- Сыфатында болмагъаны, суратында болмаз.
- Ургъан суудан башынгы сакъла.
- Ашхы адам – халкъ байлыгъы, ашхы джер – джашау байлыгъы.
- Аджал соруб келмез, келсе, къайтыб кетмез.
- Аллахха ийнаннган кишини, Аллах онгдурур ишин.
- Адамны сыфатына къарама, сёзюне къара.
- Кесинге джетмегенни, кёб сёлешме.
- Элге къуллукъ этмеген, элге ие болмаз.
- Ишлерге уял да, ашаргъа табма.
- Юре билмеген ит, къонакъ келтирир.
- Тёрени джагъы джокъ.
- Гугурук къычырмаса да, тангны атары къалмаз.
- Кёбге таш атма.
- Эли джокъну – кёлю джокъ.
- Келинни – келгинчи, бёркню кийгинчи кёр.
- Ауузу аманнга «иги», деме.
- Ачлыкъ отха секиртир.
- Тюзню ётмеги тюзде къалса да, тас болмаз.
- Арба аугъандан сора, джол кёргюзтюучю кёб болур.
- Джумушакъ сёз къаты таякъны сындырыр.
- Ёлюр джаннга, ёкюл джокъ.
- Олтуруб кёрюнмей эди да, ёрге туруб кёрюне эди.
- Тилчи бир сагъатха айлыкъ хата этер.
- Ашыкъгъан cуу, тенгизге джетмез.
- Айтхан – тынч, этген – къыйын.
- Ата Джуртуму башы болмасам да, босагъасында ташы болайым.
- Орну джокъну – сыйы джокъ.
- Акъыл аздырмаз, билим тоздурмаз.
- Миллетни бойну – базыкъ, аны бла кюрешген – джазыкъ.
- Биреуге кёлтюрген таягъынг, кесинги башынга урур.
- Огъурлуну сёзю – суу, огъурсузну сёзю – уу.
- Ётюрюкчюню шагъаты – къатында.
- Сакъалы текени да бар, мыйыгъы киштикни да бар.
- Биреу ашаб къутулур, биреу джалаб тутулур.
- Аш иеси бла татлыды.
- Айтылгъан сёз ызына къайтмаз.
- Эшекни не къадар тюйсенг да, ат болмаз.
- Къралынгы – душмандан, башынгы от бла суудан сакъла.
- Чакъырылмагъан къонакъ – орунсуз.
- Ашыкъгъанны этеги бутуна чырмалыр.
- Джаралыны джастыгъында сау ёлюр.
- Атадан ёксюз – бир ёксюз, анадан ёксюз – эки ёксюз.
- Сормай – алма, чакъырылмай – барма.
- Оюмсуз атлагъан, аджалсыз ёлюр.
- Ана къойну – балагъа джандет.
- Бойнуму джети джерден кессенг да, мен ол ишни этеллик тюлме.
- Джырчы ёлсе, джыры къалыр.
- Аманнга алтын чыдамаз.
- Къалгъан ишге къар джауар.
- Эл ауузу – элия.
Къарачай-Малкъар байракъ
|
Багъалы ахлуларым!
Мен гитчеликден къарачай-малкъар литература бла искусствону айнытыб кюрешген адамланы кёре, айтхан сёзлерин эшите ёсгеним амалтын, кесими насыблыгъа санайма. Кесими фахмум болуб хазна джукъ эталмасам да, онглу адамланы айтхан акъыл сёзлерин, назмуларын, джырларын магнитофоннга джаздырыб алыучанма. Джай каникуллада Къарачайгъа баргъанымда, Къарачай-Черкес Республиканы халкъ поэти, республикабызны гимини сёзлерини автору Созарукъланы Юсуфну айтхан сёзлерин да джаздырыб алгъан эдим. Ол, къарачай-малкъар поэзияны классиги Байрамукъланы Дебону джашы Кючюкню 1828-чи джыл джазылгъан ?Таулу байракъ? деген назмусун: ?Аппам былай айтыучан эди...?- деб, окъуй эди. ТАУЛУ БАЙРАКЪ Бусурман дин киргенинде, Байрагъыбыз тюрленнгенди, Кёк къумачдан эки башлы Минги Тау къарайды энди. Башында уа, джарты ай бла Джетимюйюш джулдуз барды, Аны тутуб алда баргъан ? Тейрикъулланы Махарды. Хей, Махаргъа джукъ болмасын, Анга, джашла, джакъ болугъуз! Таулу байракъ тебленмесин, Анга бютюн сакъ болугъуз! 1828 дж. Дебо улу Кючюкню бу назмусун эсими бек джибериб окъусам, кёзюме кёргюзтсем, 1760-чы джылдан сора ( халкъыбыз миджисуулукъдан Ислам диннге къайтхандан сора, Къарачай-Маркъар(Алан) миллетибизни байрагъы былай болгъанды деб кёлюме келеди. http://narod.yandex.ru/templ/s howpage.xhtml?page_id=385853&e rror_upload= Мени кёлюме келгеннге кёре, кёк къумач тюрк халкъ болгъаныбызны кёргюзеди, ай бла джулдуз ? муслиманлыгъыбызны белгисиди, Минги Тау ? джерибизни, Къарачай-Малкъар халкъыбызны бирлигини шагъатыды. Мен уста сурат сала билмегеним амалтын, байракъны суратын къолайсыз салгъан болурма. Алай болса да, назмуда джазылгъаннга кёре, бир затла этерге кюрешгенме. Мени терсирек этген джерлерими тюзетген къарнашларыма, эгечлериме джюрек разылыгъымы билдирликме. Салам бла ? къарачай-малкъар тилибизде сёлеше билген инсанланы бек сюйген ЁзШам (БЕЛЫЙ). |
|
|
|
|
|
|
|
|
|
|
 |
|
|
|
|
|
|
|
|
|
|
|
BELIY
я так понимаю это не окончательный вариант!  Алай болсада... сен бу назмуда айтылганны толусу бла кергестгенсе! Аперим! |
|
|
|
|
|
гоккачыкъ
сау бол) |
|
|
|
|
|
байракчыла, бу темачыкъъада бир къарагъыз
|
||||
|
|
|
|||
Читают тему (гостей: 1)