- Мураты болгъанны джюрек тебюую башхады.
- Тенгни тенглиги джашай барсанг билинир.
- Татлы сёз – балдан татлы.
- Кесинге джетмегенни, кёб сёлешме.
- Алгъанда – джууукъ, бергенде – джау.
- Иги адам абынса да, джангылмаз.
- Чомарт къонакъ юй иесин сыйлар.
- Арба аугъандан сора, джол кёргюзтюучю кёб болур.
- Ауругъан – джашаудан умутчу.
- Аманны къуугъан, аманлыкъ табар.
- Кёбден умут этиб, аздан къуру къалма.
- Уллу къашыкъ эрин джыртар.
- Къарнынг къанлынга кийирир.
- Кёб джат да, бек чаб.
- Тамбла алтындан бюгюн багъыр ашхы.
- Босагъа таш юйге кирмей эди, тыбыр таш эшикге чыкъмай эди.
- Адамны артындан къара сабан сюрме.
- Адамны сыфатына къарама, сёзюне къара.
- Айныгъанлы алты кюн, тогъайгъанлы тогъуз кюн.
- Айранын берсенг, челегин да къызгъанма.
- Къартны сыйын кёрмеген, къартлыгъында сыйлы болмаз.
- Арпа, будай – ащды, алтын, кюмюш а – ташды.
- Ётюрюк хапар аякъ тюбю бла джюрюйдю.
- Сёз садакъдан кючлюдю.
- Тёзген – тёш ашар!
- Джарлыны тону джаз битер.
- Эринчекни эр алмаз, эр алса да, кёл салмаз, кёл салса да, кёб бармаз!
- Уруну арты – къуру.
- Таякъ этден ётер, тил сюекден ётер.
- Ач уят къоймаз.
- Миллетни бойну – базыкъ, аны бла кюрешген – джазыкъ.
- Биреуге аманлыкъны тилеме да, кесинге ашхылыкъны тиле.
- Аджалсыз ёлюм болмаз.
- Тюзню ётмеги тюзде къалса да, тас болмаз.
- Биреуню эскиси биреуге джангы болмайды.
- Эм уллу байлыкъ – джан саулукъ.
- Кёпюр салгъан кеси ётер, уру къазгъан кеси кетер.
- Башы джабылгъан челекге, кир тюшмез.
- Тёрени джагъы джокъ.
- Эки элинги тыйсанг, джети элде махталырса.
- Гыдай эчки суугъа къараб, мюйюзле кёрмесе, джашма алкъын, дегенди.
- Ата Джуртун танымагъан, атасын да танымаз.
- Юй ишлеген балта эшикде къалыр.
- Джюрекден джюрекге джол барды.
- Ач къарным, тынч къулагъым.
- Айтылгъан буйрукъ, сёгюлмез
- Эртде тургъан бла эртде юйленнген сокъуранмаз.
- Тойну къарнашы – харс, джырны къарнашы – эжиу.
- Кютгени беш эчки, сызгъыргъаны уа, джерни джарады.
- Джумушакъ сёз къаты таякъны сындырыр.
Къарачай-Малкъар байракъ
|
Багъалы ахлуларым!
Мен гитчеликден къарачай-малкъар литература бла искусствону айнытыб кюрешген адамланы кёре, айтхан сёзлерин эшите ёсгеним амалтын, кесими насыблыгъа санайма. Кесими фахмум болуб хазна джукъ эталмасам да, онглу адамланы айтхан акъыл сёзлерин, назмуларын, джырларын магнитофоннга джаздырыб алыучанма. Джай каникуллада Къарачайгъа баргъанымда, Къарачай-Черкес Республиканы халкъ поэти, республикабызны гимини сёзлерини автору Созарукъланы Юсуфну айтхан сёзлерин да джаздырыб алгъан эдим. Ол, къарачай-малкъар поэзияны классиги Байрамукъланы Дебону джашы Кючюкню 1828-чи джыл джазылгъан ?Таулу байракъ? деген назмусун: ?Аппам былай айтыучан эди...?- деб, окъуй эди. ТАУЛУ БАЙРАКЪ Бусурман дин киргенинде, Байрагъыбыз тюрленнгенди, Кёк къумачдан эки башлы Минги Тау къарайды энди. Башында уа, джарты ай бла Джетимюйюш джулдуз барды, Аны тутуб алда баргъан ? Тейрикъулланы Махарды. Хей, Махаргъа джукъ болмасын, Анга, джашла, джакъ болугъуз! Таулу байракъ тебленмесин, Анга бютюн сакъ болугъуз! 1828 дж. Дебо улу Кючюкню бу назмусун эсими бек джибериб окъусам, кёзюме кёргюзтсем, 1760-чы джылдан сора ( халкъыбыз миджисуулукъдан Ислам диннге къайтхандан сора, Къарачай-Маркъар(Алан) миллетибизни байрагъы былай болгъанды деб кёлюме келеди. http://narod.yandex.ru/templ/s howpage.xhtml?page_id=385853&e rror_upload= Мени кёлюме келгеннге кёре, кёк къумач тюрк халкъ болгъаныбызны кёргюзеди, ай бла джулдуз ? муслиманлыгъыбызны белгисиди, Минги Тау ? джерибизни, Къарачай-Малкъар халкъыбызны бирлигини шагъатыды. Мен уста сурат сала билмегеним амалтын, байракъны суратын къолайсыз салгъан болурма. Алай болса да, назмуда джазылгъаннга кёре, бир затла этерге кюрешгенме. Мени терсирек этген джерлерими тюзетген къарнашларыма, эгечлериме джюрек разылыгъымы билдирликме. Салам бла ? къарачай-малкъар тилибизде сёлеше билген инсанланы бек сюйген ЁзШам (БЕЛЫЙ). |
|
|
|
|
|
|
|
|
|
|
 |
|
|
|
|
|
|
|
|
|
|
|
BELIY
я так понимаю это не окончательный вариант!  Алай болсада... сен бу назмуда айтылганны толусу бла кергестгенсе! Аперим! |
|
|
|
|
|
гоккачыкъ
сау бол) |
|
|
|
|
|
байракчыла, бу темачыкъъада бир къарагъыз
|
||||
|
|
|
|||
Читают тему (гостей: 1)