- Джылыгъа джылан илешир.
- Тил – кесген бычакъ, сёз – атылгъан окъ.
- Тойгъан антын унутур.
- Бойнуму джети джерден кессенг да, мен ол ишни этеллик тюлме.
- Ариу сёз – джаннга азыкъ, аман сёз – башха къазыкъ.
- Ариу сёз аурууунгу алыр.
- Дуния аламаты сен эсенг да, игиме деб айтма.
- Акъыллы башны – тили къысха.
- Джашда акъыл джокъ, къартда къарыу джокъ.
- Чомартха хар кюн да байрамды.
- Бёрю да ач къалмасын, эчки да ашалмасын.
- Дууулдаса – бал чибин, къонса – къара чибин.
- Адамны артындан къара сабан сюрме.
- Кечеси – аяз, кюню – къыш, джарлы къаргъагъа бир аш тюш!
- Ата джурт – алтын бешик.
- Арпа, будай – ащды, алтын, кюмюш а – ташды.
- Биреу ашаб къутулур, биреу джалаб тутулур.
- Нёгер болсанг, тенг бол, тенг болмасанг, кенг бол.
- Кийимни бичсенг, кенг бич, тар этген къыйын тюлдю.
- Джарашыу сюйген – джалынчакъ.
- Билим насыб берир, билим джолну керир.
- Хантына кёре тузу, юйюне кёре къызы.
- Киштикге къанат битсе, чыпчыкъ къалмаз эди.
- Къонакъ кёб келюучю юйню, къазаны отдан тюшмез.
- Джангыз торгъай джырламаз.
- Окъумагъан сокъурду, сокъур ташха абыныр!
- Ёлмесенг да, къарт дамы болмазса?
- Олтуруб кёрюнмей эди да, ёрге туруб кёрюне эди.
- Кёб джат да, бек чаб.
- Элде адам къалмаса, ит тахтагъа минер.
- Битмегеннге сакъал – танг.
- Этни да ашады, бетни да ашады.
- Ашаса, ашамаса да, бёрюню ауузу – къан.
- Хатерли къул болур.
- Таукел къуру къалмаз.
- Къолунгдан къуймакъ ашатсанг да, атаны борчундан къутулмазса.
- Аманны эки битли тону болур, бирин сеннге кийдирир, бирин кеси киер.
- Нёгерсизни джолу узун.
- Ачлыкъ отха секиртир.
- Ауругъаннга – кийик саулукъ, джетген къызгъа – чилле джаулукъ.
- Къарнынг бла ёч алма.
- Алтыда кюлмеген, алтмышда кюлмез.
- Къонакъны къачан кетерин сорма, къачан келлигин сор.
- Ана кёлю – балада, бала кёлю – талада.
- Ишге юренсин къоллары, халкъ бла болсун джоллары.
- Бек ашыкъгъан меннге джетсин, дегенди аракъы.
- Тай асырагъан, атха минер.
- Ариу сёзде ауруу джокъ.
- Таукел тауну аудурур.
- Экиндини кеч къылсанг, чабыб джетер ашхам.
С днем рождения, БИЛЯЛ!
13.04.2011 03:55:38
Ёмюрюнг узакъ болсун джуртну джаннгыз тереги Туугьан кюнюнг бла алгышлайма
|
|
|
|
13.04.2011 04:11:39
Алгъышлагъа къошулама!
|
|
|
|
13.04.2011 23:03:11
Алгъышлайма!
Аллах этген муратларыгъызгъа джетдирсин! |
|
|
|
13.04.2011 23:11:00
Алгъышлайма! Аллах саулукъдан, насыпдан айырмасын, этген муратларыгъызны толтурсун!
|
|
|
|
14.04.2011 02:34:18
Кёп джаша Билал Лайпан! Саулукла, куанчла. Тюшлерин, тилеклерин кабул болур иншаАллах. Алайла Аланланы кюнлери де джарыктан джарык болур.
|
|
|
|
14.04.2011 03:23:01
Барс бла Бёрю Тюрк тауну сакълайла.
Тенгиз джагъасын сакълайма мен. Таугъа къайытыр кюнлени санайма, Къайытырыкъма, болсам сау-эсен. Барс бла Бёрю Сабр бла ШАТ Аламат назму. Машаллах. |
|
|
|
Читают тему (гостей: 1)