Песен: 6 Создан:
06.05.2015 Обновлен:
27.11.2017
| 27 Марта | 2025 года |
Навигация
- Билимден уллу байлыкъ джокъду.
- Кесине гебен этелмеген, биреуге черен эте эди.
- Таукел адам тау тешер.
- Джюрекден джюрекге джол барды.
- Кёз – сюйген джерде, къол – ауругъан джерде.
- Джаш болсун, къыз болсун, акъылы, саны тюз болсун.
- Ушамагъан – джукъмаз.
- Аман адам элни бир-бирине джау этер.
- Аз сёлеш, кёб ишле.
- Эрине къаргъыш этген къатын, эрнин къабар.
- Аман адам этегингден тутса, кес да къач.
- Бир онгсуз адам адет чыгъарды, деб эштирик тюлсе.
- Акъыл бла адеб эгизледиле.
- Окъуусуз билим – джокъ, билимсиз кюнюнг – джокъ.
- Билим ат болуб да чабар, къуш болуб да учар.
- Иесиз малны бёрю ашар.
- Къарын къуру болса, джюрек уру болур.
- Сёз садакъдан кючлюдю.
- Телини эшигин, махтау джабар.
- Чомартха хар кюн да байрамды.
- Абынмазлыкъ аякъ джокъ, джангылмазлыкъ джаякъ джокъ.
- Джан саулукъ бермей, сан саулукъ бермезсе.
- Сескекли кесин билдирир.
- Аманнга алтын чыдамаз.
- Тыш элде солтан болгъандан эсе, кесинги элде олтан болгъан игиди!
- Намыс болмагъан джерде, насыб болмаз.
- Адебсиз адам – джюгенсиз ат.
- Кёб ант этген, кёб ётюрюк айтыр.
- Айыбны суу бла джууалмазса.
- Киштикге къанат битсе, чыпчыкъ къалмаз эди.
- Аман адамны тепсинге олтуртсанг, къызынгы тилер.
- Эл бла кёргенинг эрелей.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Игини сыйлагъан адетди.
- Ана кёлю – балада, бала кёлю – талада.
- Булут кёкге джарашыу, уят бетге джарашыу.
- Ишни ахырын ойламай, аллын башлама.
- Элге къуллукъ этмеген, элге ие болмаз.
- Алма терегинден кери кетмез.
- Айранын берсенг, челегин да къызгъанма.
- Гитче джилтин уллу элни джандырыр.
- Хантына кёре тузу, юйюне кёре къызы.
- Махтаннган къыз, тойда джукълар.
- Ашарыкъда сайлагъаннга – чий гырджын.
- Келинин тута билмеген, къул этер, къызын тута билмеген, тул этер.
- Башланнган иш битер, къымылдагъан тиш тюшер.
- Термилгенинги табмазса, кюлгенинге тюберсе.
- Игилик игилик бла сингдирилиучю затды.
- Шекер бла туз – бир болмаз, ушамагъан – юй болмаз.
- Къызгъанчдан ычхыныр, мухардан ычхынмаз.
Фонд содействия развитию карачаево-балкарской молодежи «Эльбрусоид»
© 2003-2025 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
