Эльбрусоид :: Эльбрусоид

Къошда джокъгъа – юлюш джокъ.
Джарлы тюеге минсе да, ит къабар.
Битмегеннге сакъал – танг.
Дженгил джетерикме деб, узун джолну къоюб, къысхасын барма.
Таула не мийик болсала да, аууш табылыр.
Сёз садакъдан кючлюдю.
Ишлерге уял да, ашаргъа табма.
Аманны тукъумуна къарама, игини тукъумун сорма.
Къууут – джелге, берне – бошха.
Ат да турмайды бир териде.
Эм уллу байлыкъ – джан саулукъ.
Игиге айтсанг – билир, аманнга айтсанг – кюлюр.
Биреуню эскиси биреуге джангы болмайды.
Ишни аллы бла къууанма да, арты бла къууан.
Адамны артындан къара сабан сюрме.
Ариуну – ауруу кёб.
Мал кёб болса, джууукъ кёб болур.
Биреу ашаб къутулур, биреу джалаб тутулур.
Кесинге джетмегенни, кёб сёлешме.
Адеб этмеген, адеб кёрмез.
Эл элде бирер малынг болгъандан эсе, бирер тенгинг болсун.
Къыз келсе, джумуш эте келеди, къатын келсе, ушакъ эте келеди.
Ётюрюкню къуйругъу – бир тутум.
Тин – байлыгъынг, терен саулугъунг.
Къарыусузгъа кюлме, онгсузгъа тийме.
Джуртун къоругъан озар.
Юреннген ауруу къалмаз.
Иги адам абынса да, джангылмаз.
Джюз элде джюз ёгюзюм болгъандан эсе, джюз джууугъум болсун.
Айтылгъан буйрукъ, сёгюлмез
Шайтан алдады, тюзлюк къаргъады.
Ачыу алгъа келсе, акъыл артха къалады.
Танг атмайма десе да, кюн къоярыкъ тюйюлдю.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Чыкълы кюнде чыкъмагъан, чыкъса къуру кирмеген.
Тойгъандан сора, ашны сёкме.
Джахил болса анасы, не билликди баласы?
Уллу суу бла уллу ауруудан башынгы сакъла.
Адамны адамлыгъы къыйынлыкъда айгъакъланады.
Уллу сёзде уят джокъ.
Ауурну тюбю бла, дженгилни башы бла джюрюген.
Къонакъ аз олтурур, кёб сынар.
Юре билмеген ит, къонакъ келтирир.
Ауругъан – джашаудан умутчу.
Сёз – кюмюш, джыр – алтын.
Билим – акъылны чырагъы.
Къыйынлы джети элни къайгъысын этер.
Айтылгъан сёз ызына къайтмаз.
Онгсузну – джакъла, тенгликни – сакъла.
Чыбыкълыкъда бюгюлмеген, къазыкълыкъда бюгюлмей эди.