Эльбрусоид :: Эльбрусоид

Хантына кёре тузу, юйюне кёре къызы.
Ашхы сёз таш тешер.
Эр абынмай, эл танымаз.
Чакъырылмагъан къонакъ – орунсуз.
Акъыллы – эл иеси, тели – эл баласы.
Айныгъанлы алты кюн, тогъайгъанлы тогъуз кюн.
Мухарны эси – ашарыкъда.
Къарны аманнга къазан такъдырма, къолу аманнга от джакъдырма.
Кесинг сынамагъан затны, адамгъа буюрма.
Джумушакъ терекни къурт ашар.
Окъугъан – асыу, окъумагъан – джарсыу.
Ашхы болсанг, атынг чыгъар, аман болсанг, джанынг чыгъар.
Къызбайны юйюне дери сюрсенг, батыр болур.
Чомарт джарлы болмаз.
Кюн – узун, ёмюр – къысха.
Таукел тауну аудурур.
Агъач – джерни чырайы, кийим – эрни чырайы.
Дженгил джетерикме деб, узун джолну къоюб, къысхасын барма.
Ашхы атаны – джашы ашхы, ашхы ананы – къызы ашхы.
Тилде сюек болмаса да, сюек сындырыр.
Келинин тута билмеген, къул этер, къызын тута билмеген, тул этер.
Таугъа чыгъаллыкъ эсенг, тюзде къалма.
Билмейме деген – бир сёз
Кёзню ачылгъаны – иги, ауузну джабылгъаны – иги.
Ишленмеклик адамлыкъды.
Къарт болгъан джерде, берекет болур, сабий болгъан джерде, оюн болур.
Ачылгъан эт джабылыр, кёрген кёз унутмаз.
Аш иеси бла татлыды.
Экеу тутушса, биреу джыгъылыр.
Кёл ашады да, кеси ашады.
Ёзденликни джайгъан – джокълукъ.
Акъдан къара болмаз.
Кёб къычыргъандан – къоркъма, тынч олтургъандан – къоркъ.
Акъыл сабырлыкъ берир.
Сёз къанатсыз учар.
Арпа, будай – ащды, алтын, кюмюш а – ташды.
Къыйынлы джети элни къайгъысын этер.
Къаллай салам берсенг, аллай джууаб алырса.
Ашарыкъда сайлагъаннга – чий гырджын.
Хар зат кесини орнуна иги.
Эр сокъур болсун, къатын тилсиз болсун.
Билим ат болуб да чабар, къуш болуб да учар.
Хар адамгъа кеси миннген тау кибик.
Эринчекге кюн узун.
Тилчи тилден къаныкъмаз.
Асхат ашлыкъ сата, юйдегиси ачдан къата.
Уллу атлама – абынырса, уллу къабма – къарылырса.
Аман къатын алгъан, арыр, иги къатын алгъан джарыр.
Ач бёрюге мекям джокъ.
Ашыкъгъанны этеги бутуна чырмалыр.