Эльбрусоид :: Эльбрусоид

Эки къатын алгъанны къулагъы тынгнгаймаз.
Аман адам элни бир-бирине джау этер.
Ойнай билмеген, оюн бузар.
Суугъа – чабакъ, къаягъа – ыргъакъ.
Джыланны къуйругъундан басарынг келсе, аны башы болгъанын унутма.
Джашынгы кесинг юретмесенг, джашау юретир.
Хоншуну тауугъу къаз кёрюнюр, келини къыз кёрюнюр.
Эринчекге кюн узун.
Аман къатын алгъан, арыр, иги къатын алгъан джарыр.
Билмейме деген – бир сёз
Аджашханны ызындагъы кёреди, джангылгъанны джанындагъы биледи.
Ачлыкъ отха секиртир.
Ашхы – джыяр, аман – джояр.
Таукел адам тау тешер.
Айтылгъан сёз ызына къайтмаз.
Адамны сабийин сюйген джюреги, бычакъча, джитиди.
Джюрекден джюрекге джол барды.
Айраннга суу къош, телиге джол бош.
Къумурсхала джыйылсала, пилни да джыгъадыла.
Ёлмесенг да, къарт дамы болмазса?
Мухарны эси – ашарыкъда.
Тенгни тенглиги джашай барсанг билинир.
Бет бетге къараса, бет да джерге къарар.
Ишни аллы бла къууанма да, арты бла къууан.
Узун джолну барсанг, бюгюн келирсе, къысха джолну барсанг, тамбла келирсе.
Хар ишни да аллы къыйынды.
Тойгъан антын унутур.
Джылыгъа джылан илешир.
Кёпюр салгъан кеси ётер, уру къазгъан кеси кетер.
Аууздан келген, къолдан келсе, ким да патчах болур эди.
Ашына кёре табагъы, балына кёре къалагъы.
Тин – байлыгъынг, терен саулугъунг.
Юй кюйдю да, кюйюз чыкъды, ортасындан тюйюш чыкъды.
Адам бла мюлк юлешмеген эсенг, ол адамны билиб бошагъанма, деб кесинги алдама.
Ауузу бла къуш тута айланады.
Эл тойса, тоймагъан, эл къойса, къоймагъан.
Тёзген – тёш ашар!
Иги адамны бир сёзю эки болмаз.
Джырчы джырчыгъа – къарнаш.
Сормай – алма, чакъырылмай – барма.
Харам къарнашдан, халал тенг ашхы.
Башланнган иш битер, къымылдагъан тиш тюшер.
Къазанчы аман болса, къазаны къайнамаз.
Ата джурт – алтын бешик.
Насыб бютеу халкъны юлюшюдю.
Билген билмегенни юретген адетди.
Джауумдан сора, кюн кюйдюрюр, ётюрюкден сора, айыб кюйдюрюр.
Иши джокъну, сыйы джокъ.
Джашлыкъ этмеген, башлыкъ этмез.
Къызбайны юйюне дери сюрсенг, батыр болур.