- Ышармагъан – кюлмез, кюлмеген – къууанчны билмез.
- Дженгил джетерикме деб, узун джолну къоюб, къысхасын барма.
- Ашхы тенг джолгъа салыр, аман тенг джолдан тайдырыр.
- Эл тойса, тоймагъан, эл къойса, къоймагъан.
- Джылыгъа джылан илешир.
- Келинни – келгинчи, бёркню кийгинчи кёр.
- Юйлю уругъа ит чабмаз.
- Алим болгъандан эсе, адам болгъан къыйынды.
- Сютню башын джалагъан къутулур, тюбюн ичген тутулур.
- Иги адамны бир сёзю эки болмаз.
- Къарт айтханны этмеген, къартаймаз.
- Билмезни кёзю кёрмез, этмезни къулагъы эшитмез.
- Къралынгы – душмандан, башынгы от бла суудан сакъла.
- Рысхы джалгъанды: келген да этер, кетген да этер.
- Джеринден айырылгъан – джети джылар, джуртундан айырылгъан – ёлгюнчю джылар.
- Ханы къызы буюгъа-буюгъа киштик болду.
- Башынга джетмегенни сорма.
- Чомартха хар кюн да байрамды.
- Джаш къарыу бла кючлю, къарт акъыл бла кючлю.
- Ашха уста, юйюнде болсун
- Къонакъ хазыр болгъанлыкъгъа, къонакъбай хазыр тюлдю.
- Бичгенде ашыкъма, тикгенде ашыкъ.
- Эрине къаргъыш этген къатын, эрнин къабар.
- Суугъа – чабакъ, къаягъа – ыргъакъ.
- Къызгъанчдан ычхыныр, мухардан ычхынмаз.
- Уллу къашыкъ эрин джыртар.
- Игиге айтсанг – билир, аманнга айтсанг – кюлюр.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ишленмеклик адамлыкъды.
- Ашхы адам – халкъ байлыгъы, ашхы джер – джашау байлыгъы.
- Зар адамны насыбы болмаз.
- Ишлегенде эринме, ишде чолакъ кёрюнме.
- Джангыз торгъай джырламаз.
- Сакъ юйюне сау барыр.
- Биреуню эскиси биреуге джангы болмайды.
- Элни кючю – эмеген.
- Накъырда – кертини келечиси.
- Джюрекге ариу – кёзге да ариу.
- Кёбню кёрген – кёб билир.
- Ариу сёз – джаннга азыкъ, аман сёз – башха къазыкъ.
- Эр абынмай, эл танымаз.
- Къыз тиширыу кеси юйюнде да къонакъды.
- Экеу тутушса, биреу джыгъылыр.
- Ойнай билмеген, уруб къачар.
- Сабийликде юретмесенг, уллу болса – тюзелмез.
- Адамгъа аман кюн соруб келмейди.
- Бёрю да ач къалмасын, эчки да ашалмасын.
- Эл бла кёргенинг эрелей.
- Ёпкелегенни ашы татлы болады.
- Тай асырагъан, атха минер.
Къарачай-Малкъар байракъ
|
Багъалы ахлуларым!
Мен гитчеликден къарачай-малкъар литература бла искусствону айнытыб кюрешген адамланы кёре, айтхан сёзлерин эшите ёсгеним амалтын, кесими насыблыгъа санайма. Кесими фахмум болуб хазна джукъ эталмасам да, онглу адамланы айтхан акъыл сёзлерин, назмуларын, джырларын магнитофоннга джаздырыб алыучанма. Джай каникуллада Къарачайгъа баргъанымда, Къарачай-Черкес Республиканы халкъ поэти, республикабызны гимини сёзлерини автору Созарукъланы Юсуфну айтхан сёзлерин да джаздырыб алгъан эдим. Ол, къарачай-малкъар поэзияны классиги Байрамукъланы Дебону джашы Кючюкню 1828-чи джыл джазылгъан ?Таулу байракъ? деген назмусун: ?Аппам былай айтыучан эди...?- деб, окъуй эди. ТАУЛУ БАЙРАКЪ Бусурман дин киргенинде, Байрагъыбыз тюрленнгенди, Кёк къумачдан эки башлы Минги Тау къарайды энди. Башында уа, джарты ай бла Джетимюйюш джулдуз барды, Аны тутуб алда баргъан ? Тейрикъулланы Махарды. Хей, Махаргъа джукъ болмасын, Анга, джашла, джакъ болугъуз! Таулу байракъ тебленмесин, Анга бютюн сакъ болугъуз! 1828 дж. Дебо улу Кючюкню бу назмусун эсими бек джибериб окъусам, кёзюме кёргюзтсем, 1760-чы джылдан сора ( халкъыбыз миджисуулукъдан Ислам диннге къайтхандан сора, Къарачай-Маркъар(Алан) миллетибизни байрагъы былай болгъанды деб кёлюме келеди. http://narod.yandex.ru/templ/s howpage.xhtml?page_id=385853&e rror_upload= Мени кёлюме келгеннге кёре, кёк къумач тюрк халкъ болгъаныбызны кёргюзеди, ай бла джулдуз ? муслиманлыгъыбызны белгисиди, Минги Тау ? джерибизни, Къарачай-Малкъар халкъыбызны бирлигини шагъатыды. Мен уста сурат сала билмегеним амалтын, байракъны суратын къолайсыз салгъан болурма. Алай болса да, назмуда джазылгъаннга кёре, бир затла этерге кюрешгенме. Мени терсирек этген джерлерими тюзетген къарнашларыма, эгечлериме джюрек разылыгъымы билдирликме. Салам бла ? къарачай-малкъар тилибизде сёлеше билген инсанланы бек сюйген ЁзШам (БЕЛЫЙ). |
|
|
|
|
|
|
|
|
|
|
 |
|
|
|
|
|
|
|
|
|
|
|
BELIY
я так понимаю это не окончательный вариант!  Алай болсада... сен бу назмуда айтылганны толусу бла кергестгенсе! Аперим! |
|
|
|
|
|
гоккачыкъ
сау бол) |
|
|
|
|
|
байракчыла, бу темачыкъъада бир къарагъыз
|
||||
|
|
|
|||
Читают тему (гостей: 1)