- Адам къыйынлыгъын кёлтюрюр, зауукълугъун кёлтюрмез.
- Аджашханны ызындагъы кёреди, джангылгъанны джанындагъы биледи.
- Башынга джетмегенни сорма.
- Ана къолу ачытмаз.
- Сабийликде юретмесенг, уллу болса – тюзелмез.
- Аджаллыгъа окъсуз шкок атылыр.
- Билгенни къолу къарны джандырыр.
- Байлыкъ келсе, акъыл кетер.
- Къолу уллу – асыу, аягъы уллу – джарсыу.
- Ачылгъан эт джабылыр, кёрген кёз унутмаз.
- Бети къызарыучу адамны, джюреги харам болмаз.
- Аман къатын алгъан, арыр, иги къатын алгъан джарыр.
- Айтылгъан сёз ызына къайтмаз.
- Магъанасыз сёз – тауушсуз сыбызгъы.
- Иши джокъну, сыйы джокъ.
- Бойнуму джети джерден кессенг да, мен ол ишни этеллик тюлме.
- Къартны бурнун сюрт да, оноугъа тут.
- Аман адам элни бир-бирине джау этер.
- Къонагъы джокъну – шоху джокъ.
- Тюз сёз баргъан сууну тыяр.
- Тау башында, тау болмаз, джангыз терек, бау болмаз.
- Урунуу – насыбны анасы.
- Онгсузну – джакъла, тенгликни – сакъла.
- Накъырда – кертини келечиси.
- Кютгени беш эчки, сызгъыргъаны уа, джерни джарады.
- Джюз элде джюз ёгюзюм болгъандан эсе, джюз джууугъум болсун.
- Эки элинги тыйсанг, джети элде махталырса.
- Ачлыкъда тары гырджын халыуадан татлы.
- Ата Джуртуму башы болмасам да, босагъасында ташы болайым.
- Биреу къой излей, биреу той излей.
- Тин – байлыгъынг, терен саулугъунг.
- Зар адам ашынгы ашар, кесинги сатар.
- Тай асырагъан, атха минер.
- Мал ёлсе, сюек къалыр, адам ёлсе, иши къалыр.
- Кесинге джетмегенни, кёб сёлешме.
- Аман къатын сабий табса, бий болур…
- Билмейме деген – бир сёз
- Башы ишлегенни, ауузу да ишлер.
- Алма терегинден кери кетмез.
- Джангызны оту джарыкъ джанмаз!
- Эркишини аманы тиширыуну джылатыр.
- Тойну къарнашы – харс, джырны къарнашы – эжиу.
- Адамгъа аман кюн соруб келмейди.
- Ач келгенни – тойдур, кеч келгенни – къондур.
- Хансыз джомакъ болмаз.
- Чомартны къолу берекет.
- Джашны джигитлиги сорулур, къызны джигерлиги сорулур.
- Ашлыкъ – бюртюкден, джюн – тюкден.
- Айтхан – тынч, этген – къыйын.
- Айран ичген – къутулду, джугъусун джалагъан – тутулду.
|
Сэстренка
|
