- Тили узунну, намысы – къысха.
- Эки къатын алгъанны къулагъы тынгнгаймаз.
- Къыз келсе, джумуш эте келеди, къатын келсе, ушакъ эте келеди.
- Эски джаугъа ышанма.
- Кёзден кетген, кёлден да кетеди.
- Джангызны оту джарыкъ джанмаз!
- Тамырсыз терекге таянма – джыгъылырса.
- Аджаллыгъа окъсуз шкок атылыр.
- Адамны бетине къарама, адетине къара.
- Орну джокъну – сыйы джокъ.
- Чарсда алчыны эл кёреди.
- Къонакъ аз олтурур, кёб сынар.
- Джеринден айырылгъан – джети джылар, джуртундан айырылгъан – ёлгюнчю джылар.
- Аман эсирсе, юйюн ояр.
- Сагъыш – къартлыкъгъа сюйюмчю.
- Айырылмаз джууугъунга, унутмаз сёзню айтма.
- Хатерли къул болур.
- Хантына кёре тузу, юйюне кёре къызы.
- Хунаны тюбюн къазсанг, юсюнге ауар.
- Тилчи тилден къаныкъмаз.
- Башынга джетмегенни сорма.
- Кёл ашады да, кеси ашады.
- Къартны бурнун сюрт да, оноугъа тут.
- Къонакъны къачан кетерин сорма, къачан келлигин сор.
- Акъыллы – эл иеси, тели – эл баласы.
- Окъугъанны бети джарыкъ.
- Ургъан суудан башынгы сакъла.
- Суугъа – таянма, джаугъа – ийнанма.
- Къулакъдан эсе, кёзге ышан.
- Тёзген – тёш ашар!
- Ачыу алгъа келсе, акъыл артха къалады.
- Кюн кёрмеген, кюн кёрсе, кюндюз чыракъ джандырыр.
- Болджал ишни бёрю ашар.
- Биреуню тёрюнден, кесинги эшик артынг игиди.
- Кёл – къызбай, къол – батыр.
- Кесине гебен этелмеген, биреуге черен эте эди.
- Кёпюр салгъан кеси ётер, уру къазгъан кеси кетер.
- Аз сёлешген, къайгъысыз турур.
- Терслик кетер, тюзлюк джетер.
- Ёзденликни кёбю ётюрюк.
- Мухар, кеси тойса да, кёзю тоймаз.
- Джигер – джаннга къыйынлыкъ.
- Харам къарнашдан, халал тенг ашхы.
- Иги адамны бир сёзю эки болмаз.
- Тёрени джагъы джокъ.
- Ашын ашагъанынгы, башын да сыйла.
- Мадар болса, къадар болур.
- Тулпарлыкъ, билекден тюл – джюрекден.
- Тил бла келеди джыр да.
- Джюрекден джюрекге джол барды.
С днем рождения, БИЛЯЛ!
13.04.2011 03:55:38
Ёмюрюнг узакъ болсун джуртну джаннгыз тереги Туугьан кюнюнг бла алгышлайма
|
|
|
|
13.04.2011 04:11:39
Алгъышлагъа къошулама!
|
|
|
|
13.04.2011 23:03:11
Алгъышлайма!
Аллах этген муратларыгъызгъа джетдирсин! |
|
|
|
13.04.2011 23:11:00
Алгъышлайма! Аллах саулукъдан, насыпдан айырмасын, этген муратларыгъызны толтурсун!
|
|
|
|
14.04.2011 02:34:18
Кёп джаша Билал Лайпан! Саулукла, куанчла. Тюшлерин, тилеклерин кабул болур иншаАллах. Алайла Аланланы кюнлери де джарыктан джарык болур.
|
|
|
|
14.04.2011 03:23:01
Барс бла Бёрю Тюрк тауну сакълайла.
Тенгиз джагъасын сакълайма мен. Таугъа къайытыр кюнлени санайма, Къайытырыкъма, болсам сау-эсен. Барс бла Бёрю Сабр бла ШАТ Аламат назму. Машаллах. |
|
|
|
Читают тему (гостей: 1)