- Кёлю джокъну – джолу джокъ.
- Тин – байлыгъынг, терен саулугъунг.
- Татлы сёз – балдан татлы.
- Эки къатын алгъан – эки ташны ортасына башын салгъан.
- Акъылсызны джууукъгъа алма, акъыллыны кенгнге салма.
- Джыланны къуйругъундан басарынг келсе, аны башы болгъанын унутма.
- Сютню башын джалагъан къутулур, тюбюн ичген тутулур.
- Суу кетер, таш къалыр.
- Зар адамны насыбы болмаз.
- Эринчекни аурууу – кёб.
- Адамны адамлыгъы къыйынлыкъда айгъакъланады.
- Адам боллукъ, атламындан белгили болур.
- Джырына кёре эжиую.
- Таякъ этден ётер, тил сюекден ётер.
- Эртде тургъан джылкъычыны эркек аты тай табар.
- Къарны аманнга къазан такъдырма, къолу аманнга от джакъдырма.
- Хар сёзню орну барды.
- Тойгъан джерден туугъан джер игиди.
- Къыз чыгъаргъан – къызыл къымжа.
- Гитче джилтин уллу элни джандырыр.
- Адеб этмеген, адеб кёрмез.
- Ачыкъ джюрекге джол – ачыкъ.
- Кюн кёрмеген, кюн кёрсе, кюндюз чыракъ джандырыр.
- Биреуню тёрюнден, кесинги эшик артынг игиди.
- Рысхысына кёре, джаш ёсер, къышлыгъына кёре, мал ёсер.
- Ачлыкъ отха секиртир.
- Тынгылагъан тынгы бузар.
- Ата – билек, ана – джюрек!
- Кёзню ачылгъаны – иги, ауузну джабылгъаны – иги.
- Этни да ашады, бетни да ашады.
- Кёл ашады да, кеси ашады.
- Душманны тышы – акъ, ичи – къара.
- Эркишиге тары кебек танг кёрюнюр.
- Ач уят къоймаз.
- Аджашханны ызындагъы кёреди, джангылгъанны джанындагъы биледи.
- Аманнга алтын чыдамаз.
- Борчунг бар эсе, хурджунунга ойлаб узал.
- Башы ишлегенни, ауузу да ишлер.
- Ким бла джюрюсенг, аны кёзю бла кёрюнюрсе.
- Таукел адам тау тешер.
- «Ма», - дегенни билмесенг, «бер», - дегенни билмезсе.
- Ёнгкюч къууана барыр, джылай келир.
- Джашлыкъ этмеген, башлыкъ этмез.
- Дуния малгъа сатылма, кесингден телиге къатылма.
- Ишлегенден, къарагъан уста.
- Тау башында, тау болмаз, джангыз терек, бау болмаз.
- Къоркъакъны кёзю экили кёрюр.
- Алим болгъандан эсе, адам болгъан къыйынды.
- Шекер бла туз – бир болмаз, ушамагъан – юй болмаз.
- Акъдан къара болмаз.
С днем рождения, БИЛЯЛ!
13.04.2011 03:55:38
Ёмюрюнг узакъ болсун джуртну джаннгыз тереги Туугьан кюнюнг бла алгышлайма
|
|
|
|
13.04.2011 04:11:39
Алгъышлагъа къошулама!
|
|
|
|
13.04.2011 23:03:11
Алгъышлайма!
Аллах этген муратларыгъызгъа джетдирсин! |
|
|
|
13.04.2011 23:11:00
Алгъышлайма! Аллах саулукъдан, насыпдан айырмасын, этген муратларыгъызны толтурсун!
|
|
|
|
14.04.2011 02:34:18
Кёп джаша Билал Лайпан! Саулукла, куанчла. Тюшлерин, тилеклерин кабул болур иншаАллах. Алайла Аланланы кюнлери де джарыктан джарык болур.
|
|
|
|
14.04.2011 03:23:01
Барс бла Бёрю Тюрк тауну сакълайла.
Тенгиз джагъасын сакълайма мен. Таугъа къайытыр кюнлени санайма, Къайытырыкъма, болсам сау-эсен. Барс бла Бёрю Сабр бла ШАТ Аламат назму. Машаллах. |
|
|
|
Читают тему (гостей: 1)