дженгил джетерикме деб, узун джолну къоюб, къысхасын барма.
- Биреу ашаб къутулур, биреу джалаб тутулур.
- Байлыкъ тауусулур, билим тауусулмаз.
- Аз айтсам, кёб ангылагъыз.
ходжа хапарла
28.05.2008 16:36:26
|
|
|
|
03.06.2008 14:39:03
tenebek
Экибиз да бир китабны окъуй болурбузму дейме!!! |
|
|
|
03.03.2010 22:31:23
*ариулаб бу бёлюмге келтирдим*
|
|
|
|
04.03.2010 04:23:20
Насра Ходжа,сез бергененгда!?
-о,къой-къой,эркишини не сезю,не башы... |
|
|
|
Читают тему (гостей: 1)