- Адебни адебсизден юрен.
- Тойгъан джерге джети къайт.
- «Ёгюз, джаргъа джууукъ барма, меннге джюк боллукъса», - дегенди эшек.
- Хар адамгъа кеси миннген тау кибик.
- Кёлю джокъну – джолу джокъ.
- Кенгеш болса, уруш болмаз.
- Чабакъсыз кёлге къармакъ салгъанлыкъгъа, чабакъ тутмазса.
- Къартны бурнун сюрт да, оноугъа тут.
- Кёлсюзден сёзсюз тууар.
- Бек ашыкъгъан меннге джетсин, дегенди аракъы.
- Баш – акъыл ючюн, акъылман – халкъ ючюн.
- Джашны джигитлиги сорулур, къызны джигерлиги сорулур.
- Кесинге джетмегенни, кёб сёлешме.
- Адамны артындан къара сабан сюрме.
- Ишленмеген джаш – джюгенсиз ат, ишленмеген къыз – тузсуз хант.
- Юйюнг бла джау болгъандан эсе, элинг бла джау бол.
- Кёпюр салгъан кеси ётер, уру къазгъан кеси кетер.
- Джаз бир кюнню джатсанг, къыш талай кюнню абынырса.
- Джангыз торгъай джырламаз.
- Ханнга да келеди хариблик.
- Кюл тюбюндеги от кёрюнмейди.
- Рысхы джалгъанды: келген да этер, кетген да этер.
- Алтыда кюлмеген, алтмышда кюлмез.
- Уллу суу бла уллу ауруудан башынгы сакъла.
- Кюн – узун, ёмюр – къысха.
- Аллахха ийнаннган кишини, Аллах онгдурур ишин.
- Джаным-тиним – окъуу, билим.
- Акъылсызны джууукъгъа алма, акъыллыны кенгнге салма.
- Эл ауузу – элия.
- Эм ашхы къайын ана мамукъ бла башынгы тешер.
- Къолунгдан къуймакъ ашатсанг да, атаны борчундан къутулмазса.
- Билими азны – ауузунда кирит.
- Ачылгъан эт джабылыр, кёрген кёз унутмаз.
- Эр сокъур болсун, къатын тилсиз болсун.
- Сёз садакъдан кючлюдю.
- Сакъ юйюне сау барыр.
- Огъурлуну сёзю – суу, огъурсузну сёзю – уу.
- Алтыннга тот къонмаз.
- Эринчекни аурууу – кёб.
- Аууз сакълагъан – джан сакълар.
- Тилде сюек болмаса да, сюек сындырыр.
- Айтхан сёзюне табылгъан.
- Ат басханны джер билед.
- Арбаз къынгырды да, ийнек сауалмайма.
- Къазанда болса, чолпугъа чыгъар.
- Къонакъ аз олтурур, кёб сынар.
- Тай асырагъан, атха минер.
- Аз сёлеш, кёб ишле.
- Бек анасы джыламаз.
- Джарлыны тону джаз битер.
Къарачай-Малкъар байракъ
|
Багъалы ахлуларым!
Мен гитчеликден къарачай-малкъар литература бла искусствону айнытыб кюрешген адамланы кёре, айтхан сёзлерин эшите ёсгеним амалтын, кесими насыблыгъа санайма. Кесими фахмум болуб хазна джукъ эталмасам да, онглу адамланы айтхан акъыл сёзлерин, назмуларын, джырларын магнитофоннга джаздырыб алыучанма. Джай каникуллада Къарачайгъа баргъанымда, Къарачай-Черкес Республиканы халкъ поэти, республикабызны гимини сёзлерини автору Созарукъланы Юсуфну айтхан сёзлерин да джаздырыб алгъан эдим. Ол, къарачай-малкъар поэзияны классиги Байрамукъланы Дебону джашы Кючюкню 1828-чи джыл джазылгъан ?Таулу байракъ? деген назмусун: ?Аппам былай айтыучан эди...?- деб, окъуй эди. ТАУЛУ БАЙРАКЪ Бусурман дин киргенинде, Байрагъыбыз тюрленнгенди, Кёк къумачдан эки башлы Минги Тау къарайды энди. Башында уа, джарты ай бла Джетимюйюш джулдуз барды, Аны тутуб алда баргъан ? Тейрикъулланы Махарды. Хей, Махаргъа джукъ болмасын, Анга, джашла, джакъ болугъуз! Таулу байракъ тебленмесин, Анга бютюн сакъ болугъуз! 1828 дж. Дебо улу Кючюкню бу назмусун эсими бек джибериб окъусам, кёзюме кёргюзтсем, 1760-чы джылдан сора ( халкъыбыз миджисуулукъдан Ислам диннге къайтхандан сора, Къарачай-Маркъар(Алан) миллетибизни байрагъы былай болгъанды деб кёлюме келеди. http://narod.yandex.ru/templ/s howpage.xhtml?page_id=385853&e rror_upload= Мени кёлюме келгеннге кёре, кёк къумач тюрк халкъ болгъаныбызны кёргюзеди, ай бла джулдуз ? муслиманлыгъыбызны белгисиди, Минги Тау ? джерибизни, Къарачай-Малкъар халкъыбызны бирлигини шагъатыды. Мен уста сурат сала билмегеним амалтын, байракъны суратын къолайсыз салгъан болурма. Алай болса да, назмуда джазылгъаннга кёре, бир затла этерге кюрешгенме. Мени терсирек этген джерлерими тюзетген къарнашларыма, эгечлериме джюрек разылыгъымы билдирликме. Салам бла ? къарачай-малкъар тилибизде сёлеше билген инсанланы бек сюйген ЁзШам (БЕЛЫЙ). |
|
|
|
|
|
|
|
|
|
|
 |
|
|
|
|
|
|
|
|
|
|
|
BELIY
я так понимаю это не окончательный вариант!  Алай болсада... сен бу назмуда айтылганны толусу бла кергестгенсе! Аперим! |
|
|
|
|
|
гоккачыкъ
сау бол) |
|
|
|
|
|
байракчыла, бу темачыкъъада бир къарагъыз
|
||||
|
|
|
|||
Читают тему (гостей: 1)