- Тил – кесген бычакъ, сёз – атылгъан окъ.
- Урунуу – насыбны анасы.
- Сютден ауузу кюйген, суугъа юфгюре эди.
- Шекер бла туз – бир болмаз, ушамагъан – юй болмаз.
- Айранын берсенг, челегин да къызгъанма.
- Чакъырылмагъан къонакъ – орунсуз.
- Тюз сёз баргъан сууну тыяр.
- Акъыл къартда, джашда тюйюлдю – башдады.
- Чалманны аллы къалай башланса, арты да алай барады.
- Босагъагъа джууукъ орун болса, ашыгъыб тёрге озма.
- Ёлюк кебинсиз къалмаз.
- Аманны эки битли тону болур, бирин сеннге кийдирир, бирин кеси киер.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Адеби болмагъан къыз – тузсуз хант.
- Ата Джуртуму башы болмасам да, босагъасында ташы болайым.
- Эри аманны, къатыны – аман.
- Абынмазлыкъ аякъ джокъ, джангылмазлыкъ джаякъ джокъ.
- Ёлген эшек бёрюден къоркъмайды.
- Илму – джашауну джолу.
- Суу ичген шауданынга тюкюрме.
- Ётюрюкден тюбю джокъ, кёлтюрюрге джиби джокъ.
- Тау башында, тау болмаз, джангыз терек, бау болмаз.
- Айтылгъан сёз ызына къайтмаз.
- Ач къарынны, токъ билмез
- Адамны сабийин сюйген джюреги, бычакъча, джитиди.
- Айыбны суу бла джууалмазса.
- Билимли ёлмез, билимсиз кёрмез.
- Къатыны харакетли болса, эри къымсыз болур.
- Таугъа чыгъаллыкъ эсенг, тюзде къалма.
- Келинин тута билмеген, къул этер, къызын тута билмеген, тул этер.
- Телиге от эт десенг, юйюнге от салыр.
- Ишни аллы бла къууанма да, арты бла къууан.
- Джолда аягъынга сакъ бол, ушакъда тилинге сакъ бол.
- Ашда – бёрю, ишде – ёлю.
- Аман къатын сабий табса, бий болур…
- Ёмюрлюк шохлукъну джел элтмез.
- Кюн кёрмеген, кюн кёрсе, кюндюз чыракъ джандырыр.
- Чомарт джарлы болмаз.
- Тойчу джашха къарама, къойчу джашха къара.
- Алма терегинден кери кетмез.
- Къартха ушагъан джаш – акъыллы, джашха ушагъан къарт – тели.
- Къарнынг тойгъунчу аша да, белинг талгъынчы ишле.
- Кирсизни – саны таза, халалны – къаны таза.
- Рысхы – насыбха къор.
- Тили узунну, намысы – къысха.
- Чёбню кёлтюрсенг, тюбюнден сёз чыгъар.
- Айранны сюйген, ийнек тутар.
- Ачыкъ джюрекге джол – ачыкъ.
- Билимден уллу байлыкъ джокъду.
- Шайтан алдады, тюзлюк къаргъады.
ходжа хапарла
 |
|
|
|
|
|
tenebek
Экибиз да бир китабны окъуй болурбузму дейме!!!  |
|
|
|
|
|
*ариулаб бу бёлюмге келтирдим*
|
|
|
|
|
|
Насра Ходжа,сез бергененгда!?
-о,къой-къой,эркишини не сезю,не башы... |
|
|
|
|
Читают тему (гостей: 1)