Песен: 18 Создан:
18.07.2017 Обновлен:
01.02.2018
| 26 Мая | 2019 года |
Навигация
- Окъ къызбайны джокълайды.
- Акъыл къартда, джашда тюйюлдю – башдады.
- Сыфатында болмагъаны, суратында болмаз.
- Бир абыннган – минг сюрюнюр.
- Ёксюзню тилеги къабыл болур.
- Къыз чыгъаргъан – къызыл къымжа.
- Босагъагъа джууукъ орун болса, ашыгъыб тёрге озма.
- Аш кетер да бет къалыр.
- Кёзюнде тереги болгъан, чёбю болгъаннга кюле эди.
- Арба аугъандан сора, джол кёргюзтюучю кёб болур.
- Хансыз джомакъ болмаз.
- Таула не мийик болсала да, аууш табылыр.
- Дуния мал дунияда къалады.
- Келлик заман – къартлыкъ келтирир, кетген заман – джашлыкъ ёлтюрюр.
- Ауругъанны сау билмез, ач къарынны токъ билмез.
- Чомартха хар кюн да байрамды.
- Суу ичген шауданынга тюкюрме.
- Джашда акъыл джокъ, къартда къарыу джокъ.
- Окъуусуз билим – джокъ, билимсиз кюнюнг – джокъ.
- Чакъырылмагъан къонакъ къачан кетерин сормаз.
- Иши джокъну, сыйы джокъ.
- Джырчы ёлсе, джыры къалыр.
- Адам туугъан джеринде, ит тойгъан джеринде.
- Къарын къуру болса, джюрек уру болур.
- Дженгил джетерикме деб, узун джолну къоюб, къысхасын барма.
- Джолда аягъынга сакъ бол, ушакъда тилинге сакъ бол.
- Сууда джау джокъ, кёб сёзде магъана джокъ.
- Юре билмеген ит, къонакъ келтирир.
- Къонакъ аз олтурур, кёб сынар.
- Тёгюлген тюгел джыйылмайды.
- Ариу сёзде ауруу джокъ.
- Ашхы атаны – джашы ашхы, ашхы ананы – къызы ашхы.
- Уллу суу бла уллу ауруудан башынгы сакъла.
- Насыблы элин сюер, насыбсыз кесин сюер.
- Ач – эснер, ат – кишнер.
- Тура эдим джата, къайдан чыкъды хата?
- Берекет берсин деген джерде, берекет болур.
- Ашхы адам – халкъ байлыгъы, ашхы джер – джашау байлыгъы.
- Тас болгъан бычакъны сабы – алтын.
- Айтхан – тынч, этген – къыйын.
- Ёмюрлюк шохлукъну джел элтмез.
- Тойгъан антын унутур.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Тамырсыз терекге таянма – джыгъылырса.
- Къонакъ кёб келюучю юйню, къазаны отдан тюшмез.
- Мал ёлсе, сюек къалыр, адам ёлсе, иши къалыр.
- Итли къонакъ джарашмаз.
- Къанны къан бла джуума, аманны аман бла къуума.
- Байма, деб да, къууанма, джарлыма, деб да, джылама.
- Мени джылытмагъан кюн, меннге тиймесин!
Фонд содействия развитию карачаево-балкарской молодежи «Эльбрусоид»
© 2003-2019 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: fond@elbrusoid.org - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
