- Ушамагъан – джукъмаз.
- Къартны сыйын кёрмеген, къартлыгъында сыйлы болмаз.
- Акъыл неден да кючлюдю.
- Айтхан – тынч, этген – къыйын.
- Мухардан ач ычхынмаз.
- Кюлме джашха – келир башха.
- Байма, деб да, къууанма, джарлыма, деб да, джылама.
- Къар – келтирди, суу – элтди.
- Джарлы джети элни сёзюн этер.
- Бастасын ашагъан, хантусун да ичер.
- Иги адамны бир сёзю эки болмаз.
- Окъуу – билимни ачхычы, окъуу – дунияны бачхычы.
- Кесинг сынамагъан затны, адамгъа буюрма.
- Ашлыкъ – бюртюкден, джюн – тюкден.
- Тин – байлыгъынг, терен саулугъунг.
- Джашынгы кесинг юретмесенг, джашау юретир.
- Билим къая тешер.
- Къыз келсе, джумуш эте келеди, къатын келсе, ушакъ эте келеди.
- Къатын байлыкъны сюер, эр саулукъну сюер.
- Мухарны эси – ашарыкъда.
- Къоркъакъны кёзю экили кёрюр.
- Эте билген, этген этеди, эте билмеген, юретген этеди!
- Бичгенде ашыкъма, тикгенде ашыкъ.
- Ариуну – ауруу кёб.
- Атадан ёксюз – бир ёксюз, анадан ёксюз – эки ёксюз.
- Чомарт къолда мал къалмаз.
- Адамны адамлыгъы къыйынлыкъда айгъакъланады.
- Ашхы болсанг, атынг чыгъар, аман болсанг, джанынг чыгъар.
- Кёб ант этген, кёб ётюрюк айтыр.
- Телиге от эт десенг, юйюнге от салыр.
- Юре билмеген ит, къонакъ келтирир.
- Къарыусузгъа кюлме, онгсузгъа тийме.
- Джарлыны тону джаз битер.
- Ач къарынны, токъ билмез
- Кийим тукъум сордурур.
- Хар адамгъа кеси миннген тау кибик.
- Тилде сюек болмаса да, сюек сындырыр.
- Халкъгъа джарагъан, джарлы къалмаз.
- Сакъалы текени да бар, мыйыгъы киштикни да бар.
- Къонагъынгы артмагъын алма да, алгъышын ал.
- Игилик игилик бла сингдирилиучю затды.
- Джаралыны джастыгъында сау ёлюр.
- Тюзлюк шохлукъну бегитир.
- Эки итни арасына сюек атма, эки адамны арасында сёз чыгъарма.
- Алма терегинден кери кетмез.
- Аякъларынгы джууургъанынга кёре узат.
- Ачлыкъ отха секиртир.
- Ёлген эшек бёрюден къоркъмайды.
- Бёрю да ач къалмасын, эчки да ашалмасын.
- Нёгерсизни джолу узун.
Къарачай-Малкъар байракъ
|
Багъалы ахлуларым!
Мен гитчеликден къарачай-малкъар литература бла искусствону айнытыб кюрешген адамланы кёре, айтхан сёзлерин эшите ёсгеним амалтын, кесими насыблыгъа санайма. Кесими фахмум болуб хазна джукъ эталмасам да, онглу адамланы айтхан акъыл сёзлерин, назмуларын, джырларын магнитофоннга джаздырыб алыучанма. Джай каникуллада Къарачайгъа баргъанымда, Къарачай-Черкес Республиканы халкъ поэти, республикабызны гимини сёзлерини автору Созарукъланы Юсуфну айтхан сёзлерин да джаздырыб алгъан эдим. Ол, къарачай-малкъар поэзияны классиги Байрамукъланы Дебону джашы Кючюкню 1828-чи джыл джазылгъан ?Таулу байракъ? деген назмусун: ?Аппам былай айтыучан эди...?- деб, окъуй эди. ТАУЛУ БАЙРАКЪ Бусурман дин киргенинде, Байрагъыбыз тюрленнгенди, Кёк къумачдан эки башлы Минги Тау къарайды энди. Башында уа, джарты ай бла Джетимюйюш джулдуз барды, Аны тутуб алда баргъан ? Тейрикъулланы Махарды. Хей, Махаргъа джукъ болмасын, Анга, джашла, джакъ болугъуз! Таулу байракъ тебленмесин, Анга бютюн сакъ болугъуз! 1828 дж. Дебо улу Кючюкню бу назмусун эсими бек джибериб окъусам, кёзюме кёргюзтсем, 1760-чы джылдан сора ( халкъыбыз миджисуулукъдан Ислам диннге къайтхандан сора, Къарачай-Маркъар(Алан) миллетибизни байрагъы былай болгъанды деб кёлюме келеди. http://narod.yandex.ru/templ/s howpage.xhtml?page_id=385853&e rror_upload= Мени кёлюме келгеннге кёре, кёк къумач тюрк халкъ болгъаныбызны кёргюзеди, ай бла джулдуз ? муслиманлыгъыбызны белгисиди, Минги Тау ? джерибизни, Къарачай-Малкъар халкъыбызны бирлигини шагъатыды. Мен уста сурат сала билмегеним амалтын, байракъны суратын къолайсыз салгъан болурма. Алай болса да, назмуда джазылгъаннга кёре, бир затла этерге кюрешгенме. Мени терсирек этген джерлерими тюзетген къарнашларыма, эгечлериме джюрек разылыгъымы билдирликме. Салам бла ? къарачай-малкъар тилибизде сёлеше билген инсанланы бек сюйген ЁзШам (БЕЛЫЙ). |
|
|
|
|
|
|
|
|
|
|
 |
|
|
|
|
|
|
|
|
|
|
|
BELIY
я так понимаю это не окончательный вариант!  Алай болсада... сен бу назмуда айтылганны толусу бла кергестгенсе! Аперим! |
|
|
|
|
|
гоккачыкъ
сау бол) |
|
|
|
|
|
байракчыла, бу темачыкъъада бир къарагъыз
|
||||
|
|
|
|||
Читают тему (гостей: 1)