- Ашхы тенг джолгъа салыр, аман тенг джолдан тайдырыр.
- Къарт айтханны этмеген, къартаймаз.
- Минг тенг да азды, бир джау да кёбдю.
- Биреуге кёлтюрген таягъынг, кесинги башынга урур.
- Нарт сёз – тилни бети.
- Къызбайны юйюне дери сюрсенг, батыр болур.
- Тили узунну, намысы – къысха.
- Аман адам этегингден тутса, кес да къач.
- Ушамагъан – джукъмаз.
- Баш болса, бёрк табылыр.
- Этим кетсе да, сюегим къалыр.
- Башынга джетмегенни сорма.
- Кёб ант этген, кёб ётюрюк айтыр.
- Бал ашаргъа сюе эсенг, чибин ургъаннга тёз.
- Эринчекни эр алмаз, эр алса да, кёл салмаз, кёл салса да, кёб бармаз!
- Кёл ашады да, кеси ашады.
- Сангырау къулакъ эл бузар.
- Чакъырылмай келген къонакъ сыйланмай кетер.
- Сабий кёргенин унутмаз.
- Къралынгы – душмандан, башынгы от бла суудан сакъла.
- Мухарны эси – ашарыкъда.
- Акъыл неден да кючлюдю.
- Джангызны оту джарыкъ джанмаз!
- Джылар джаш, атасыны сакъалы бла ойнар.
- Ат басханны джер билед.
- Садакъачыны джаны – къапчыгъында.
- Ачны эсинде – аш.
- Огъурлуну сёзю – суу, огъурсузну сёзю – уу.
- Олтуруб кёрюнмей эди да, ёрге туруб кёрюне эди.
- Келинин тута билмеген, къул этер, къызын тута билмеген, тул этер.
- Эки ойлашыб, бир сёлешген.
- Къайтырыкъ эшигинги, къаты уруб чыкъма.
- Ана – юйню кюн джарыгъы.
- Тёрдеги кюлсе, эшикдеги ышарыр.
- Къар – келтирди, суу – элтди.
- Акъыллы айтыр эди, акъылсыз къоймайды.
- Ашхы сёз таш тешер.
- Къызын тута билмеген, тул этер, джашын тута билмеген, къул этер.
- Ач къалгъандан, кеч къалгъан къолай.
- Сёлеш деб шай берген, тохта деб, сом берген.
- Эшекге миннген – биринчи айыб, андан джыгъылгъан – экинчи айыб.
- Эм ашхы къайын ана мамукъ бла башынгы тешер.
- Суу кетер, таш къалыр.
- Бир онгсуз адам адет чыгъарды, деб эштирик тюлсе.
- Иги болса, тамадама – махтау, аман болса, меннге – айыб.
- Ата – баланы уясы.
- Тёгюлген тюгел джыйылмайды.
- Чыкълы кюнде чыкъмагъан, чыкъса къуру кирмеген.
- Рысхы – насыбха къор.
- Ариу сёзде ауруу джокъ.
С днем рождения, БИЛЯЛ!
13.04.2011 03:55:38
Ёмюрюнг узакъ болсун джуртну джаннгыз тереги Туугьан кюнюнг бла алгышлайма
|
|
|
|
13.04.2011 04:11:39
Алгъышлагъа къошулама!
|
|
|
|
13.04.2011 23:03:11
Алгъышлайма!
Аллах этген муратларыгъызгъа джетдирсин! |
|
|
|
13.04.2011 23:11:00
Алгъышлайма! Аллах саулукъдан, насыпдан айырмасын, этген муратларыгъызны толтурсун!
|
|
|
|
14.04.2011 02:34:18
Кёп джаша Билал Лайпан! Саулукла, куанчла. Тюшлерин, тилеклерин кабул болур иншаАллах. Алайла Аланланы кюнлери де джарыктан джарык болур.
|
|
|
|
14.04.2011 03:23:01
Барс бла Бёрю Тюрк тауну сакълайла.
Тенгиз джагъасын сакълайма мен. Таугъа къайытыр кюнлени санайма, Къайытырыкъма, болсам сау-эсен. Барс бла Бёрю Сабр бла ШАТ Аламат назму. Машаллах. |
|
|
|
Читают тему (гостей: 1)