Расширенный поиск
4 Декабря 2025 года
Логин: Регистрация
Пароль: Забыли пароль?
Навигация
Словарь
  • Юйюнг бла джау болгъандан эсе, элинг бла джау бол.
  • Терек ауса, отунчу – кёб.
  • Джыланны къуйругъундан басарынг келсе, аны башы болгъанын унутма.
  • Адамны артындан къара сабан сюрме.
  • Бермеген къол, алмайды.
  • Джаш болсун, къыз болсун, акъылы, саны тюз болсун.
  • Уллу сёзде уят джокъ.
  • Элни кючю – эмеген.
  • Этни бети бла шорпасы.
  • Тулпарлыкъ, билекден тюл – джюрекден.
  • Окъуусуз билим – джокъ, билимсиз кюнюнг – джокъ.
  • Чакъырылмагъан джерге барма, чакъырылгъан джерден къалма.
  • Къонакъны къачан кетерин сорма, къачан келлигин сор.
  • Намыс сатылыб алынмайды.
  • Ушамагъан – джукъмаз.
  • Акъыл сабырлыкъ берир.
  • Тешигини къатында, чычхан да батыр болур.
  • Ышармагъан – кюлмез, кюлмеген – къууанчны билмез.
  • Тойгъандан сора, ашны сёкме.
  • Сууда джау джокъ, кёб сёзде магъана джокъ.
  • Аджалсыз ёлюм болмаз.
  • Кесинг сынамагъан затны, адамгъа буюрма.
  • Ашаса, ашамаса да, бёрюню ауузу – къан.
  • Аш хазыр болса, иш харам болур.
  • Берекет берсин деген джерде, берекет болур.
  • Таукел адам тау тешер.
  • Къарт болгъан джерде, берекет болур, сабий болгъан джерде, оюн болур.
  • Джиби бир къат джетмей эди да, эки къат тарта эди.
  • Окъугъан озар, окъумагъан тозар.
  • Ашда уялгъан – мухар, ишде уялгъан – хомух.
  • Ач отунчуну ачыуу – бурнунда.
  • Къыз тиширыу кеси юйюнде да къонакъды.
  • Ёмюрлюк шохлукъну джел элтмез.
  • Чомарт къонакъ юй иесин сыйлар.
  • Ёлюк кебинсиз къалмаз.
  • Иесиз малны бёрю ашар.
  • Джюрекден джюрекге джол барды.
  • Кёл ашады да, кеси ашады.
  • Хата – гитчеден.
  • Тойну къарнашы – харс, джырны къарнашы – эжиу.
  • Бек ашыкъгъан меннге джетсин, дегенди аракъы.
  • Тюзлюк тас болмайды.
  • Къалгъан ишге къар джауар.
  • Тойгъа барсанг, тоюб бар, эски тонунгу къоюб бар.
  • Ачыу алгъа келсе, акъыл артха къалады.
  • Адебсиз адам – джюгенсиз ат.
  • Ачылгъан эт джабылыр, кёрген кёз унутмаз.
  • Ётюрюк хапар аякъ тюбю бла джюрюйдю.
  • Кютгени беш эчки, сызгъыргъаны уа, джерни джарады.
  • Кюл тюбюндеги от кёрюнмейди.

События

События

Случайные Лучшие Рекомендуемые

Новые события

следующие 5 предыдущие 5

Популярные

за неделю за месяц

Последние комментарии