- Чакъырылмагъан къонакъ къачан кетерин сормаз.
- Ачыкъ джюрекге джол – ачыкъ.
- Адеб джокъда, намыс джокъ.
- Ашхы тенг джолгъа салыр, аман тенг джолдан тайдырыр.
- Хатерли къул болур.
- Иги адамны бир сёзю эки болмаз.
- Аллахха ийнаннган кишини, Аллах онгдурур ишин.
- Экеулен сёлеше тура эселе, орталарына барыб кирме.
- Душманны тышы – акъ, ичи – къара.
- Сютден ауузу кюйген, суугъа юфгюре эди.
- Ариу сёз – къылычдан джити.
- Юйюнг бла джау болгъандан эсе, элинг бла джау бол.
- Къар – келтирди, суу – элтди.
- Джукъу тёшек сайламайды.
- Ата Джуртун танымагъан, атасын да танымаз.
- Кийиминг бла танылма, адамлыкъ бла таныл.
- Джаш къарыу бла кючлю, къарт акъыл бла кючлю.
- Аман эсирсе, юйюн ояр.
- Джыйырма къойну юч джыйырма эбзе кюте эди.
- Халкъны джырын джырласанг, халкъ санга эжиу этер.
- Тойчу джашха къарама, къойчу джашха къара.
- Къартха ушагъан джаш – акъыллы, джашха ушагъан къарт – тели.
- Аш берме да, къаш бер.
- Джюз элде джюз ёгюзюм болгъандан эсе, джюз джууугъум болсун.
- Ата Джуртча джер болмаз, туугъан элча эл болмаз.
- Сёз – кюмюш, джыр – алтын.
- Суу ичген шауданынга тюкюрме.
- Ёксюзню тилеги къабыл болур.
- Ётюрюкню къуйругъу – бир тутум.
- Эртде тургъан бла эртде юйленнген сокъуранмаз.
- Джырчы джырчыгъа – къарнаш.
- Артына баргъанны, къатына барма.
- Ишни ахырын ойламай, аллын башлама.
- Тешигини къатында, чычхан да батыр болур.
- Акъыллы – эл иеси, тели – эл баласы.
- Ауузу бла къуш тута айланады.
- Байны къызы баймакъ болса да, юйде къалмаз!
- Билмегенинги, билгеннге сор.
- Уруну арты – къуру.
- Таукелге нюр джауар.
- Джыгъылгъанны сырты джерден тоймаз.
- Акъыл къартда, джашда тюйюлдю – башдады.
- Ёксюзню къалачы уллу кёрюнюр.
- Тёрде – темир таякълы, къаяда – чыпчыкъ аякълы.
- Тойгъан джерден туугъан джер игиди.
- Тил бла келеди джыр да.
- Джауумдан сора, кюн кюйдюрюр, ётюрюкден сора, айыб кюйдюрюр.
- Бермеген къол, алмайды.
- Къулакъдан эсе, кёзге ышан.
- Кёб джашагъан – кёб билир.
Къарачай-Малкъар байракъ
|
Багъалы ахлуларым!
Мен гитчеликден къарачай-малкъар литература бла искусствону айнытыб кюрешген адамланы кёре, айтхан сёзлерин эшите ёсгеним амалтын, кесими насыблыгъа санайма. Кесими фахмум болуб хазна джукъ эталмасам да, онглу адамланы айтхан акъыл сёзлерин, назмуларын, джырларын магнитофоннга джаздырыб алыучанма. Джай каникуллада Къарачайгъа баргъанымда, Къарачай-Черкес Республиканы халкъ поэти, республикабызны гимини сёзлерини автору Созарукъланы Юсуфну айтхан сёзлерин да джаздырыб алгъан эдим. Ол, къарачай-малкъар поэзияны классиги Байрамукъланы Дебону джашы Кючюкню 1828-чи джыл джазылгъан ?Таулу байракъ? деген назмусун: ?Аппам былай айтыучан эди...?- деб, окъуй эди. ТАУЛУ БАЙРАКЪ Бусурман дин киргенинде, Байрагъыбыз тюрленнгенди, Кёк къумачдан эки башлы Минги Тау къарайды энди. Башында уа, джарты ай бла Джетимюйюш джулдуз барды, Аны тутуб алда баргъан ? Тейрикъулланы Махарды. Хей, Махаргъа джукъ болмасын, Анга, джашла, джакъ болугъуз! Таулу байракъ тебленмесин, Анга бютюн сакъ болугъуз! 1828 дж. Дебо улу Кючюкню бу назмусун эсими бек джибериб окъусам, кёзюме кёргюзтсем, 1760-чы джылдан сора ( халкъыбыз миджисуулукъдан Ислам диннге къайтхандан сора, Къарачай-Маркъар(Алан) миллетибизни байрагъы былай болгъанды деб кёлюме келеди. http://narod.yandex.ru/templ/s howpage.xhtml?page_id=385853&e rror_upload= Мени кёлюме келгеннге кёре, кёк къумач тюрк халкъ болгъаныбызны кёргюзеди, ай бла джулдуз ? муслиманлыгъыбызны белгисиди, Минги Тау ? джерибизни, Къарачай-Малкъар халкъыбызны бирлигини шагъатыды. Мен уста сурат сала билмегеним амалтын, байракъны суратын къолайсыз салгъан болурма. Алай болса да, назмуда джазылгъаннга кёре, бир затла этерге кюрешгенме. Мени терсирек этген джерлерими тюзетген къарнашларыма, эгечлериме джюрек разылыгъымы билдирликме. Салам бла ? къарачай-малкъар тилибизде сёлеше билген инсанланы бек сюйген ЁзШам (БЕЛЫЙ). |
|
|
|
|
|
|
|
|
|
|
 |
|
|
|
|
|
|
|
|
|
|
|
BELIY
я так понимаю это не окончательный вариант!  Алай болсада... сен бу назмуда айтылганны толусу бла кергестгенсе! Аперим! |
|
|
|
|
|
гоккачыкъ
сау бол) |
|
|
|
|
|
байракчыла, бу темачыкъъада бир къарагъыз
|
||||
|
|
|
|||
Читают тему (гостей: 1)