- Джаз бир кюнню джатсанг, къыш талай кюнню абынырса.
- Намысы джокъну – дуниясы джокъ.
- Къонакъны къачан кетерин сорма, къачан келлигин сор.
- Сёз къанатсыз учар.
- Уллу сёлешме да, уллу къаб.
- Джылар джаш, атасыны сакъалы бла ойнар.
- Биреуню тёрюнден, кесинги эшик артынг игиди.
- Эри аманны, къатыны – аман.
- Ашатыргъа иш – ашхы, ишлетирге аш – ашхы.
- Ишни аллы бла къууанма да, арты бла къууан.
- Рысхы джалгъанды: келген да этер, кетген да этер.
- Чомартха хар кюн да байрамды.
- Гугук кесини атын айтыб къычыргъанча, мен, мен деб нек тураса?
- Къумурсхала джыйылсала, пилни да джыгъадыла.
- Халкъны юйю – туугъан джери.
- Башсыз урчукъ тюзюне айланмаз.
- Къатын байлыкъны сюер, эр саулукъну сюер.
- Акъыл бла адеб эгизледиле.
- Уллу айтханны этмеген – уллаймаз.
- Сескекли кесин билдирир.
- Адамны аманы адамны бети бла ойнар.
- Джарашыу сюйген – джалынчакъ.
- Сёз – кюмюш, джыр – алтын.
- Байлыкъ болгъан джерде, тынчлыкъ джокъду.
- Арпа, будай – ащды, алтын, кюмюш а – ташды.
- Чабакъсыз кёлге къармакъ салгъанлыкъгъа, чабакъ тутмазса.
- Джырчы джырчыгъа – къарнаш.
- Тилде сюек болмаса да, сюек сындырыр.
- Чарсда алчыны эл кёреди.
- Тыш элде солтан болгъандан эсе, кесинги элде олтан болгъан игиди!
- Джырына кёре эжиую.
- Эрни эр этерик да, къара джер этерик да, тиширыуду.
- Аш кетер да бет къалыр.
- Сангырау къулакъ эл бузар.
- Босагъагъа джууукъ орун болса, ашыгъыб тёрге озма.
- Мал тутхан – май джалар.
- Ачылгъан эт джабылыр, кёрген кёз унутмаз.
- Джаралыны джастыгъында сау ёлюр.
- Къыйынлы джети элни къайгъысын этер.
- Акъыллы айтыр эди, акъылсыз къоймайды.
- Кёб джашагъан – кёб билир.
- Джерни букъусу кёкге къонмаз.
- Суу ичген шауданынга тюкюрме.
- Джауумдан сора, кюн кюйдюрюр, ётюрюкден сора, айыб кюйдюрюр.
- Чыкълы кюнде чыкъмагъан, чыкъса къуру кирмеген.
- Къазанда болса, чолпугъа чыгъар.
- Аджал соруб келмез, келсе, къайтыб кетмез.
- Ишлегенде эринме, ишде чолакъ кёрюнме.
- Термилгенинги табмазса, кюлгенинге тюберсе.
- Тик ёргени, тик энгишгеси да болады.