- Тил бла келеди джыр да.
- Асхат ашлыкъ сата, юйдегиси ачдан къата.
- Акъыллы эркиши атын махтар, акъылсыз эркиши къатынын махтар.
- Айырылгъанланы айю ашар, бёлюннгенлени бёрю ашар.
- Чоюнну башы ачыкъ болса, итге уят керекди.
- Урунуу – насыбны анасы.
- Ётген ёмюр – акъгъан суу.
- Эркишини аманы тиширыуну джылатыр.
- Къарт айтханны этмеген, къартаймаз.
- Окъугъан озар, окъумагъан тозар.
- Ата Джуртуму башы болмасам да, босагъасында ташы болайым.
- Ауузу аманнга «иги», деме.
- Акъыллы – эл иеси, тели – эл баласы.
- Чомартны къолун джокълукъ байлар.
- Аякъларынгы джууургъанынга кёре узат.
- Джылыгъа джылан илешир.
- Тамчы таш тешер.
- Гугурук къычырмаса да, тангны атары къалмаз.
- Ариу сёз – джаннга азыкъ, аман сёз – башха къазыкъ.
- Биреуге кёлтюрген таягъынг, кесинги башынга урур.
- Атадан ёксюз – бир ёксюз, анадан ёксюз – эки ёксюз.
- Кийимни бир кюнню аясанг, минг кюннге джарар.
- Эл ауузу – элия.
- Ашхы болсанг, атынг чыгъар, аман болсанг, джанынг чыгъар.
- Биреуге аманлыкъны тилеме да, кесинге ашхылыкъны тиле.
- Джукъу тёшек сайламайды.
- Келлик заман – къартлыкъ келтирир, кетген заман – джашлыкъ ёлтюрюр.
- Къонагъынгы артмагъын алма да, алгъышын ал.
- Биреуню къыйынлыгъы бла кесинге джол ишлеме.
- Бир онгсуз адам адет чыгъарды, деб эштирик тюлсе.
- Накъырданы арты керти болур.
- Хантына кёре тузу, юйюне кёре къызы.
- Тюкюрюк баш джармаз, налат кёз чыгъармаз!
- Айранны сюйген, ийнек тутар.
- Арпа, будай – ащды, алтын, кюмюш а – ташды.
- Мал кёб болса, джууукъ кёб болур.
- Зар адам ашынгы ашар, кесинги сатар.
- Баш болса, бёрк табылыр.
- Джарлыны эшигин махтагъан джабар.
- Хунаны тюбюн къазсанг, юсюнге ауар.
- Тойгъанлыкъ къойгъа джарашады.
- Татлы сёз – балдан татлы.
- Адебни адебсизден юрен.
- Оюмсуз атлагъан, аджалсыз ёлюр.
- Биреу ашаб къутулур, биреу джалаб тутулур.
- Насыб бютеу халкъны юлюшюдю.
- Башсыз урчукъ тюзюне айланмаз.
- Таукел къуру къалмаз.
- Терек ауса, отунчу – кёб.
- Айтылгъан буйрукъ, сёгюлмез
С днем рождения, БИЛЯЛ!
13.04.2011 03:55:38
Ёмюрюнг узакъ болсун джуртну джаннгыз тереги
![]() ![]() |
|
|
|
13.04.2011 04:11:39
Алгъышлагъа къошулама!
|
|
|
|
13.04.2011 23:03:11
Алгъышлайма!
Аллах этген муратларыгъызгъа джетдирсин! |
|
|
|
13.04.2011 23:11:00
Алгъышлайма! Аллах саулукъдан, насыпдан айырмасын, этген муратларыгъызны толтурсун!
|
|
|
|
14.04.2011 02:34:18
Кёп джаша Билал Лайпан! Саулукла, куанчла. Тюшлерин, тилеклерин кабул болур иншаАллах. Алайла Аланланы кюнлери де джарыктан джарык болур.
|
|
|
|
14.04.2011 03:23:01
Барс бла Бёрю Тюрк тауну сакълайла.
Тенгиз джагъасын сакълайма мен. Таугъа къайытыр кюнлени санайма, Къайытырыкъма, болсам сау-эсен. Барс бла Бёрю ![]() ![]() ![]() ![]() |
|
|
|
Читают тему (гостей: 1)