- Тенгни тенглиги джашай барсанг билинир.
- Бек ашыкъгъан меннге джетсин, дегенди аракъы.
- Эшекни не къадар тюйсенг да, ат болмаз.
- Гыдай эчки суугъа къараб, мюйюзле кёрмесе, джашма алкъын, дегенди.
- Иги сёз – джаннга азыкъ, аман сёз башха – къазыкъ.
- Биреуню эскиси биреуге джангы болмайды.
- Адамгъа аман кюн соруб келмейди.
- Ана – юйню кюн джарыгъы.
- Къуру гыбыт бек дыгъырдар.
- Къоркъакъны кёзю экили кёрюр.
- Миллетни бойну – базыкъ, аны бла кюрешген – джазыкъ.
- Эки ойлашыб, бир сёлешген.
- Алим болгъандан эсе, адам болгъан къыйынды.
- Юйлю уругъа ит чабмаз.
- Ата – билек, ана – джюрек!
- Бермеген къол, алмайды.
- Нафысынгы айтханын этме, намысынгы айтханын эт.
- Кирсизни – саны таза, халалны – къаны таза.
- Хар ишни да аллы къыйынды.
- Тюзню ётмеги тюзде къалса да, тас болмаз.
- Ётюрюкню къуйругъу – бир тутум.
- Магъанасыз сёз – тауушсуз сыбызгъы.
- Чомартны къолун джокълукъ байлар.
- Ишлегенден, къарагъан уста.
- Джаш къарыу бла кючлю, къарт акъыл бла кючлю.
- Терслик кетер, тюзлюк джетер.
- Aдам боллукъ, сыфатындан белгили.
- Эл бла кёргенинг эрелей.
- Эл ауузу – элия.
- Ариу сёз аурууунгу алыр.
- Сормай – алма, чакъырылмай – барма.
- Дуния малгъа сатылма, кесингден телиге къатылма.
- Ашхы болсанг, атынг чыгъар, аман болсанг, джанынг чыгъар.
- Джыйырма къойну юч джыйырма эбзе кюте эди.
- «Ёгюз, джаргъа джууукъ барма, меннге джюк боллукъса», - дегенди эшек.
- Ашын ашагъанынгы, башын да сыйла.
- Соргъан айыб тюлдю, билмеген айыбды.
- Окъугъан озар, окъумагъан тозар.
- Къартны бурнун сюрт да, оноугъа тут.
- Аман киши кеси юйюнде – къонакъ.
- Юреннген ауруу къалмаз.
- Кенгеш болса, уруш болмаз.
- Орундукъ тюбюнде атылсам да, орта джиликме, де да айлан.
- Келлик заман – къартлыкъ келтирир, кетген заман – джашлыкъ ёлтюрюр.
- Адам сёзге тынгыла, акъыл сёзню ангыла.
- Олтуруб кёрюнмей эди да, ёрге туруб кёрюне эди.
- Ашлыкъны арба юйге келтирир, чана базаргъа элтир.
- Бал чибинни ургъаны – ачы, балы – татлы.
- Накъырданы арты керти болур.
- Суу да къайтады чыкъгъан джерине.
ходжа хапарла
 |
|
|
|
|
|
tenebek
Экибиз да бир китабны окъуй болурбузму дейме!!!  |
|
|
|
|
|
*ариулаб бу бёлюмге келтирдим*
|
|
|
|
|
|
Насра Ходжа,сез бергененгда!?
-о,къой-къой,эркишини не сезю,не башы... |
|
|
|
|
Читают тему (гостей: 1)