- Ашарыкъда сайлагъаннга – чий гырджын.
- Иши джокъну, сыйы джокъ.
- Ёксюзню тилеги къабыл болур.
- Таш бла ургъанны, аш бла ур.
- Терслик кетер, тюзлюк джетер.
- Тулпарлыкъ, билекден тюл – джюрекден.
- Ёзденликни кёбю ётюрюк.
- Кесинг сынамагъан затны, адамгъа буюрма.
- Ёлмесенг да, къарт дамы болмазса?
- Мухарны эси – ашарыкъда.
- Ётюрюкчюню шагъаты – къатында.
- Хар адамгъа кеси миннген тау кибик.
- Элге къуллукъ этмеген, элге ие болмаз.
- Сангырау къулакъ эл бузар.
- Къоркъакъны кёзю экили кёрюр.
- Ургъан суудан башынгы сакъла.
- Бал чибинни ургъаны – ачы, балы – татлы.
- Чомартха хар кюн да байрамды.
- Чыбыкълыкъда бюгюлмеген, къазыкълыкъда бюгюлмей эди.
- Къарнынг тойгъунчу аша да, белинг талгъынчы ишле.
- Элни кючю – эмеген.
- Ёгюзню мюйюзюнден тутадыла, адамны сёзюнден тутадыла.
- Тойгъан антын унутур.
- Азыкълы ат арымаз, къатыны аман джарымаз.
- Къар – келтирди, суу – элтди.
- Окъугъан озар, окъумагъан тозар.
- Биреуге кёлтюрген таягъынг, кесинги башынга урур.
- Джаханимни кёрмей, джандетге кёл салмазса.
- Чомарт джарлы болмаз.
- Чомартны къолун джокълукъ байлар.
- Иги джашны ышаны – аз сёлешиб, кёб тынгылар.
- Туз, гырджын аша, тюзлюк бла джаша.
- Сыфатында болмагъаны, суратында болмаз.
- Башы ишлегенни, ауузу да ишлер.
- Мадар болса, къадар болур.
- Юре билмеген ит, къонакъ келтирир.
- Юреннген ауруу къалмаз.
- Рысхысына кёре, джаш ёсер, къышлыгъына кёре, мал ёсер.
- Кёбге таш атма.
- Ишни аллы бла къууанма да, арты бла къууан.
- Чакъырылмай келген къонакъ сыйланмай кетер.
- Таугъа чыгъаллыкъ эсенг, тюзде къалма.
- Ачылгъан эт джабылыр, кёрген кёз унутмаз.
- Билимсиз иш бармаз.
- Аурууну келиую тынч, кетиую – къыйын.
- Тёрде – темир таякълы, къаяда – чыпчыкъ аякълы.
- Таукел тауну аудурур.
- Ата – баланы уясы.
- Билим насыб берир, билим джолну керир.
- Нарт сёз – тилни бети.
С днем рождения, БИЛЯЛ!
13.04.2011 03:55:38
Ёмюрюнг узакъ болсун джуртну джаннгыз тереги
![]() ![]() |
|
|
|
13.04.2011 04:11:39
Алгъышлагъа къошулама!
|
|
|
|
13.04.2011 23:03:11
Алгъышлайма!
Аллах этген муратларыгъызгъа джетдирсин! |
|
|
|
13.04.2011 23:11:00
Алгъышлайма! Аллах саулукъдан, насыпдан айырмасын, этген муратларыгъызны толтурсун!
|
|
|
|
14.04.2011 02:34:18
Кёп джаша Билал Лайпан! Саулукла, куанчла. Тюшлерин, тилеклерин кабул болур иншаАллах. Алайла Аланланы кюнлери де джарыктан джарык болур.
|
|
|
|
14.04.2011 03:23:01
Барс бла Бёрю Тюрк тауну сакълайла.
Тенгиз джагъасын сакълайма мен. Таугъа къайытыр кюнлени санайма, Къайытырыкъма, болсам сау-эсен. Барс бла Бёрю ![]() ![]() ![]() ![]() |
|
|
|
Читают тему (гостей: 1)