- Мал кёб болса, джууукъ кёб болур.
- Ач бёрюге мекям джокъ.
- Чабакъгъа акъыл, табагъа тюшсе келеди.
- Адамны аманы адамны бети бла ойнар.
- Ач – эснер, ат – кишнер.
- Зар адамны насыбы болмаз.
- Тил джюрекге джол ишлейди.
- Бермеген къол, алмайды.
- Баланы адам этген анады.
- Сютден ауузу кюйген, суугъа юфгюре эди.
- Джарлыны эшигин махтагъан джабар.
- Тай асырагъан, атха минер.
- Къонакъ аман болса, къонакъбай джунчур
- Джюрек кёзден алгъа кёрюр.
- Бетинги сатма, малынгы сат.
- Чыкълы кюнде чыкъмагъан, чыкъса къуру кирмеген.
- Кесине гебен этелмеген, биреуге черен эте эди.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Окъугъан озар, окъумагъан тозар.
- Игилик игилик бла сингдирилиучю затды.
- Ашлыкъны арба юйге келтирир, чана базаргъа элтир.
- Чомартха Тейри да борчлуду.
- Ёлюр джаннга, ёкюл джокъ.
- Келинни – келгинчи, бёркню кийгинчи кёр.
- Адамны джюреги нени кёрюрге сюйсе, кёзю да аны кёрюрге ёч болады.
- Тау башында, тау болмаз, джангыз терек, бау болмаз.
- Таукел адам тау тешер.
- Къарнынг тойгъунчу аша да, белинг талгъынчы ишле.
- Джарлы тюеге минсе да, ит къабар.
- Дуния мал дунияда къалады.
- Башынга джетмегенни сорма.
- Джюз элде джюз ёгюзюм болгъандан эсе, джюз джууугъум болсун.
- Мураты болгъанны джюрек тебюую башхады.
- Акъыл къартда, джашда тюйюлдю – башдады.
- Тенги кёбню джау алмаз, акъылы кёбню дау алмаз.
- Хоншуну тауугъу къаз кёрюнюр, келини къыз кёрюнюр.
- Ауругъанны сау билмез, ач къарынны токъ билмез.
- Ёзденликни джайгъан – джокълукъ.
- Ханы къызы буюгъа-буюгъа киштик болду.
- Эки элинги тыйсанг, джети элде махталырса.
- Гугурук къычырмаса да, тангны атары къалмаз.
- Бек ашыкъгъан меннге джетсин, дегенди аракъы.
- Ач къарным, тынч къулагъым.
- Гугук кесини атын айтыб къычыргъанча, мен, мен деб нек тураса?
- Тил бла келеди джыр да.
- Къазанны башы ачыкъ болса, итге уят керекди.
- Джашны джигитлиги сорулур, къызны джигерлиги сорулур.
- Ким бла джюрюсенг, аны кёзю бла кёрюнюрсе.
- Ашхы тенг джолгъа салыр, аман тенг джолдан тайдырыр.
- Къозулугъунда тоймагъан, къойлугъунда тоймаз.
С днем рождения, БИЛЯЛ!
13.04.2011 03:55:38
Ёмюрюнг узакъ болсун джуртну джаннгыз тереги Туугьан кюнюнг бла алгышлайма
|
|
|
|
13.04.2011 04:11:39
Алгъышлагъа къошулама!
|
|
|
|
13.04.2011 23:03:11
Алгъышлайма!
Аллах этген муратларыгъызгъа джетдирсин! |
|
|
|
13.04.2011 23:11:00
Алгъышлайма! Аллах саулукъдан, насыпдан айырмасын, этген муратларыгъызны толтурсун!
|
|
|
|
14.04.2011 02:34:18
Кёп джаша Билал Лайпан! Саулукла, куанчла. Тюшлерин, тилеклерин кабул болур иншаАллах. Алайла Аланланы кюнлери де джарыктан джарык болур.
|
|
|
|
14.04.2011 03:23:01
Барс бла Бёрю Тюрк тауну сакълайла.
Тенгиз джагъасын сакълайма мен. Таугъа къайытыр кюнлени санайма, Къайытырыкъма, болсам сау-эсен. Барс бла Бёрю Сабр бла ШАТ Аламат назму. Машаллах. |
|
|
|
Читают тему (гостей: 1)