- Байма, деб да, къууанма, джарлыма, деб да, джылама.
- Игиге айтсанг – билир, аманнга айтсанг – кюлюр.
- Рысхысына кёре, джаш ёсер, къышлыгъына кёре, мал ёсер.
- Ач къарным, тынч къулагъым.
- Ариу джол аджал келтирмез.
- Ат да турмайды бир териде.
- Тюзлюк шохлукъну бегитир.
- Соргъан айыб тюлдю, билмеген айыбды.
- Тёгюлген тюгел джыйылмайды.
- Джахил болса анасы, не билликди баласы?
- Джерни букъусу кёкге къонмаз.
- Берекет берсин деген джерде, берекет болур.
- Оюмсуз атлагъан, аджалсыз ёлюр.
- Къызбайны юйюне дери сюрсенг, батыр болур.
- Ышармагъан – кюлмез, кюлмеген – къууанчны билмез.
- Джангыз терек къынгыр ёсер.
- Къонакъ аман болса, къонакъбай джунчур
- Сёз къанатсыз учар.
- Халкъны джырын джырласанг, халкъ санга эжиу этер.
- Ашын ашагъанынгы, башын да сыйла.
- Дженгил джетерикме деб, узун джолну къоюб, къысхасын барма.
- Ёлген ийнек сютлю болур.
- Байны къызы баймакъ болса да, юйде къалмаз!
- Сабийликде юретмесенг, уллу болса – тюзелмез.
- Иги джашны ышаны – аз сёлешиб, кёб тынгылар.
- Узун джолну барсанг, бюгюн келирсе, къысха джолну барсанг, тамбла келирсе.
- Кесине гебен этелмеген, биреуге черен эте эди.
- Тёрде – темир таякълы, къаяда – чыпчыкъ аякълы.
- Эл ауузу – элия.
- Хата – гитчеден.
- Эринчекни аурууу – кёб.
- Эри аманны, къатыны – аман.
- Тынгылагъан тынгы бузар.
- Сууда джау джокъ, кёб сёзде магъана джокъ.
- Ач – эснер, ат – кишнер.
- Рысхы – насыбха къор.
- Къыйынлы джети элге оноу этер.
- Хатерли къул болур.
- Къайгъыны сюйген, къайгъы табар.
- Накъырда – кертини келечиси.
- Тойгъандан сора, ашны сёкме.
- Бастасын ашагъан, хантусун да ичер.
- Ач да бол, токъ да бол – намысынга бек бол.
- Ишленмеген джаш – джюгенсиз ат, ишленмеген къыз – тузсуз хант.
- Атлыны кёрсе, джаяуну буту талыр.
- Ашхы тенг джолгъа салыр, аман тенг джолдан тайдырыр.
- «Ёгюз, джаргъа джууукъ барма, меннге джюк боллукъса», - дегенди эшек.
- Айраннга суу къош, телиге джол бош.
- Аман къатын сабий табса, бий болур…
- Окъумагъан сокъурду, сокъур ташха абыныр!